هذا الريفيو ليس بنقد أدبي للكتاب، بل هو ملخص لجميع فصوله، ولما استفدته من الكتاب ..
Bystander effect: عامل من بنها وده منتشر جدا عندنا في مصر، زي إنك تشهذا الريفيو ليس بنقد أدبي للكتاب، بل هو ملخص لجميع فصوله، ولما استفدته من الكتاب ..
Bystander effect: عامل من بنها وده منتشر جدا عندنا في مصر، زي إنك تشوف واحدة بتتعاكس وتفضل واقف مكانك لأن الشارع كله واقف مكانه، فبتقول لنفسك: "هي جت عليا"..!
الشماعة: أفضل وسيلة للدفاع، هي الهجوم .. وده أسلوب حياة عند كتير مننا، وهو إنك تعلق فشلك على غيرك ..
Inferiority complex: النقص .. الموضوع بيبدأ لما تحس إنك أقل من إللي حواليك في حاجة معينة، زي واحدة بتعمل البدع في شكلها عشان تكون ملفتة وتعجب إللي حواليها، كل ده عشان حاسة بالنقص..
False-Consensus effect: هو إننا نتخيل إن إللي حوالينا بيفكروا زينا .. يعني مثلا لو واحد ماجوسي (بيعبد البقر) جه مصر.. فيعدي من قدام محل جزارة ... وهو فاكر إن العالم كله بيعبد البقر زيه، فينهار نفسيا وأعصابه تبوظ، إن إزاي الراجل ده بيعمل كده، وإزاي الناس ساكتة على ده!
Cinderella complex: وهي إن البنت طول حياتها بتفضل مستنية الأمير إللي هيجي ياخدها على حصانه الأبيض.. وده غالبا بيبقى راجع للتربية إللي نشأت عليها والمجتمع إللي حواليها.. زي سندريلا كده أما فضلت ساكتة على ظلم مرات أبوها ليها، رغم إنها كان ممكن تاخد موقف، إلا إنها فضلت مستنية البرنس عشان يجيب لها حقها ..
Just-World hypothesis: الحياة عادلة جابوا مجموعة من الأشخاص وحاكولهم عن علاقة عاطفية بين رجل وست، وقسموا الأشخاص دول لمجوعتين، مجوعة قالولهم إن في الأخر الأتنين اتجوزوا.. ومجوعة قالولهم إن في الأخر الرجل أغتصبها .. المفاجأة إن المجموعة الأولى كانت شايفة إنه ده عادي جدا أي قصة حب بتنتهي بالجواز.. والمجموعة التانية كانت شايفة إن ده عادي جدا، أي واحدة هتمشي مع واحد هيغتصبها..! الاتنين شايفين إنه ده العادي وإنها تستحق في الحالتين .. شايفين إن الحياة عادلة .. زي بالضبط إللي يقنع نفسة إن دي إتحرشوا بيها عشان لبسها مش عشان المتحرشين وحشين، لأنه عارف إن ده ممكن يحصل لأخته أو بنته، فبيحاول يقنع نفسه إنه في الـSafe side وإن الحياة عادلة ..
سيكولوجية الجماهير: لو قلت "نعم" هتدخل الجنة، لو قلت "لأ" هتدخل النار .. غالبية الجماهير العريضة عاوزة حد يلعب على عواطفها، مش عاوزين حد يكلمهم بالعقل وبالمنطق.. عاوزين حد يكلمهم بالعواطف ..
Dunbar's number: 150 ده أكبر رقم لعدد الأشخاص إللي تقدر في حياتك تعرفهم معرفة كويسة، أمال الناس إللي بنشوف عندهم عشرتلاف صديق على مواقع التواصل دول إيه؟ دول ناس حبسوا نفسهم في دائرة الراحة من وجهة نظرهم، ومع ذلك، هتلاقيه وحيد رغم الـFollowers :')
Manhood restoring tactic: الذكورة المهددة زي مثلا ما تبقى ماشي مع إللي بتحبها وحد يجي يعاكسها وأنت معاها، وأنت مش عارف تعمل حاجة عشان الموضوع مايكبرش.. بتحس ساعتها إن في حاجة مست رجولتك.. وتبدأ تزعق فيها هي وتتعصب عليها هي، كأنك بتحاول تثبتلها وتثبت لنفسك إنك لسة راجل..!
