ŷ������

قبل ما أبدأها مكنتش متخيل أبدا إني قدام رواية بالجمال دا , و على الرغم من إنه البيئة اللى الرواية بتتكلم عنها من البيئات اللى مش بتستهويني القراءة عنها لكن الرواية دى كانت شيئ تانى , عجبتني جدا على كل حال .

بغض النظر عن الإسهاب فى الوصف لكن بلا شك إنتا قدام عمل روائي محترم جدا , و دى كانت بالنسبالي تجربة أولى ناجحة جدااااا مع الإستاذ خيري شلبي .

شخصية صالح هيصة مرسومة بطريقة إبداعية من الشجاعة و الجدعنة و الفلسفة و الحرية و النزاهة و طيب الأصل , باختصار شخصية هتحب جدا إنك تقابلها و تتكلم معاها فى الحياة الواقعية .

طبعا الرواية فيها جانب اجتماعي و جانب سياسي و جانب تأريخي و فيها شخصيات كتير هتقابلها بأسلوب تعاملها مع الحياة و تفاعلها معاها .

أكيد هتستمتع بالرواية دي و هى تستحق القراءة و الترشيح :)