ŷ������

مبدئيا كده انا قرأت ال 3 روايات بتوع الكاتبة ودى اخر واحدة وعشان كده يمكن معجبتنيش لانها نسخة مكررة من اللى فاتوا
الخط اللى بيمشوا عليه واحد
شخصية متدينة جدااااااا حاجة فظيعة بقى مثالية وملاك من السما والناس يا عينى بتضغط عليها عشان تسيب الطريق الصح وهى متمسكة بيه لدرجة البكاء
الشخصية دى بتقابل اللى زيها فى الاخر وبيبقى هو كمان يا محاسن الصدف زيها بالظبط فى المثالية
فى بقى شوية ناس كده كلهم عايشين حياه الناس العادية بقى الفظيعة اللى لا تطاق دى وسايبين الطريق الصح اللى هو اللحية والنقاب دول بقى لازم طول القصة يحصلهم مواقف تعملهم الادب لحد ما البنت تلبس خمار والراجل يطول لحيته !!!!!
حاجات كتير اوووى مبالغ فيها بطريقة يا اما مثالية زيادة يا اما وحشة بزيادة
لازم البطل لما يتعرف على بنت ويحبها وتبقى مش لابسة النقاب ومش ملتزمة تطلع وحشة وانتهازية ومعندهاش اخلاق
الروايات التلاتة فى المجمل حلوين بس المشكلة فى التحيز المبالغ فيه من الكاتبة ناحية نمط معين من الحياة مش موجود لان ببساطة محدش فينا كامل ! وياماااااااااااااا ناس اخلاقهم رائعة وولا ملتحيين ولا لابسين نقاب ولا الكلام ده
مش النموذج ده اللى صح والباقى غلط ! احنا نفهم منهم ان الخطوبة حرام
وان الست تشتغل وتتعامل وتتكلم حرام
وان كل الملتحين الرجالة رومانسيين اكتر من المسلسلات التركى وكل البنات اللى مش ملتزمة فى لبسها هتبلغ عن جوزها فى امن الدولة :/
انا اصنف الرواية دى كرواية دعوية الهدف الاول منها زرع افكار وصور مثالية مش موجودة فى المجتمع بالشكل ده
الكاتبة افكارها كويسة اوى بس لو هتكمل فى الادب تبدأ تدور عن مواضيع تانية او لو هتكمل فى الكتابة دى ممكن تعمل يوميات بيت مسلم تنقل فيه افكارها بوضوح