محمد's Updates

"بدأَتْ رحلة ومشروع د.محمد طه الفكرى بكتاب الخروج عن النص ثم علاقات خطرة ثم لأ بطعم الفلامنكو ثم ذكر شرقي منقرض ثم الخروج عن النص من جديد وانتهي بكتابه الثري المليء بالمعاني "في دايرة الرحلة الحب والوعي والأحلام"

د.محمد طه ذكي جداً فهو بيرتقي بالقارئ درجات السلم رويداً رويداً، بدأ مع قارئه من الأول خالص في أول كتبه بيفهمه علاقة الإنسان بنفسه وبأهله وبالناس وايه الصح وايه الغلط في حق نفسك ..

هنا في هذا الكتاب "في دايرة الرحلة" خرج الدكتور محمد طه عن المستوي الأوَّلي لقارئه إلي المستوي الثاني اللي فيه معني الأحلام واللاوعي وبدأ يطرق من باب خفي جميل معاني التصوف الراقية بصفته أستاذ طب نفسي ..

هنا يطوف بنا د.محمد طه ببراعة وبطريقة سائلة في شرح معني الوعي ومراحل اللاوعي ال ٧ ..
وماهية الأحلام وتفسيرها وكيف يتشكل العقل الجمعي نفسياً..

ما يترتب علي ذلك غاية في الأهمية وهو أن مفتاح فهم الشعوب والقبائل اجتماعياً هو نفسي في الأساس..
وهنا يظهر عمق وإبداع خلق الله من حيث اتساع طيف الرؤية لدي الإنسان..

هنا تفهم أن الوعي والحلم ضفيرة واحدة يعني تقريباً شيء واحد مش بس زي الDNA في الشكل لكن أيضاً من حيث حقيقة وجود داخلك مظاهر الحياة الأولي وربما قبل أن تخلق أصلاً

كان سيدنا علي كرم الله وجهه بيقول:
وتحسب أنك جرم صغير
وفيك انطوي العالم الأكبر

مظاهر الحياة الأولي تسمي archetypes وهي تاريخ السجل البشري منذ وجودنا علي الأرض وربما وجود من كانوا قبلنا وما مروا به من تجارب ، كل هذه التجارب والذكريات والرموز موجودة علي شريط الDNA الخاص بنا وعشان كده بنخاف من حاجات مشتركة وعندنا أساطير متشابهة نوعاً ما وغرائز وشهوات متقاربة ..

وهو ما يقرب منا فهم طبيعة الغرائز زي الخوف مثلاً ليس كونها شيئاً متأصلاً أصيلاً لكن شيء متغير نعرف نتحكم فيه وأنها فقط تراكمات وتكرار لأفعال قهرية جري تكرارها لملايين السنين في إرث إنساني ثقيل ..
الإرث الإنساني ده اسمه archetypes وده مرحلة من مراحل اللاوعي ال ٧ اسمها collective unconsciousness أو اللاوعي الجمعي ..

وهنا فيه سؤال: هل الدين بشكل عام عالج صعوبة تحملنا للإرث ده من حيث المسؤولية الفردية ؟
الإجابة أظن نعم .. لكن الناس معندهاش القدرة على فهم النص المقدس باتساع رحمة الله وإنما يفهمونه بقدر تجربتهم أحادية الطيف ..

فيه عرض جميل بديع لدرجات الوعي واللاوعي في الكتاب .. يبدأ بالوعي وينتهي بالوعي العبر شخصي Transpersonal consciousness آخر مراحل الوعي العميق جداً..
يمر اللاوعي خلالها باللاوعي الشخصي personal unconsciousness
وبعدها اللاوعي في فترة الحمل والولادة perinatal unconsciousness
ثم بمرحلة co unconsciousness
ثم اللاوعي المجتمعي social unconsciousness ثم اللاوعي الجمعي collective unconsciousness
وآخر مرحلة هي الوعي عبر الشخصي Transpersonal consciousness ..

