ŷ������

“واللي إنكتب بالجاف مبيتمسحش خلاص
و الدُنيا مفيهاش حرف بينكتب برصاص !”
― مصطفى إبراهيم

“يا ناس يا عبط يا عشمانين..
ف فرصه تانيه للقا..
بطلوا اوهام بقي..
وكفايه أحلام واسمعوا..
عيشوا بذمه و ودعوا..
كل حاجة بتعملوها..
وكل حد بتشوفوه..
وكل كلمه بتقولوها..
وكل لحن بتسمعوه..
عيشوا المشاهد... كل مشهد..
زي مايكون الأخير..
واشبعوا ساعة الوداع ��.
واحضنوا الحاجه بـضمير..
دا اللي فاضل مش كتير ��.
اللي فاضل..
مش كتير”
― مصطفى إبراهيم, ويسترن يونيون فرع الهرم: ديوان بالعامية المصرية

“بدون ما أعرف سبب واضح ...
عشان أزعل...
أنا زعلان !”
― مصطفى إبراهيم

“عشان فيكى منى فى طبع الجنان ..
عشان فيا منك فى طبع الحنان ..
عشان احنا نسخة ..
عشان احنا مُسخة ..
عشان فيه تشابه بشكل ابن وسخة ..
عشان فى ف دروبنا علامات كزالك ..
وعشان فيه ف دروبنا علامات كذلك ..
برغم ان مفهاش ولا درب سالك ..
وعشان احنا أصلًا سوا من زمان ..
بحبك ..
لذلك ..
وأكتر ..
كمان ..
عشان مش ضرورى ..
يكون فيه عشان”
― مصطفى إبراهيم, ويسترن يونيون فرع الهرم: ديوان بالعامية المصرية

“أنا أحسن واحد يقنعك تحكي��

ومابيحكيش��

وأحسن واحد يقنعك تبكي��

...وما بيبكيش��

أنا أحسن واحد يقنعك تفرح��.

وأحسن واحد يقنعك تجرح��

أنا أحسن واحد ميت��.

يقدر يقنعك��.تعيش��”
― مصطفى إبراهيم, المانيفستو

“الجاي مِش أد اللي راح ؟
وللا إللي جاي أكتر ؟
الشاش على أد الجراح ؟
وللا الجِراح أكبر ؟”
― مصطفى إبراهيم

“الدنيا اساساً م الاول ..
شيء يشبه سلك السماعة ..
يتلعبك منك ف ثواني ..
و عشان يرجع مفرود تاني ..
لازم تتعذب و تعاني ..
و تفكه ف أكتر من ساعة ..”
― مصطفى إبراهيم, ويسترن يونيون فرع الهرم: ديوان بالعامية المصرية

“مِين فينا عارفَك يارب ...
و مين فينا لأ ...
مين اللي فينا لو قال بَحِبَك .. قالها بحق ؟!!”
― مصطفى إبراهيم

“أنا مش فاكر ..
آخر مرة بكيت كات امتى ..
أنا مش فاكر .. آخر دمعة عليها القيمة ..
أنا مبقتش بصدق ولا مشهد فى الدنيا ..
أنا مبقتش بدمع .. غير وأنا جوة السـيما”
― مصطفى إبراهيم, ويسترن يونيون فرع الهرم: ديوان بالعامية المصرية

“الكوتشي اللي باش
م اللف ف شوارعك
يحرم عليه
يبوس ارض غيرك

والقلب القماش
اللي مكوي بعمايلك
لساه معبق
بريحة عبيرك

والواد اللي عاش
طول عمره يحايلك
ونفسه اسمه
ييجي في رسايلك

وتبعتيله تطمنيه
ان انتي عارفة
ان انتي ليه
وان انتي قايمة ونايمة بيه

وقت الشتا يتدفي بيكي
ووقت الخطر تتحامي فيه
وساعة اما بيقسي عليكي
وساعة اما بتدعي عليه
محدش فيكوا بيهنالوا بال

واول ما تصفي تفكي الريال
وتروحي تجيبيلوا كوتشي بدال
الكوتشي اللي باش”
― مصطفى إبراهيم

