ŷ������

كتاب رائع .. هو مش بيتكلم في اساليب الدعوة , لكن بيتكلم في المنهج و بيصحح مفاهيم كتير

مُلخص الكتاب ان تشخيص مشكلة المجتمع الاسلامي كان خطأ .. وانها مش بس ازمة اخلاق و عادات , بل ازمة مفاهيم وعقيدة في الدرجة الاولى
وانه للاسف كان في تسرع في الدعوة و دا كان خطأ
القضية الاصلية هي قضيى لا اله الا الله .. المفروض دا يكون همنا و دي الحاجة الاهم اننا ننشرها و نوصلها للناس عشان يكون فيه قاعدة قوية نتحرك بها للتمكين الحقيقي

محاولة الوصول للتمكين بسبل مخالفة للشرع تحت مبدأ المصالح و المفاسد لن يجدي و لن يصل بنا الى اي شئ

بيعرض كلام للامام حسن البنا في اخر حياته وانه فعلا اشار للمشكلة دي في مقالاته الاخيرة في مجلة الاخوان و انه بدأ يوضح المنهج دا بس للاسف جت حرب فلسطين وبعدها اغتيال الامام الشهيد .. لكن عامة الاقتباسات من مقالاته بتتكلم في نفس المنهج اللي الكاتب بيتكلم فيه تقريبا .. واللي هو لا علاقة له باللي احنا غايشين فيه

مقتنعة جدا بالمنهج اللي بيتكلم فيه الكاتب , واعتقد الواقع اللي احنا عايشينه اكتر شاهد على انه الكلام دا صح
التمكين عمره ما هيجي عن الطريق الديموقراطية
والنمكين مش ان السلطة تبقى في ايد اسلامي .. على شعب اغلبه مش فاهم معنى لا اله الا الله و مقتضايتها و نواقضها
القضية الاسلية هي قضية التوحيد .. لو الشعب مش مؤمن بالقضية دي و فاهمها صح يبقى مش له لازمة المنصب ولا السلطة
للاسف بنضحك على نفسنا لما نقول شعبية الاسلاميين و خدنا اغلبية
لان اغلب اللي بينتخبوك بينتخبك عشان البرنامج التعليمي او الاقتصادي و عشان تعمل اصلاحات في البلد
طبعا دا كله من الاسلام بس مش دي القضية الاصلية
و دي الحاجات اللي بتتحارب اول ما الاسلاميين يوصلوا للحكم
وعمر اللي انتخبهم ما هيفضل واقف معاهم لان قضيته مش لا اله الا الله ... هو عايز تنفيذ البرنامج اللي انت وعدته بيه

الكتاب مهم جداا كل كلمة فيه مهمة بجد .. بس اعتقد هو بيفتح ابواب و بيبين منهج محتاجة ابحث فيه اكتر و اتناقش مع ناس فاهمين اكتر مني شوية عشان افهمه صح

الله المستعان