The art of apology: فن الاعتذار ماتقولش: "لو" دي خالص .. يعني ماتجيش تعتذر لحد تقوله: أسف "لو" كنت ضايقتك .. لأنها بتدي إنطباع مش حلو، إللي هو لو أنا مكنتش بينت إني اضايقت مكنتش هتعتذر مثلا؟ متعاتبش.. يعني ماتجيش تتأسف لحد وتقوله أنا أسف، بس أنت عملت كذا وكذا وكذا .. الاعتذار مش محتاج مبررات .. وفي الـHabitual apologizing .. وده ابتذال كلمة "أسف" لدرجة إن وقعها على ودانك مبيبقاش ليها لا طعم ولا معني من كتر ما الشخص ده بيقولهالك ..
Commitmentphobic: "لازم أول ما شفتك درت ضهري وهربت ركضت بعدت ما كنتش عارف انّي ححبك أنا بخاف من الكوميتمنت .. أنا بخاف من الكوميتمنت" دي أغنية لجدل .. بتوصف بالضبط مريض الخوف من الالتزام .. هو أما يقولك إنه بيحبك ممكن يبقى بيحبك فعلا .. بس مش معني إنه بيحبك إنه مش خايف يتجوزك ويربط نفسه بيكي للأبد..
الانجذاب العاطفي: ليه أما بتشوف الشخص الفلاني بتحس إنك مشدود له جدا دونا عن كل البني أدمين؟ لسبب من الاتنين: 1-Assortative mating: ودي كمية الصفات المتشابة ودرجة التطابق بينكم.. 2-Similarity attraction effect: تناسق المظهر الخارجي، شكله يعني..
Wedding ring effect: إنك تكون مخطوب لواحده وتسيبوا بعض وتبدأ تحنلها لما تعرف إنها اتخطبت أو إن في حد بيحوم حواليها .. بتحس إنها احلوت فجأه .. ما إحنا كبشر كده، مش بنحس بقيمة الحاجة إلا لما تضيع مننا ..
Cherophobia: الخوف من السعادة، ودي بيتميز بيها الناس النكدية.. تحصل حاجة تخليك مبسوط، وأنت كل تفكيرك فإن الحاجة دي مؤقتة وهتخلص !
Physiological defense mechanism: طرق الدفاع عن النفس -Denial: والنعمة ما حصل..! -Rationalization: تفضل تقول أدلة عشان تثبت حاجة لا يمكن إثباتها -Projection: إنتوا كمان كده.. مش لوحدي على فكرة..! -Hermitage: أنا أصلا مكنتش عاوز أعمل كده..! -Irony: إنك تتحرج في موقف فتقعد تهزر وتتريق عشان ترفع الحرج عن نفسك -Repression: دفن الموضوع في اللاوعي -Sublimation: إنك تحول مشاعر الظلم والألم لطاقة إبداعية
Boiling frog syndrome: التجربة الأولى: جابوا شوية ضفاضع، وحطوهم في مياة درجة حرارتها 17.5 ومرة واحدة زودوا درجة الحرارة لـ25، الضفاضع كلها نطت إلا إللي متشال منها المخ..! التجربة التانية: جابوا شوية ضفاضع بردو وحطوهم في مياه درجة حرارتها 21 وقعدوا يعلوا درجة حرارة المية بشويش بشويش لحد ما وصلت لـ37.5، ومافيش ولا ضفضعة نطت..! زي البني أدمين بالضبط .. الحاجة أما ببتغير حواليك بالبطئ بتتكيف معاها عادي، إنما لو مرة واحدة كده، بتتصدم وبتنهار وكده..
Curvology: جسم البنت.. وهو ببساطة إيه سبب وجود الانحناءات في جسم البنت عن الرجل؟ أولا، التطور.. ثانياً، الحمل والولاده.. ثالثاً، إفراز هرمونات معينة.. طب ليه الراجل بيتشد لده؟ حاجة كده في اللاوعي عند الرجالة والغريزة والفطرة ..
Cheerleader effect: شلة المزز .. يعني لو شلة فيها 4 بنات حلوين أوي وواحدة نص نص، هتلاقي الناس بتبصلها على إنها حلوة أوي بردو، لأن عقلك بيتبرمج على إنه بياخد متوسط الجمال بتاع الشلة إللي دايما بتشوفهم مع بعض، مش بتبص لكل واحدة لوحدها..
Emotional contagion: العدوى النفسية.. أنا مكتئبة، وقاعدة مع حد طبيعي وسعيد ومبسوط.. شوية وهلاقي الشخص ده هو كمان اكتئب .. هنقله مشاعري زي البرد بالضبط .. وللأسف المشاعر السلبية نقلها أسهل بكتير من المشاعر الإيجابية.. زي أما تقفي مع واحدة صاحبتك قبل الامتحان، وتقعد توصلك أد إيه هي متوترة ومنهارة، فتلاقي نفسك غصب عنك بقيتي كده..
