ŷ������

كتاب بديع.. مضحك مبكي مؤلم..
أنيهته في جلسة واحدة مليئة بالشجن
الفاجومي وجه من وجوه مصر وأنا أحب مصر وأحب وجوهها كافة..
ضحكت بصوت عالي وبكيت بصوت عالي..
تذكرت أيام ٢٥ يناير وما بعدها وتألمت وسالت دموعي 😭
الله يرحم نجم ويرحم مصر..
يا رب نحصد بقى وجع السنين في حياة عيننا يا رب ❤️

"لكن يا مصر حييجي اليوم ويطير النوم
وكل ظالم أو مظلوم حيكون له حساب"

*

"وانت السبب يابا.. "
بيقولوا كتاب عن الفاجومي.. وأنا باقول كتاب عن مصر ❤️

مع كلمات نوارة الصادقة الشجية ضحكت بصوت عالي وبكيت بصوت عالي..
كتاب جنني وخلصته في يوم من جماله وصدق الحكي فيه..

كتاب معجون بحب مصر اللي عشقناها وهي الداء.. ماسكها من أيام السادات لحد أيامنا دي.. قلب عليا مواجع كتير لأيام ٢٥ يناير الأمل وما بعدها..

ملامح العلاقة العجيبة المجنونة زي مصر تمام.. بين صافي ناز كاظم الاستقراطية حفيدة شاه إيران وبين أحمد فؤاد نجم ابن الشعب الشعبي جدا..

حبيتهم كلهم وتألمت لآلامهم وعايشت أحداثهم اليومية وعرفت أبطالها عن قرب.. ودخلت مع نوارة السجن وشفت بعينيها وحسيت بقلبها وتعاطفت معها في ملفات كتير..

حقيقي كتاب لازم يتقري..

أنا قرأته على Abjjad | أبجد وشكرا لصديقتي العزيزة Heba Hendawi على الترشيح 🙏🏼😍