ŷ������

أنتهيت الكتاب اليوم بعد نصيحة صديق عزيز خُلقت صداقتنا بمحض الصدفة تقريبا
وأنا أؤمن بالرحلة والمغامرة، وجزء كبير من حياتي وسعيي في الدنيا ديه بيكون متكون من المخاطرة والمجازفة والاكتشاف، والكتاب كنت داخل عليه دخول الشخص المكتشف، اللي بيشوفه بعين النقد والشك، واتبسطت لما لقيت الكاتب بيقول أعمل كده وهو بيوجه الطلب ده للقارئ!
الكتاب أضافلي جزء إني محتاج اعرف عنه وأبذل فيه، بالإضافة إنه زود فضولي إني أقيم فكرة إني أكمل دراسة في مجال علم النفس من وجهة الشغف أكتر، وناهيك عن تجربتي الشخصية مع العلاج النفسي ورحلة الاستبصار..
الكتاب أكثر ما واجهت فيه من مشكلة وهي المصطلحات فقط، باقي أجزاء الكتاب كانت واضحة لي جدا وكانت وافية، وبرغم ده كنت حسيت إني بلومه - بعد انتهائي من قراءته - إنه حذف أجزاء كتيرة من مسودة الكتاب عشان يطلع بالشكل ده ويعوض ده في كتب تانية..
وبرغم فعلا إنه بدأ بتعريف المصطلحات في أول الكتاب إلا إنه أظن إن في شرح أوفر من ده وأكثر بساطة وسهولة واسترسال في الشرح بشكل متوسع، لأني أظن إني كنت متخيل إني فهمت المصطلحات كويس ولكن ظني خاب في خلال رحلتي مع الكتاب..
الكتاب زودلي أجزاء أو بمعنى أخر ربطلي حاجات متبعترة وكأنه بيرسملي صورة شاملة مش مفكفكة عن بعضها..
وما زلت عند شعور إني مش قادر أوصفه فعلا غير إنه رحلة أو منظور جديد للتعافي النفسي أو فعلا زي ما هو قال "استعادة للأنفس الضائعة"
وأظن محتاج اقرأه مرتين كمان عشان أقدر أقول إني فعلا أستفدت منه استفادة كاملة
وتقييمي 4 فعلا عشان المصطلحات ثقيلة وكانت محتاجة شرح أكتر من كده، عشان يسهل على القارئ غير المتخصص الاستيعاب