Ironic process theory: أفكارك كلها بتدور في حلقة مفرغة، أنت عاوز تنسى الموضوع الفلاني ومش عارف .. وكل ما بتحاول تنساه أكتر بتلاقي نفسك بتفكر فيه أكتر ..
Posttraumatic growth: الذكريات السيئة بتتحفظ عندنا في جزء معين من المخ إسمه Amygdale.. المفروض الهدف من حفظ الذكريات دي هو إنه ينمي خبرتك والجزء العقلاني جواك.. بس ده مش بيحصل مع كل الناس، في ناس بتتعلم، وفي ناس بتدمر .. بتختلف من شخصية للتاني، حسب البيئة والتربية و..إلخ..
Safe target: أنت أتخانقت مع شخص معين، أو متعصب من حاجة معينة، هتطلعه على الناس القريبة منك إللي أنت واثق وضامن إنك مهما عملت معاهم، ومهما بينت ضعفك الانساني قدامهم، مش هتخسرهم ..
الحب الأهبل: في الحب في مناطق بيحصلها activation زي المسؤولة عن المشاعر والتكاثر .. ومناطق بيحصلها deactivation زي أجزاء في الFrontal cortex ودي المسؤولة عن الوعي والذكاء .. وفي أثناء حالات الحب بردو، هرمون الـSerotonin بيقل مما يسبب توتر وقلق .. وعلى النقيض الجهاز السمبساوي بيشتغل ويطلع هرمون الـAdrenaline، وده بيطلع عشان يخلي الانسان ثابت على بعضه لما يقابل موقف حرج، وده بردو إللي بيخلي نبضات قلبك تزيد، وتتنفس بسرعة، وتعرق وتبقى حالتك بالبلا.. هو الحب إيه غير شوية كيميا؟ وأنا أصلا مبحبش الكيمياء :')
Backfire effect: وهو تثبيت المعلومة المغلوطة في العقل على الرغم من وجود دليل وبرهان على غلط المعلومة دي، زي بالضبط ما حصل مع جاليليو لما حاول يقنع الناس إن الأرض بتلف حوالين الشمس مش العكس،، اتهاجم هجوم حاد جدا ساعتها كان هيؤدي لموته، ﻷ� إحنا كبشر بيصعب علينا تلاقي المعلومة الجديدة ..
Personal space: علماء النفس قسموا المسافات الشخصية للأتي: المسافة الحميمية: من اللمس لحد 46 سم ودي ماينفعش يخترقها غير الناس القريبة أوي، زي الأهل، الأطفال، الصحاب القريبين أوي .. غير كده هتحس إنك مش على بعضك .. المسافة الشخصية: من 46 سم لحد 122 سم ودي للزملاء، الحوارات الاجتماعية، النقاشات .. المسافة الاجتماعية: من 122 سم لحد 2.5 متر ودي بتاعة أي حد غريب قررت إنك تتعامل معاه، وأنت بإيدك تسمحله يدخل المسافة الشخصية أو يرجع للمسافة العامة .. المسافة العامة: من 2.5 متر فيما فوق .. دي بتاعة أي حد تعرفه ومتعرفهوش، الناس إللي عادي بتقابلهم في الشارع .. وأه إللي بيحصل في المترو ده إنتهاك للمسافات وللحرية الشخصية ولكل حاجة :') !
الدماغ الناشفة: وده سببه إن دماغ سعادتك بتفرز هرمون الDopamine وإللي بيدي للإنسان شعور باللذة والمتعة، وكأنه جايزة بيكسبها الانسان المنتصر! وده عوضا عن الOxytocin (أيوة هو بتاع الحب) إللي المفروض يتفرز في الوقت ده، وده بيدي مشاعر إجابية للشخص تجاه إللي حواليه ويحس بالتواضع والامان ناحيتهم ..
Kruger effect_Dunning: "مشكلة للعالم إن الأغبياء والمتشددين واثقون بأنفسهم أشد الثقة دائما، أما الحكماء فتملؤهم الشكوك" ليه الجاهل دايما واثق في نفسه أكثر من أي حد؟ ﻷ� جهله واصل لمرحلة إنه جاهل بكل حاجة حتى بجهله !
