ŷ������

قمة البساطة.. مطبوخة في عجينة مصرية سهلة
محمود السعدني، ذو الطفولة اللي تأهله بامتياز إنه يبقى نبطشية في أي فرح، أو في أحسن الحالات سواق ميكروباص عشة
لكن بطريقة ما.. قدر يخلي كل المغامرات اللي عاشها والبلاوي اللي عملها في طفولته وشبابه (واللي حكاهم في كتب تانية)، خلفية ثقافية ضخمة يغرف منها ويحكي عن البلد والناس واللي بيجرى معاهم

قهوة كتكوت..
مكان اجتماع خلطة بسيطة من الناس دي
بتعيش معاهم فترة ثورة يوليو.. بدون تطرق للثورة نفسها
لكن حياة الناس
الناس البسيطة.. اللي بتدور على أربع حيطان وسقف
الناس المستورة.. اللي بتدور على زوجة تشيل معاهم أعباء الحياة.. أو تدور معاهم عن شباب مفقود
"الأدباتية".. الموهوبين وأنصاف الموهوبين
الغلابة.. اللي بيدوروا عن ضربة حظ تنقلهم من تحت أرجل الناس لفوق الرؤوس
المعلم كتكوت نفسه.. اللي بيحاول يلحقله يومين من الدنيا وهو لسة حاسس بشبابه (60 سنة)، ويجري ورا اليومين دول.. لحد ما يلاقي نفسه مفروم تحت عجلات صراعات سياسية، وحروب حزبية، لا ناقة له فيها ولا جمل.. ولا هو فاهم منها حاجة.. ولا حتى عايز يفهم منها حاجة
كل دول كوم.. وحبايبنا كوم تاني
شلة المصلحجية والمتلونين
اللي بيعرفوا من أين تؤكل الكتف!
بيقدروا بقدرة عجيبة إنهم يتشكلوا حسب الإناء اللي بيترموا فيه.. لحد ما ياخدوا أحسن ما فيه
ولما "الإناء" ده يتكسر، في أقرب إناء وينط.. ويتشكل.. ويكسب

الرواية ما فيهاش كم الضحك الخرافي اللي موجود في كتب تانية له
لكنها رواية بسيطة كده.. تلمسك.. وتاخدك معاها من غير ما تحس