Sign in with Facebook
Mina 's Reviews > الوصايا
الوصايا
by
by
الحقيقة إني محتار بين نجمتين، نحمتين ونص، وتلت نجوم، ليه؟
لإن الرواية متقنة ومكثفة واللغة كويسة و ووو، لكن...
أنا أظن إني قريتها فوقت غير ملائم ليها، مش وقتها يعني، ودا خلاني قعدت فيها وقت كبييير جدا وفيه توهة حصلتلي خلتني منزعج، دا غير إني مش بحب دايما الأسلوب المكثف لإنه مش دايما بينفع طوال الرواية، والأسلوب دا كان معتمد عليه الكاتب طول الرواية فعلا...
الرواية رواية أجيال وفيها رجوع للماضي حتى الوصول للحاضر من خلال جد بيدي حفيده الساقط وصايا وسنن للحياة، ومع كل وصية جديدة يفتح صفحة من دفتر ذكرياته.
"خلاصك في مشقتك"
"الحياة بنت الموت"
"الظلمة ليست شرا خالصا، إنها الرحم الذي تخرج منه الحياة"
"لا خلاص بلا مشقة، لا تحرن مثل البغل، وترفض ما يحدث لك"
في السيرة بيحكي الجد عن أوقات الخراب والفقر اللي عدت بيها عيلته، ويمشي معاها ويقدم شخصيات كل فترة وأنسابهم وكمان أحداث مرت بيها العيلة، من موت والده، للنكسة، وحبه للست كوثر ، ومشكلته مع علي سليم، و إنه رجع للعيلة أيام عزها، ومع كل فترة من دول بيقدر الجد إنه يطلع من كل فترى وصية ويقدمها للحفيد..
"المتعة عابرة مثل الحياة"
"ماذا يعني أن أشبع شهواتي وفي المقابل أضيع حياتي؟"
"الخسارة التي تحدث في البداية لا يمكن إصلاحها"
والحقيقة إن الشخصيات في عمل زي دا تعتبر مش قليلة نهائي إلا إن الكاتب عرف يرسم أغلبهم بشكل جميل وأكثر شخصيات حبتهم كانوا الشيخ والست كوثر، والست كوثر أكثر كمان لما تمثله من سند للشيخ، وإزاي السند دا استمر لآخر يوم في العمر، وشخصية الجد كانت مركبة بشكل كويس بحيث إن أحداث الماضي سابت أثرها الدائم فيه حتى لو الحياة من حوله تغيرت..
" لا تأمن للفرح، عشه كأنه لا ينتهي، لكن لا تأمن له"
"الحياة هي الأمل الذي تخترعه. اخترعه وعِش به"
"احذر أن تهزم أحسن ما فيك بتعلقك بالمال"
وبعد موت الجد اللي كان حاسس بيه بل وعارف معاده كان ملحوظ بشكل كبير جدا تأثير كلمات الجد اللي لو كان قالهاله وعاش بعدها مكانش حيتأثر بيها نفس التأثير ، وقدر يعرض الكاتب على لسان الحفيد مصيره ومصير ما تبقى من العائلة حتى طردهم من لا إسم لهم، والحقيقة إني شايف إن من لا إسم لهم هما اتنين: الزمن والموت.
"الاطمئنان للحياة رخاوة"
"أقول لك، هناك طرق لتحمل الألم أسحنها أن تتركه يحدث لك، ولا تعبأ به"
في النهاية ، دي أول قراءة لعادل عصمت وأنا كنت متحمسله قوي لدرجة إني حسيت بشيء من الخذلان يعني ولكن دا ميعنيش إنها سيئة، وكمان إحساسي إني قريتها فغير وقتها خلاني متساهل شوية فالحكم عليها، يمكن مع تاني قراءة أغير تقييمي..
لإن الرواية متقنة ومكثفة واللغة كويسة و ووو، لكن...
أنا أظن إني قريتها فوقت غير ملائم ليها، مش وقتها يعني، ودا خلاني قعدت فيها وقت كبييير جدا وفيه توهة حصلتلي خلتني منزعج، دا غير إني مش بحب دايما الأسلوب المكثف لإنه مش دايما بينفع طوال الرواية، والأسلوب دا كان معتمد عليه الكاتب طول الرواية فعلا...
الرواية رواية أجيال وفيها رجوع للماضي حتى الوصول للحاضر من خلال جد بيدي حفيده الساقط وصايا وسنن للحياة، ومع كل وصية جديدة يفتح صفحة من دفتر ذكرياته.
"خلاصك في مشقتك"
"الحياة بنت الموت"
"الظلمة ليست شرا خالصا، إنها الرحم الذي تخرج منه الحياة"
"لا خلاص بلا مشقة، لا تحرن مثل البغل، وترفض ما يحدث لك"
في السيرة بيحكي الجد عن أوقات الخراب والفقر اللي عدت بيها عيلته، ويمشي معاها ويقدم شخصيات كل فترة وأنسابهم وكمان أحداث مرت بيها العيلة، من موت والده، للنكسة، وحبه للست كوثر ، ومشكلته مع علي سليم، و إنه رجع للعيلة أيام عزها، ومع كل فترة من دول بيقدر الجد إنه يطلع من كل فترى وصية ويقدمها للحفيد..
"المتعة عابرة مثل الحياة"
"ماذا يعني أن أشبع شهواتي وفي المقابل أضيع حياتي؟"
"الخسارة التي تحدث في البداية لا يمكن إصلاحها"
والحقيقة إن الشخصيات في عمل زي دا تعتبر مش قليلة نهائي إلا إن الكاتب عرف يرسم أغلبهم بشكل جميل وأكثر شخصيات حبتهم كانوا الشيخ والست كوثر، والست كوثر أكثر كمان لما تمثله من سند للشيخ، وإزاي السند دا استمر لآخر يوم في العمر، وشخصية الجد كانت مركبة بشكل كويس بحيث إن أحداث الماضي سابت أثرها الدائم فيه حتى لو الحياة من حوله تغيرت..
" لا تأمن للفرح، عشه كأنه لا ينتهي، لكن لا تأمن له"
"الحياة هي الأمل الذي تخترعه. اخترعه وعِش به"
"احذر أن تهزم أحسن ما فيك بتعلقك بالمال"
وبعد موت الجد اللي كان حاسس بيه بل وعارف معاده كان ملحوظ بشكل كبير جدا تأثير كلمات الجد اللي لو كان قالهاله وعاش بعدها مكانش حيتأثر بيها نفس التأثير ، وقدر يعرض الكاتب على لسان الحفيد مصيره ومصير ما تبقى من العائلة حتى طردهم من لا إسم لهم، والحقيقة إني شايف إن من لا إسم لهم هما اتنين: الزمن والموت.
"الاطمئنان للحياة رخاوة"
"أقول لك، هناك طرق لتحمل الألم أسحنها أن تتركه يحدث لك، ولا تعبأ به"
في النهاية ، دي أول قراءة لعادل عصمت وأنا كنت متحمسله قوي لدرجة إني حسيت بشيء من الخذلان يعني ولكن دا ميعنيش إنها سيئة، وكمان إحساسي إني قريتها فغير وقتها خلاني متساهل شوية فالحكم عليها، يمكن مع تاني قراءة أغير تقييمي..
Sign into ŷ to see if any of your friends have read
الوصايا.
Sign In »
Reading Progress
January 31, 2021
–
Started Reading
January 31, 2021
– Shelved
February 13, 2021
–
Finished Reading