الكتاب حلو جدا، ومفيد جدا، إعملوا نفسكم مش شايفين العنوان وأقرأوه يا جماعة :D...more
جواك شروخ نفسية؟ - إدخل في علاقة مدمن ونفسك تتعالج؟ - إدخل في علاقة محتاج حد جنبك؟ - إدخل في علاقة عندك مشاكل مع أبوك وأمك؟ - إدخل في علاقة لسة مجروح من عجواك شروخ نفسية؟ - إدخل في علاقة مدمن ونفسك تتعالج؟ - إدخل في علاقة محتاج حد جنبك؟ - إدخل في علاقة عندك مشاكل مع أبوك وأمك؟ - إدخل في علاقة لسة مجروح من علاقة؟ - إدخل في علاقة بردو ..!
الكاتب مؤمن بشكل كلي وجزئي بإن "الحب يصنع المعجزات" وكده.. طب معلش يعني لو واحد مدمن.. ليه يورط واحد معاه في مشواره إللي غالبا مش هيتعالج منه؟! ولو واحد متعقد من أهله.. ليه يتجوز واحدة عشان يطلعه على عياله؟ ولو حد لسة خارج من علاقة حب فاشلة.. ذنبه إيه البني أدم إللي هيحبه بعده عشان ينسى به إللي قبله أو إنه يطلع عليه عقده النفسية؟
أنت عاوز تفهمني إن المدمن أدمن عشان ملقاش حد من أهله يحضنه؟ أنت مصدق نفسك حقيقي يعني؟
بيقولك 12 حضن في اليوم :") على كده بقى كلنا مرضى نفسيين، ده إن لم تكن حضرتك أنت نفسك مريض نفسى! لأ فعلا صباح الفل !...more
كتاب يشرح لغة الجسد ويفسرها بمنتى السلاسة والبساطة حتى يصل مضمونه إلى القارئ البسيط وعامة الشعب من غير القراء، ولكن ينقصه المزيد من التوضيح لبعض حركاتكتاب يشرح لغة الجسد ويفسرها بمنتى السلاسة والبساطة حتى يصل مضمونه إلى القارئ البسيط وعامة الشعب من غير القراء، ولكن ينقصه المزيد من التوضيح لبعض حركات الجسد بالإضافة إلى أنه لا يشمل جميعها،، ولكن هذا لا يمنع أنه أفادنى كثيرا .....more
حكايتان .. أتفقتا فى المآسي وإن أختلفتا فى الأسباب فالنتائج واحدة .. مشاكل،، فقد،، ألم.. كل منهما واجه الصعوبات على طريقته الخاصة، حقا كانا نقيضان ك"الماحكايتان .. أتفقتا فى المآسي وإن أختلفتا فى الأسباب فالنتائج واحدة .. مشاكل،، فقد،، ألم.. كل منهما واجه الصعوبات على طريقته الخاصة، حقا كانا نقيضان ك"الماء" و "النار" .. كال"موت" و "الحياة" .. كأنا "الأمل" و "اليأس" ..
كانت هى الأمل التى أعطته الرغبة فى الحياة -بعد أن فقدها تماماً- .. كانت دائمة الفرار من المشاكل والصعوبات -قبل أن تجد من يستحق أن تواجه لأجله- .. كان كتلة متنقلة من التشاؤم -قبل أن يعرفها-.. لم تتعلم الصبر من قبله -ولكن صبرت على علاجه وتحملت البعد والقطيعة لأجل شفائه- .. علمها الصبر وعلمته الحياة..
الشيروفوبيا: مرض نفسى وهو خوف شديد يصيب مريضه إذا أتته سعادة ما ويتوقع أن هناك موقف حزين سيصيبه بسبب هذه السعادة.. فيخشاها وبقدر الإمكان يحاول أن يتحاشاها ..
أحببتُها كثيراً، فقط ما لم يعجبنى حيالها هو البعض من اللامنطقية الغير مبررة كتلك الرسائل التى تأتيه من أمه -أو من العالم الأخر-، هى التى أفسدت على متعة الإستمتاع بجمالها بعض الشئ ..
فى المجمل، أعطتنى كثير من الأمل، وخاصة تلك الأم المعطاءة، الذى غطى تفاؤلها وعطائها على جميع الجوانب السوداوية فى الرواية .. كانت محبة للحياة وراضخة أمام قضاء الله فى آن واحد ..
إضافة إلى إسلوب الكاتب الفلسفى -بعض الشئ- والممتع .. ولغته المتماسكة للغاية،، وأخيلته الجامحه ..