المهم هنا هو إن درجات إدراكنا ل اللاوعي زي القمع او القرطاس cone ..
ما يعني إن اكتر الناس-اعلي وأوسع نقطة في القرطاس - جربوا الظاهر والمرئي وهو الوعي ..
وأقل الناس - في اعمق واضيق نقطة في القرطاس -جربت الوعي عبر الشخصي ..

هنا فيه نقطة لطيفة طالما طرقت ذهني ومكنتش لاقيلها أصل علمي لحد ما قرأت هذا الكتاب وهي إن ملك مصر في زمن سيدنا يوسف لما شاف في الرؤيا إن "سبع بقرات سمان يأكلهن سبع عجاف وسبع سنبلات خضر وأخر يابسات" قال بعدها "إن كنتم الرؤيا تعبرون" وده حقيقة الوعي عبر الشخصي وهو أن تَعبُر من داخلك الي داخل غيرك وده في نظرى كلام دقيق وبيخليني أميل أكتر لمصطلح تعبير الأحلام وليس تفسير الأحلام ..

وده اللي أحس بيه مولانا جلال الدين الرومي لما كان مستني حد حكيم يعلمه من المعارف العليا وعصير الحكمة وهو في مدينة قونية ..
اتضح إن شمس التبريزي اللي كان في مدينة تبريز ساعتها هو كمان مستني يروح لواحد هو مشافوش قبل كده
ولما شافوا بعض في مدينة قونية فضلوا واقفين فترة طويلة مندهشين كأن علي رؤوسهم الطير .. وأدعوكم لقراءة كتاب "قواعد العشق الأربعون" للكاتبة اليف هانم شفق ..

من أكتر الحاجات اللي أثرت فيا في الكتاب هي ظاهرة التزامن synchronicity ، حصل مع د محمد موقف عجيب جداً وهو إنه كان مستني يلاقي وقت يكتب فيه هذا الكتاب في وقت كان مشغول جداً..
حلم بعدها إن زوجته حامل وإنه في مستشفي ومش لاقي أطباء ولا تمريض ولا أدوات وصحي من النوم ..
بعد اما انتهي من كتابة الكتاب امبارح ؛ قابلته سيدة يعرفها وبيستشيرها وقالت له : حلمت إن مراتك ولدت امبارح !

موقف تاني عجيب وهو السيدة اللي كانت أتأخرت في الحمل وحلمت بشريط DNA بيتكون وبيلتف حول بعضه زي الشريط وفيه صورة أنثي جميلة جنبها ..
صحيت عملت اختبار حمل طلع إيجابي positive وولدت بنت فعلاً !

انا كمان حصل معايا مواقف غاية في الغرابة فيما يتعلق بال synchronicity او الأحلام عموماً ..

ده كله بيفسر القدرة الغريبة للحلم إنه يتنبأ بحاجة لسه محصلتش أصلاً ..

الذاكرة أو memory عند الإنسان شيء مهم جداً وهي اللي بتخلينا نتعلم ونحلل ونتأمل بناء على سابق معلوماتنا

الغريب بقي إن الأحلام هي اللي بتخلي المواقف اللي حصلت لنا تتخزن في الذاكرة العميقة او الذاكرة طويلة المدي وبتعمل توضيب وترتيب لكل اللي حصل لك في يومك فيما يعرف ب consolidation ..

أسألك سؤال ؟
ليه السمك ذاكرته ضعيفة ؟
اقولك ؟
لأنه مش بيحلم عشان معندوش مرحلة REM أثناء النوم ودي المرحلة اللي احنا بنحلم فيها !

أدعوكم لقراءة الكتاب لأنه مش بس ممتع بل هيثير جواكم أسئلة كبيرة فيها تأمل وفكر وتصوف ...

كمال السيد كمال
١٧-٢-٢��٢٥&��ܴǳ�;