ŷ������

بسم الله
انا بدأت من فترة شبه خطة لنفسي في الناحية الدينية كمراجعة عامة لكل المعرفة الدينية اللي عندي من الأهم للمهم فيما يخص حياة المسلم وما لا يسع المسلم جهله ف بدأت من الأول خالص أراجع المسلمات والبديهيات من وضوء صلاة وصيام وغيره بحيث اطمن للي بعمله يوميا وخصوصا الوضوء والصلاة وطبعا الصلاة لأنها عمود حياة المسلم وأهم حاجة في يومه.. واللي حمسني لكده هو إن فعلا أنا مادرستش حاجة متخصصة في المجال الديني وأغلب المعرفة متوارثة وبالنسبالي مسلمات فكان لازم مراجعة عشان اتيقن ١٠٠% من كل حاجة .. ودي مجرد بداية إن شاء الله.
الكتاب.. منظم بيسهل عليك القراءة والتعلم منه
موثوق فيه كونه لأحد العلماء الكبار في مجاله زي الشيخ الألباني.. ف تقدر تقرأ بأريحية
كان اللي شغلني شوية ف الكتاب دخول الشيخ في استدراكات وردود على علماء آخرين في نقاط ما بيقابلها واوقات بيطول فيها وبعض المرات بيذكر كثير من الأحكام اللي انت كشخص غير متخصص هتتلخبط في اختيار اي واحدة فيهم الصح والافضل.
بغض النظر ف دي ماتعتبرش حاجة.. تقدر تتجنبها لحد ما تسأل حد أعلم يجاوبك بالصح..
هتقدر تطلع من الكتاب ملم بكل ما يجعل صلاتك صحيحة وزي صلاة النبي صلى الله عليه وسلم بإذن الله.. وربنا يتقبل منا الصلاة وييسر لنا الفهم في دينه ويرحم شيخنا الألباني ويجازيه خير الجزاء.