ŷ������

احد الاسباب المهمة اللي ممكن تجذب اي قارئ لكتاب هو غلافه
و الحقيقة أن غلاف #عشق هو في حد ذاته حالة من العشق
من اول اختيار لون مريح و طريقة الكتابة و الزخرفة كل شئ مبهر و مريح في نفس الوقت
الرواية ... علشان أكون صادقة هي مش أحلي رواية أنا قرأتها من النوع ده بس هي حالة مميزة و مختلفة
مزيج أدبي من كل الانواع ... الغريب ان الكاتب كان بنتقل من نوع ادبي لنوع تاني مختلف بشكل سلسل جدا و غير ملفت -يعني مش هتحس فجأة انك قلبت كتاب تاني .. لا هو نفس الكتاب - و دي نقطة في صالحه جدا
مأخذي علي الكاتب فعلا و اللي زهقني هو مبالغةالوصف في نوع الساعات و الرفانات و البدل و كأنه ماشي بكتالوج و ده حتي بعد م دخل في طريق التصوف
حاجة تانية مهمة جدا بالنسبالي و هو اللي انا اصلا اشتريت الرواية علي اساسها هو ان الروايه مصنفة من معظم القراء علي انها صوفي بس الكاتب اتأخر جدا في انه تطرق لطريق التصوف و مع ذلك الجزء ده من الرواية اخد حقه جدااا
و في النهاية أحب أقول ان كلنا جوانا نادر و نفسنا نكون عزيز <3