“أنا عايم على وش المية ..
وأنا سايب ايدى ورجليا ..
والموجة اللى تفوتنى بسيبها ..
وأتشعلق فى الموجة الجاية”
― مصطفى إبراهيم, ويسترن يونيون فرع الهرم: ديوان بالعامية المصرية

“في حاجات لازم علشان نعرف درجة قوتها بنكسرها ... وحاجات في إيدينا علشان نعرف إننا عايزينها بنخسرها .”
― مصطفى إبراهيم

“يا بشر عرفاني و عارفه أنا مين
بلغوا أسفي لكل البلالين
كلنا كنا ف يوم بالونة
فقعتنا تجارب بني أدمين”
― مصطفى إبراهيم, ويسترن يونيون فرع الهرم: ديوان بالعامية المصرية

“بعد طرحك من الحساب
للعساكر والكلاب والارانب والفيران
والاجانب والغيلان والارايل والقرون
والمرايل والدقون
اللي فاضل يا افاضل
...هو دا تعداد وحصر
للعيال اللي جبتهم
في الحلال الست مصر”
― مصطفى إبراهيم

“أبعد نُقطة بِالنِسبالك
جُوَّا الدايرة... هِيَّ مكانك
ولأن أساساً ف الدايرة
هنا هوَّ هناك
ف طبيعي تحس انك عايش
باتنين جُوَّاك”
― مصطفى إبراهيم, المانيفستو

&�����ܴ�;يارب
ياللي سايبلي الحبل ع الغارب
أنا غرقان بدون قارب
ومعرفتش أعوم وحدي
وكل ما امدلك يدي
وتنشلني
وأعوم شبرين
إديا يفلفصوا الاتنين
وأقولك سيبلي انا الباقي
تسيبلي الحبل ع الغارب
تخش المية حلقي .. اشرق
فاصرخلك .. وأقول بغرق
وأقولك عمري ما حسيبك
فتنشلني
أعوم شبرين
إديا يفلفصوا الاتنين
وأسيب إيدك
وأعيد الكرّه ميت مره
وماتخذلنيش ولا مره
تقوللي حضنهم بره
لا عمره يساع دراع سيدك
ونا لسه
بسيب إيدك !”
― مصطفى إبراهيم, ويسترن يونيون فرع الهرم: ديوان بالعامية المصرية

“لو دامت فى ايد غيرك مكنتش وصلتلك .. حصلت لميت واحد زى اما حصلتلك ... علشان كدا بزعل لكن مابتأزمش وساعات كتير بفرح لكن مابتعشمش فى حاجات مابتدومش”
― مصطفى إبراهيم

“أنا لِسه يارب . . بحطة إيدك ع المسرَح....
أنا لِسه بحاوِل أستوعِب ف طبيعة الدور ....
معييش النَض ... و خايِف بس أتوه و أسرَح...
وقت أما تقرر تِكشِفني بـ سبوتّ النور.....”
― مصطفى إبراهيم

“عارفه إن أنا يوميا بكبر ؟
وبعجز اكمني مابنساش
أنا فاكر أيام بالميللي
أنا فاكر أيام بالتفصيل”
― مصطفى إبراهيم

“وأسمع حكايات صاحبي الأنتيم
ونكلم بعض واسرح
ف ادوس علي حرف الميم دوستين ورا بعض
وبسيبه ساعات لما أزهق من كتر الحكايات
وأكتبله حاجات ملهاش معني زي الشفرة
وابعت للناس ف وشوش صفرا
وازعل منها ف أكتب طيب
وأزعل أكتر ف اكتب ماشي
وبراحتك اصلا أنا ماشي
واما أضحك ادوس علي حرف ال هه
وعلي قد الضحكه أفضل دايس
ازعل ملاقيش للحزن زرار
وبرغم بأنى معبّي وشوش
فعلا ملهوش.... إزاي حختار؟
فيه وش واحشنى وعمره ما جه
....مصطفى بيقولك
ب
ر
ب
......فيرد يقولي
ت
ى
ت

