ŷ������

أنا كنت واحداني
والدنيا واخداني
عايز ونيس تاني
يقاسمني في الأحلام
غريب وأنا في بلدي
جبتك تكون سندي
انصفني يا ولدي
واصبر على الأيام

سيرة ذاتية لنوارة نجم، لكن أغلب أحداثها تتمحور حول والدها الشاعر أحمد فؤاد نجم -رحمه الله- التي قالت عنه أنه يحب مصر، لكنه لا يرى إعجازها في الأهرامات والنيل والنخيل والجو العليل وهكذا، فقد ذكر تلك الأشياء عرضًا في شعره.

يا مصر وانتِ الحبيبة
وانتِ اغترابي وشقايا
وانتِ الجراح الرهيبة
وانتِ اللي عندك دوايا
علّمني حبك عبارة
سهلة وبسيطة وعفية
شرط المحبة الجسارة
شرع القلوب الوفية
يامّا موايل الهوى
يامّا موايليا
طعن الخناجر ولا
حكم الخسيس فيَّ


وكما كان يصر على هجاء الحكام وكل من يمتلك سلطة أو مالاً، يصر على مدح فقراء الناس، ولم يمتدحهم بما فيهم من طيبة وحنان وسمار وجمال وملوك الجدعنة، بل كان يلح على امتداحهم بما يعدّه غيره نقائص يجب أن تُستر، أو تُنتقد. هو يرى في أقبح مثالبهم جمالاً لا يضاهى بأي جمال. هذه قصة حب حقيقية منزهة عن الأغراض، منبهرة بالنسخة الإنسانية في أحلك ظروفها.

العمر ماشي
وكل ماشي وله مداه
وكل فرد
وله بدايته ومنتهاه
الشعب هو الباقي حي
هو اللي كان
هو اللي جاي
طوفان شديد
لكن رشيد
يقدر يعيد
صنع الحياة
والشعب لما يقول
يا أصحاب العقول
نسمع ونوعى ونحترم
صوت الإله


عم أحمد بيقول: اللي بيشتغل لحاجة بيوصلها مهما طال الزمن، الدايرة لازم تكتمل، العبرة بقى لما يوصلها هيعمل إيه!
الله يرحمك يا عم أحمد، كنت من الناس القليلين اللي بحبهم من اللي بيظهروا على شاشات التليفزيون.
وفي الختام، الكتاب كان تجربة غريبة لكن ممتعة، مليانة بالألم وبالضحك في نفس الوقت، الشئ الوحيد اللي متأكد منه أنه يستحق القراءة.