ŷ������

مع انى شخصية انتقائية جداً في كل حاجة في حياتى ولأنى مبحبش دايما انى اشترى كتاب لمجرد انى اتشديت لأسمة او لصورة الغلاف بس قلت لازم ادي نفسي و توفيق الحكيم فرصة وبالمناسبة بعد الانتهاء من قرايته اسم الكتاب دا ذكي ومناسب جداً

في الاول بما انى شايلة قضية المرأة فوق كتافي شيل ومبحبش الافكار السوداوية ولا اقبل الاهانة لاي روح خلقها المولى وبما انى بتعرف لاول مره على كلام وافكار توفيق الحكيم مينفعش ابدا اسكت عن كلامه المبتذل والحقير الغير موضوعي والغير منصف عن النساء من رأي بصراحة ان مفيش راجل هيكون متحامل بشدة بالصورة دى على النساء الا راجل شاف مالا يحمد عقباه علي يد احدى هؤلاء النساء اراء توفيق الحكيم في المرأة متنرفزش قد ماهى تضحك واعتقد ان شخصية توفيق الحكيم من النوع اللى تسمع اراءة في مواضيع معينة وتهزله دماغك بالموافقة من دون جدال ولا دخول في نقاش عقيم
من كلامة عن المرأة:
"كائن سلبي وسطح معتم في ذاته لا تسطع الا بما ينعكس على قلبها ورأسها من تفكير الرجل وأحساسة" !!!!!!!!!!!
"شيئاً لا يستحق سوى الامتهان" ،،
"كائن تافهة" ،، "تتنفس الرياء" ،، "تلقنت درسها الاول من الحية ودرسها التانى من الشيطان"
اعتقد ان استاذ توفيق الحكيم كانت في حياته امرأة تجيد اللدغ ،،

المهم انتهينا من النقطة دى
نيجي لباقي المقالات سرد المقالات ومحتواها في منتهى الذكاء احييه بشدة واسجل اعجابي الشديد بطريقة سرده للمقالات كمان اكتشفت انه في جانب انساني رائع في شخصيته وحبيت منه السخرية جدا ومن احلى المقالات بالنسبه ليا من هو حمارى، حمارى والسياسة، حمارى وحزبه، حمارى والجنة والنار

انا احب القلم المبدع والكاتب صاحب الفكر والرسالة الهادفة واكيد مش اخر معرفة ليا لكتابات توفيق الحكيم بس اللى اكيييد ان المرة اللى جاية هدور كويس اوى على حاجة يكون مجابش فيها سيرة السيدات ووقتها يكون لكل مقام مقال.