ŷ������

تركيبة غريبة
زي ما قالت نوارة عن أبيها
بس هي نفسها تركيبة أغرب وأعقد بكثير من باباها...
فعلا الواحد مش بيختار أهله ولا بيختار جيناته ولا البيئة اللى اتربى فيها...
ومفيش حد يقدر يتخلص من كل التأثيرات دي حتى لو كان شايف إنها مش عاجباه وإنه ممكن يغيرها.
نوارة شجاعة إنها تكتب كلام زي ده..
كلام صريح وصادم..
حاجات صعبة على أي إنسان إنه حتى يعترف بيها قدام نفسه مش يحكيها وينشرها..

نوارة شايفة إن مامتها قررت إنه باباها يفضل في حياتها وفي رأي نوارة إنه كان قرار صائب، فمهما كان الأب فوجوده مهم في حياة اولاده..هو عموما فضل في حياتهم هما الاثنين.

عاشت حياة مش عادية واتعرضت لتقلبات وهزات عنيفة.. اثرت عليها وعلى مسار حياتها.

السير الذاتية اللي زي دي أعتقد مش من حقنا نقيمها ولا نقول ايه فيها الصح وإيه الغلط.. احنا بس بنشوفها يمكن نتعلم منها حاجة تفيدنا إحنا في حياتنا او نتعرف على وجوه تانية من الحياة اللي ممكن لا نشوفها ولا نعيشها طول حياتنا. ونتعرف على نوعيات من البشر مش ممكن نقابلهم في حياتنا العادية.. لو كنا يعني من الناس العادية 😊😊😊