كانت رحلتى الأولى مع الكاتب، ولا أظنها الأخيرة :)...more
رواية صادمة! .. نعم، لا أرى أى مبالغة فى نعتها بـ"صادمة" .. فكلما قلبت الصفحات وتعمّقت فى الأحداث، كلما إزداد اتساع حدقتى عيناك وإزدادت المسافة بين ش رواية صادمة! .. نعم، لا أرى أى مبالغة فى نعتها بـ"صادمة" .. فكلما قلبت الصفحات وتعمّقت فى الأحداث، كلما إزداد اتساع حدقتى عيناك وإزدادت المسافة بين شفتك السُفلى والعلوى .. إلى أن تأتى النهاية؛ فإما أن تظل متسمراً فى مكانك من هول الصدمة، وإما أن تفقد شهيتك، أو أن تسرع إلى المرحاض للتتقئ بكل ما فى جوفك ... فى جميع الحالات ستتفاعل مع الرواية وهذا يعد من أهم مقومات النجاح لأى رواية ..
الجانب العلمى:
وإن لم يكن دقيقاً، -ولكنه ليس بمرجع علمى على أى حال- ولا أنكر أنه دفعنى للبحث فى هذه الأمراض ومعرفة حقيقة كل منهما:
[image]
Anorexia/أنوريكسيا: وهى فقدان الشهية العصبي أو القهم العصبي، وهو مرض نفسي يتصف بالاضطراب في الأكل والانخفاض الشديد في وزن الجسم .. وغالباً ما يصاب به المراهقات بسبب رغبتهن فى التحكم بأوزانهن عن طريق الخضوع لحمية غذائية مميتة، أو الإفراط فى ممارسة التمارين الرياضية، أو عن طريق تناول حبوب إنقاص الوزن ،، ولكن أولاً وأخيراً، يرتبط هذا المرض بالـ"وزن" .. وليس كما قالت أو أدعت الكاتبة أنه بسبب صدمة من الطعام فى عمر مبكر *أو إنها بتاكل سبانخ بايظة بقالها خمسة أيام" .. -----------------------------------
[image]
Necrophilia/ نيكروفيليا: حالة الإنجذاب الجنسى لجثث الموتى، وهو قمة الشذوذ الجنسى، وتتشكل دوافعها لأسباب عدة، وهنا كانت الأسباب: التغلب على الانطواء والانعزالية، وتقوية الثقة بالنفس عبر التحكم بأشخاص لا يملكون القدرة على المقاومة..
------------------------------------
إختيار الكاتبة للأسماء:
كان اختيار الكاتبة للأسماء موفقاً للغاية، لا أعلم إن كان من باب المصادفة أم أنه كان مقصوداً ولكنّى أحببته:
منسية: كانت حقاً منسية، لم يكن لها حياة مرحة كبقية الفتيات فى عمرها، ففى المدرسة كانت منسية، وفى المنزل كانت أيضاً منسية .. وضعها القدر فى غرفة "النسيان" وأحكمت عليها الحياة إغلاقها، وألقى من حولها بالمفتاح فى اليم..
سيد: كان "سى السيد"، لا يكترث إلا لشهواته وإهتماماته .. لا يهتم بإمور إبنته، فلما يهتم وهو "السيد" وينال ما يريد..
جاسر: كان جسور فى أحلامه إلى حد إرتكاب الحماقات، شجاع لدرجة أن يجازف بتحمل مسؤولية منسية لما يقرب العام..
------------------------------------
الإسلوب السردى:
لغوياً ليس برائع ولكنه جيد إلى حد كبير، ومشوق للغاية، وبما أنه العمل الأول فإنه يوحى بأن للكاتبة مستقبلاً مبشراً ،، الرواية لا تعد من أدب الرعب على الإطلاق، ولكن أراها أقرب إلى الأدب النفسى، رواية من ذلك النوع الذى يجبرك على التفاعل معه بكل حواسك..
------------------------------------
النصوص الشعرية:
أعجبتنى فى بعد الأحيان، و *فصلتنى* فى أحيان أخرى.. فالإكثار منها لم يكن بصالح الرواية على الإطلاق..
------------------------------------
رواية مختلفة ومثيرة للجدل، تناقش موضوع لم يتطرق إليه أحد من قبل -فى العالم العربى على الأقل- وهذا يحسب للكاتبة، بداية قوية، صدمتنى، وأمتعتنى، وشجعتنى على قرآة بقية أعمالها..
وحقا جعلتنى أتمنى لو بمقدورى أن أهديها لكل شخص يظن أو يدعى أن: "لا أهمية للطب النفسى" ..
Loading...
