ŷ������

كتابه اللى فات شفرة اللعبة اديته 3.7 "تقريبا 4" من 5
كنت متلهف للحصول على الكتاب دا بسرعة نظرا لقلة كتب الثقافة المالية باللغة العربية ...و بصراحة كنت اعتقد انه سيحتوى على مادة "جديدة" و "مكملة" و "مختلفة" عما كان فى الكتاب السابق شفرة اللعبة ليكملوا بعض ... و لكن "و اه مما ياتى بعد و لكن"...

مقدمة ..كويسة - لا امل من تكرار سماعها حتى و لو بصيغ مختلفة- ... يعنى ايه اقتصاد "تانى" هى لعبة يدخلها موارد resources و حاجات needs و رغبات wants و يطلع من الناحية التانية اما موارد resources او حاجات-مشبعة satisfied needs او ديون debts او التزامات obligations
و ليه لو اتنين نفس الموارد بنلاقى واحد اغنى نسبيا و واحد اقل ..بسبب طرق التلبية و اولوية تلك الرغبات او الاحتياجات ..فى واحد بيشبعهم ب اولويات و ب ادنى طرق التلبية و فى واحد يسيب الحاجات الاساسية unsatisfied need و يروح يلبى رغبة satisfy a want ...

الفصل الاول : تطور الاجيال من مجرد ناس ماشية الارض كلها ملكها تاكل و تشرب المتاح و لاا تمتلك اى شىء "الجيل الاول".. اللى ناس تهاجر من ارض مجدبة لاارض خصبة ... ثم ناس تتخصص دا صياد و دا مزارع ..ثم ظهور تخصصات اكثر نجار حداد خياط ..المقايضة ثم العملة ذهبية او فضية ثم الصكوك المكتوبة و اخيرا صكوك البنك المركزى المطبوعة النقود ..صكوك بغطاء ذهبية و اخيرا صكوك بلا غطاء ذهبى ...الزراعة ثم الصناعة و التجارة و اخيرا تجارة المعلومات"الجيل الخامس"..و تكرار ممل عن الانظمة الاقتصادية ..الرأسمالى و الاشتراكى ...
فى كتاب بيشرح الحتة دى كويس اوى ..كتاب المال وطبيعة البشر

الفصل التانى : عن اسلوب حياة المينماليزم minimalism "التقنين و التقليل" عرفنى ب كتب و فيدوهات بتتكلم عن توجه عالمى بدأ ينتشر - عن نفسى بستخدمه بقالى سنين بدون ما اعرف انه له اسم ...و لكنه اسلوب حياة .. فالجانب النفسى اهدار الفلوس و الموارد على الشرا ..بيسموه مرض الاكتناز القهرى ...ف الجانب الاقتصادى ان شراء حاجات كتير بيلبى رغبات اكتر ما بيلبى احتياجات و يفضل الانسان بموارد متناقصة تضيع على رغبات متجددة لا تنتهى و احتياجات منسية غير مشبعة ...و العلاج هو المينماليزم التقنين و التقليل ... ادراك ان السعادة مش ف الشرا و الشوبنج ..و امثلة لناس اتبعوا المينماليزم ...
و ازاى نقنن احتياجات البيت ...ثم نبذة عن تكلفة الفرصة -الفرصة الضائعة و الفرصة الغارقة"تانى " ..
فى كتاب بيشرح الحتة دى كويس اوى و قريته من زمن يمكن اصلا قبل ما المصطلح مينماليزم يظهر ..كتاب الهروب من السيستيم

الفصل التالت : عن الجيل الخامس و كيفية صناعة المال ... و اقترح عليك بدل الفصل دا تقرا كتاب براين ترايسى كيف تصبح ثريا بطريقتك الخاصة : حقق كل أهدافك المالية في زمن قياسي

كتاب براين كان ب 70 ج من اصدار جرير 350 ص من القطع الكبير فونت صغير
هذا الكتاب دفعت فيه 40 ج من اصدار تويا 150 ص من القطع المتوسط فونت كبير ...مساحات بيضاء كتير ف الصفحات :(
لو هنبص لكل حاجة من وجهة نظر اقتصادية ..زى الزواج و شوبنج الهدوم - كما يقول المؤلف فى الكتاب -و كذلك الكتب - كما أضيف انا - :)

اخر فقرات الكتاب ..عن ضرورة استثمار لا تكديس الارباح... ذكرتنى ب نصيحة روبرت كايوزاكى فى كتابه الاب الغنى و الاب الفقير ..لا تنفق ارباح اصولك و انما انفق من ارباح ارباحك ...

ستقول و لكن ارباحى قليلة فبالتبعية ارباح ارباحى تكاد تكون لا تذكر ..اقول لك انا الحل بسيط وسع قاعدة هرم اصولك فتتسع المصطبة الاعلى
ارباحك ..و تتسع بالنسبة و التناسب قمة الهرم ارباح الارباح

و اخيرا و اختصارا الكتاب لم يعجبنى لم يحمل حماس و شغف الكتاب السابق فى توصيل الفكرة او المعلومة..افكار مكررة بلا روح ويا ريت كدا و بس لا و مكتوبة ب فونط اكبر - من الفونت المستخدم فى الكتاب السابق - لتملأ 150 ص بدل من 130 كالكتاب السابق ...هناك صفحات بها مجرد فقرة و بقية الصفحة الاسفل فارغ ...

و اخيرا كما قال المؤلف نفسه د شريف سعيد فى الكتاب ...هو لم يعدنى بأن اكون مليونير و انما وعدنى بتعليمى مما يعرف و ليس كل ما يعرف ...
و لذلك
فأنا - و من الان - انتظر منه كتاب المعرض القادم يكون بنفس جودة و اتقان "شفرة اللعبة" ..
حماس و شغف ف الكتابة و مادية علمية "جديدة و مختلفة من بعض مما يعرف" ...

الكتاب التالى : الشيطان يعظ نجيب محفوظ