ŷ������

“،خیر و برکت کو ان دیکھا کر

بس قِلّت کا اِحساس ہے

جو نہیں ہے فی الحال زِندگی میں

بس اُس ہی کی آس ہے


بِستر سے اب اُٹھے بھی نہیں

سوچے آج کی نیند ادھوری ہے

دِن کا پہلا خیال ہی

اعلانِ مجبوری ہے


جب نِکلے گھر سے دوڑ لگانے

روئے، کہ آگے بھیڑ کھڑی ہے

کبھی نا دیکھا پلٹ کے ہم نے

پیچھے بھگدڑ مچی پڑی ہے


گھر لوٹ کر شام کو سوچے

آج کون کیا بُرا کہ گیا؟

دوڑ میں کِتنے پیچھے ہیں؟

کیا کام باقی رہ گیا؟


،اِس نا شُکری کے عالم میں

زِندگی ہماری چلتی ہے

،تو بتانا ذرا تفصیل سے

خُدا کی کیا غلطی ہے؟”