ف اطلع واقفل نور الاوضه....
واسند بدراعى على الشباك
وابص لفوق
واتمنى ساعتها اكون وياك
واسرح وافوق
واما ازهق م الوقفة لواحدى
اكمن مفيش حد معدي
ف بطّلّع شباك الدنيا
......واكتبله انا باك”
― مصطفى إبراهيم

“برغم إن الكلام ع الحب من نظرة كلام معتاد
وإن الصدفة أحيانا بتبقى بألف ألف ميعاد
ورغم إن الكلام أصلا بينقص حاجة كل ما زاد
ورغم إني جدع وتقيل وعمرى ما أقولها بالساهل
أنا نفسى أقولها لك فـ أول مرة نتقابل
فلو كان المكان يسمح وست الكل لو تأذن
أنا عايز أقول إني بحبك من زمان جدًا”
― مصطفى إبراهيم

“و العمر دايرة..
مقفولة صح ..
اول��ا..
نلقاه ف الختام”
― مصطفى إبراهيم, ويسترن يونيون فرع الهرم: ديوان بالعامية المصرية

“لوح البنور الصافي
الرايق زي الميه
كان اجمل جايز لاكن
الأجمل دايما هش
علشان كدا لما اتجرح
كان عارف ان الدنيا
بتبدل نعمة بتانية
و خلته ميخافش الخدش”
― مصطفى إبراهيم, ويسترن يونيون فرع الهرم: ديوان بالعامية المصرية

“بلالين عايشين نِفسها
تلقى حد يصدَّق و يقدرها
مُتأكِده مِن إنه عاوِزها
مِن غير ما يجرَب يخسرها”
― مصطفى إبراهيم, ويسترن يونيون فرع الهرم: ديوان بالعامية المصرية

“ساب الجاكت في الفاترينه
بعد ما قاس
ساب الجزمه في الكرتونه
بعد ما داس
حط التلج وبلع بق
وساب الكاس
ساب حكاياته للي حاكيها
وفضي حياته للي ماليها
ساب الدنيا بكل مافيها
بعد ماجرب كل الناس”
― مصطفى إبراهيم

“العيال اللى كانت بتقعد ف أول ديسك وبيتصاحبوا على المدرسين ويفتنوا على أصحابهم، غالبًا لما يكبروا بيبقوا إخوان. والعيال عديمة الموهبة اللي نفسهم يبقوا حاجة بالعافية، بيكبروا ويبقوا ظباط. والعيال اللى كانت بتجيب معاها حلويات مستوردة والمقلمة أم دورين، هم وأصحابهم بيبقوا فلول. والعيال اللى كانت بتقعد معاك ورا تقشّر يوستفاندى وتقزقز لب سوبر وتقلب ريحة الفصل، بيكبروا يبقوا ليبراليين ويطلع ميتين أبوهم علشان علّموا على كل العيال دى وهمّ صغيرين.”
― مصطفى إبراهيم

“والنتيجة كل مادا صورتى تتلخبط..
زيادة وأنسى أصل شكلى ايه وللا نفسى..
أشوفنى ليه حد زيى بعد فترة ازاى يصدق..
.. غير عينيه؟”
― مصطفى إبراهيم, ويسترن يونيون فرع الهرم: ديوان بالعامية المصرية

“ان كان ولابد تبيع نفسك بيع نفسك فرط..
لميت واحد قالك أحسنلك .. تتبعتر أحسن..
ما يلمك جيب واحد”
― مصطفى إبراهيم, ويسترن يونيون فرع الهرم: ديوان بالعامية المصرية

“عيشوا المشاهد
كل مشهد
زى ما يكون الاخير
واشبعوا ساعه الوداع
وأحضنوا الحاجه بضمير
دا اللى فاضل مش كتير
اللى فاضل مش كتير”
― مصطفى إبراهيم, ويسترن يونيون فرع الهرم: ديوان بالعامية المصرية

“أنا جرح قديم...كان متغطي
إكمني مشتي ولابس كم
سبتني الدنيا بستين أم
وسبتلها ميت مله ودين”
― مصطفى إبراهيم