ŷ������

"شفاه صامته وقلوب تتحدث" تاني كتاب أقرأه لطارق رفعت بعد Ruptured اللي كان رواية باللغة الأنجليزية وعجبتني جداً.. المرة دي أنا إستمعت للكتاب على تطبيق إقرأ لي ودي أول مرة أجرب كتاب عربي مسموع.. أنا فعلاً إنبسطت بالكتاب أولاً لأنه ورغم عمق الفكرة اللي بيتناولها اسلوبه بسيط وسلس وثانيًا لأنه بياخدك في رحلة مابين مجموعة حواديت واقعية لازم تكون قابلت واحدة من بطلاتها على الأقل في حياتك ويسمعك صوت أفكارها وآلامها وطموحتها وعلى عكس ماممكن كتير يتوقع.. مش معنى إن كل القصص في الكتاب تقريباً بطلاتها من الإناث يبقى الكتاب لا يعني  الرجل بالعكس أنا شايف إنها تجربة حيخرج منها أي قارئ 
أكثر إحساسًا بالأخر واستشعارًا لما قد تعانيه الأنثى في مجتمعنا ومش بعيد كمان خلال الرحلة تتحمس مع صرخة فريدة أو تستمتع بالتشبيهات في "ندى والبحر" أو تدندن لحن "أنا إعتزلت الغرام" لفترة

يمكن حسيت تشابه بين بعض القصص لكن مش إلى حد التكرار .. لو قريت القصص على فترات متباعده تحس إن القصة اللي بتقراها فكرتك بحدوته من اللي فاتوا بس مش محتاج ترجع وده من جمال المجموعات القصصية عموماً

في رأيي الكتاب ده مثالي لحد عنده reading block
أو محتاج لفاصل بعد رواية دسمة براڤو طارق رفعت