ŷ������

تأكيداً على كلامي في رواية (تحت الأرض) كتابات شريف ثابت بتتميز بتشويق غير عادي .. بتاخدك وانت بتقراها من كل العالم حواليك وتفضل مركز بنهم مع الرواية عايز تعرف إيه اللي هيحصل بعد كده وصفحة ورا صفحة لغاية ماتلاقي نفسك خلصت الرواية في وقت قياسي

دي أول مره أقرأ حاجه فيها خيال علمي .. فامقدرش أقارنها بحاجه بس أقدر أقول إني كنت مستمتعه بالخيال اللي في الرواية ..

شويه تهت في الأحداث والشخصيات لأنهم كتير والأحداث ماشيه بالتوازي .. وبننتقل من مشهد لمشهد بيحصلوا في نفس الوقت .. بس أعتقد لو أنا قرأت الجزء الأول مكنتش هتوه قوي كده ..وكنت هبقى ماسكه الشخصيات والأحداث أكتر من كده ..

كتابات شريف ثابت محتاجه سيناريست قوي يكتشفها .. ومخرج قوي يخرجها .. وتتعمل فيلم .. عشان مايبوظوش الرواية

أكيد هجيب الجزء الأول واقراه .. واقرا الجزء التاني وراه تاني.. وفي انتظار الجزء التالت .. مش قادرة أنحاز لأي طرف في الرواية بحيث أبقى عايزاه ينتصر في الآخر .. لأن كلهم مش حاساهم بيدافعوا عن قيم حقيقية .. يا عن مصالح .. يا بيخلصوا ثارات قديمة .. لذلك مش قادره اتخيل هو هيتصرف ازاي في الجزء التالت ويخلي مين ينتصر على مين .. بس حذاري النهايه تبقى مش منطقيه ومقنعه