ŷ������

فيه كتب من قبل قراءتها وتكون عارف إنها هتعجبك، وتتوالى رود الأفعال وتعليقات القراء على إنها حلوة وجميلة، فيتأكد عندك انطباعك ده، وبالتالي تبقى خلااص متأكد إن الكتاب حلو وهيعجبك، فتسيبه بقى :D .. والله زيمبقولك كده ...
هذا ما حدث معي، أنا كنت متأكد إن الكتاب هيعجبني، وبالتالي تركته، .. ومرت الليالي والأيام، وجاء وقته،
طبعًا فيه مشكلة تانية تتعلق بسقف التوقعات، وإن الواحد يكون متوقع كتاب هيكون حلو ويفاجئ أثناء قراءته إنه لم يكن على قدر هذا التوقع،
الحقيقة إن كل هذا لم يحدث، الكتاب طلع حلو فعلاً، ونوّارة أسلوبها وكتاتها شيقة وجميلة، وأهم حاجة في الموضوع كله خفة الدم اللي الكتاب مكتوبة بيه، والأسلوب اللي بيفكرني بأيام المدونات الجميلة، وأنا كــ واحد مابيحبش في الأصل الكتابة بالعامية، حبيت الكتابة هنا جدًا، وشعرت بيها (واخد بالك من شعرت دي) متسقة أكتر مع عالم الفاجومي وبنته، رحمه الله وبارك فيها ...
الكتاب يتقال عنه كتير، كل فصل وكل موقف وحكاية، وأنصح هنا بقراءة ما كتبه الصديق محمد طلبه عنه في المدن، والمفارقة الجميلة إن نوارة تنشر قصيدته التي كتبها في رثاء نجم في العام الماضي،
ويبقى الفاجومي واحد من الأساطير المصرية التي لا مثيل لها، والتي أثق أنها لا تتكرر،
شكرًا نوّارة الانتصار .
وربما يخليك لينا يا نجم ..
في الذكرى العاشرة لوفاته