ŷ������

فيه روايات كده من حلاوتها مبلاقيش كلام أكتبه عنها .. من ضمنهم الرواية دي .. هي رواية أجيال .. بس في الرواية دي عم نجيب عمل عملية تشريح للمجتمع المصري بكل فئاته وطبقاته في الفترة الزمنية من أول الحملة الفرنسية ومحمد علي مرورا بثورة 19 وحروب مصر لحد الإنفتاح واغتيال السادات .. كل ده من خلال أسرتين بيتتبع عم نجيب نسلهم وحياتهم الإجتماعية والسياسية ..

"وكثيراً ما يقول ضاحكا: إنها قسمة عادلة، فالثراء للأقوياء والأخلاق للضعفاء."

المختلف كمان في الرواية دي .. هو بناء الرواية .. عم نجيب اعتمد على تقسيم الرواية لفصول كل فصل منها بيتكلم عن شخصية من شخصيات الرواية .. وطبعا لازم هيتكلم عن أسرته وحياته .. وده كان حاجة عبقرية منه وقدر يكتبها بإحترافية عالية .. لكن عيبها الوحيد إنه كان بيكرر كلام وأحداث كثير .. شخصيات الرواية كثير جدا .. ولذلك ضروري تركز أوي مع الأسماء علشان متوهش في النص ..

"ولما قاربت الختام حدث شيء كالمصادفة أقنعها بأن المصادفة مأساة المآسي في حياة البشر .."

أسلوب السرد سلس واللغة جميلة ..

"نحن نحلم بالراحة دائماً ولكن لا راحة مع الحياة .."