ŷ������

“أبعد نُقطة بِالنِسبالك
جُوَّا الدايرة... هِيَّ مكانك
ولأن أساساً ف الدايرة
هنا هوَّ هناك
ف طبيعي تحس انك عايش
باتنين جُوَّاك”
― مصطفى إبراهيم, المانيفستو

“أنا جرح قديم...كان متغطي
إكمني مشتي ولابس كم
سبتني الدنيا بستين أم
وسبتلها ميت مله ودين”
― مصطفى إبراهيم

“لوح البنور الصافي
الرايق زي الميه
كان اجمل جايز لاكن
الأجمل دايما هش
علشان كدا لما اتجرح
كان عارف ان الدنيا
بتبدل نعمة بتانية
و خلته ميخافش الخدش”
― مصطفى إبراهيم, ويسترن يونيون فرع الهرم: ديوان بالعامية المصرية

“و العمر دايرة..
مقفولة صح ..
اول��ا..
نلقاه ف الختام”
― مصطفى إبراهيم, ويسترن يونيون فرع الهرم: ديوان بالعامية المصرية

“بلالين عايشين نِفسها
تلقى حد يصدَّق و يقدرها
مُتأكِده مِن إنه عاوِزها
مِن غير ما يجرَب يخسرها”
― مصطفى إبراهيم, ويسترن يونيون فرع الهرم: ديوان بالعامية المصرية

“و الدنيا جمع و بس مفيهاش علامة طَرح !”
― مصطفى إبراهيم

“الدنيا اساساً م الاول ..
شيء يشبه سلك السماعة ..
يتلعبك منك ف ثواني ..
و عشان يرجع مفرود تاني ..
لازم تتعذب و تعاني ..
و تفكه ف أكتر من ساعة ..”
― مصطفى إبراهيم, ويسترن يونيون فرع الهرم: ديوان بالعامية المصرية

“أنا عايم على وش المية ..
وأنا سايب ايدى ورجليا ..
والموجة اللى تفوتنى بسيبها ..
وأتشعلق فى الموجة الجاية”
― مصطفى إبراهيم, ويسترن يونيون فرع الهرم: ديوان بالعامية المصرية

“عشان فيكى منى فى طبع الجنان ..
عشان فيا منك فى طبع الحنان ..
عشان احنا نسخة ..
عشان احنا مُسخة ..
عشان فيه تشابه بشكل ابن وسخة ..
عشان فى ف دروبنا علامات كزالك ..
وعشان فيه ف دروبنا علامات كذلك ..
برغم ان مفهاش ولا درب سالك ..
وعشان احنا أصلًا سوا من زمان ..
بحبك ..
لذلك ..
وأكتر ..
كمان ..
عشان مش ضرورى ..
يكون فيه عشان”
― مصطفى إبراهيم, ويسترن يونيون فرع الهرم: ديوان بالعامية المصرية

“يا ناس يا عبط يا عشمانين..
ف فرصه تانيه للقا..
بطلوا اوهام بقي..
وكفايه أحلام واسمعوا..
عيشوا بذمه و ودعوا..
كل حاجة بتعملوها..
وكل حد بتشوفوه..
وكل كلمه بتقولوها..
وكل لحن بتسمعوه..
عيشوا المشاهد... كل مشهد..
زي مايكون الأخير..
واشبعوا ساعة الوداع ��.
واحضنوا الحاجه بـضمير..
دا اللي فاضل مش كتير ��.
اللي فاضل..
مش كتير”
― مصطفى إبراهيم, ويسترن يونيون فرع الهرم: ديوان بالعامية المصرية

“الجاي مِش أد اللي راح ؟
وللا إللي جاي أكتر ؟
الشاش على أد الجراح ؟
وللا الجِراح أكبر ؟”
― مصطفى إبراهيم

“واللي إنكتب بالجاف مبيتمسحش خلاص
و الدُنيا مفيهاش حرف بينكتب برصاص !”
― مصطفى إبراهيم

“حقّك انيِّ ابقى لعيونِك ألف حارسْ
وابقى وقت الحب عاشق
وابقى وقت الشدَّه فارسْ”
― أشرف توفيق

&�����ܴ�;استحم��لي
..فاضِل مَفِيش
..وعشان نعيش
..لازم يصبّرنا الأمل
..وماتسأليش إيه اللي ممكن يتعمل
!!دا البدر عايش في السما بْيصبُر لحدّ ما يكتمَل
الحلم قرَّب.. قرَّبي
مدِّي إيديكي وْجرَّبي
..وماتِيْئَسِيشْ مِ الحبّ.. لمّا بيتولد ويعيش عفيف
..واطَّمِّني.. أنا مش ضعيف
..ومانيش جبان
..لكن بابان طيِّب قوي
..وباحبّ اكون ابسط من الناس كلها
..لكنْ فى نفسى باكون قَوِى
لا الدنيا تكسر قلبي يوم
..ولا حدّ فيها يهزِّني
..طبع السنابل يا حبيبتي يشدِّني
لو فاضيه... ترفع راسها فوق
!!لو فيها حَبّ... بتِنحِني
..استحم��لي&�����ܴ�;
― أشرف توفيق

“يا حبيبتي
!!قصدي يا اللي فْهمت يوم إنك حبيبتي
فاكرة لمَّا كتير سألتي
ليه باقول كل الأسامي إلاّ إسمِك؟
كنت باسكت.. عارفه ليه؟
كنت حاسس إن إسمِك.. فوق ما يتحمِّل لساني
كنت حاسس إن إسمِك لو نطقته لوحدي
اكون إنسان أناني
وانتي عارفة.. إني مش إنسان أناني
كنت حاسس إن إسمِك مش حروف
كنت حاسس إنه درعي لو هتقتلني الظروف
اسمِك انتي بانطقه دلوقتي عادي
واحفظه دلوقتي عادي
زي أسماء اللي قبلك
واللي بعدك
!!واللي عاشقينِّي الساعادي”
― أشرف توفيق

“حقّك اني ابقَى لِك البحر الحنَيِّنْ
وابقَى لو شدّيتي هادي
وابقَى لو هدّيتي ليّنْ”
― أشرف توفيق

“ليه عملتي القلب راهب...وانتي مش قدّ العبادة؟!”
― أشرف توفيق