ŷ������

يمكن أكون قريت كتب ومذاكرت كتير عن الحرب وعن الفترة دي تحديداً. بس الكتاب ده بيقدم شهادة مختلفة جداً. هنا مفيش مكان لذكر حكايات القادة واجتماعاتهم السرية وعبقرية القرار ومديح لذكاء التخطيط ومين القائد الي يستحق البطولة أكتر من التاني.
لأول مرة تقرأ حكايات عن أبطال مجهولين أحياناً ومهمشين ومنسيين دائماً.. ورا كل خبر عسكري وانتصار كان فيه قصة بطولة ل فلاح ساب أرضه وعامل ساب مصنعه وطالب قرر يطوع.. كل نصر كان وراه حكاية من حكاياتهم اللي تصل لحد الأسطورة بدون ميالغة.. وبدون اي ذكر او اثر او تكريم حقيقي ليهم بعد كده. وكأن التوزيع العادل عبارة عن صور ونياشيين واحتفالات وتكريم للقادة، وموت وتشريد ونسيان لأصحاب البطولة الحقيقين.

أتُري هذا الوطن القاسي علي أبنائه المخلصين.. أيمكن لهذا الوطن أن ينهض؟