ŷ������

* في هذا الكتاب إحنا مستمرين علي نفس نهج الجزء الأول من السلسلة، و مكملين مع دكتور مصطفي في كا يتعرض له من قضايا، المفروض إنها غريبة أو علي الأقل غيرإعتايدية، بيقابلها في أثناء عمله كطبيب شرعي.

* الكاتب في بداية الكتاب بيعطي وصف تفصيلي، بشكل كبير، عن شخصية الدكتور مصطفي، و اعتقد إن دي محاولة منه علي التأكيد إن شخصية الدكتور مصطفي هي شخصية روائية ولا تمثله هو شخصياً، ولكن علي مدار العمل أنا لسه متخيل دكتور مصطفي ده هو الكاتب، ويمكن اللي ساعد علي ده هو منظور الحكي اللي بيتبني منظور الشخص الأول، وبيتتبع مصطفي طول الوقت و شايف الأحداث من وجهة نظره.

* الكاتب في نهاية الكتاب بيقول إن السلسلة لسه ليها أجزاء أخري و لم تنتهي طالما هو لسه بيعمل كطبيب شرعي و بيشوف قضايا غريبة و تستاهل تتحكي، ولكن الحقيقة إن مع الكتاب التاني في السلسلة الانبهار بيها قل بدرجة كبيرة و بقي فيه شيء من الاعتيادية علي القضايا و طريقة حلها. خاصة إن الكاتب المفروض بيستخدم التقنيات الواقعية في كشف غموض الجرائم، و ده بحكم عمله غير إن هو الهدف الأساسي من الكتاب ده، و بالتالي ده بيقلل من الإثارة و الاستعراض في الحلول و طريقة الوصول ليها والكشف عنها.

* في الكتاب ده الكاتب قدم نوع جديد من القضايا و هي القضايا المتعلقة بالفيروسات المعدية أو العدوي بشكل عام، و وضح الخطورة اللي بيواجهها بقربه من الجثث اللي بتبقي مصابة بهذه الأمراض، إلا إن الكاتب ماقدرش ينقل لي كمية القلق والخوف اللي كان حاسس بيهم البطل أثناء قيامه بتشريح هذه الجثث. قد يكون السبب في ده تركيز الكاتب علي الفكرة الأساسية بتاعت الطبيب الشرعي والقضايا اللي بيواجهها و عدم رغبته في الانجراف بعيداً عن المنظور الرئيسي اللي هو عاوز يقدمه. ولكن في النهاية أنا ماوصلنيش القدر الكافي من تجربة هذا الشخص �� الطبيب الشرعي �� لأن أكيد الخوف والمشاعر السلبية الأخري المسيطرة عليه في الأوقات دي جزء من التجربة.

* بالرغم من محاولة الكاتب إنه يخلي الشخصية أكثر إنسانية و أكثر واقعية عرفك علي شيء بسيط من علاقته بأسرته، و لكن الحقيقة ده كان غير كافي، لأني ماقدرتش أشوف التأثير الكامل لهذه الوظيفة علي حياته مع أسرته، بمعني مافيش مرة اضطر يفوت عيد ميلاد أحد أطفاله، مافيش مرة كان دايخ و متشحطط و تركيزه قليل لأن أحد أطفاله مريض أو شيء من هذا القبيل. و بالتالي ده كان محسسني إن حياته شبه منقسمة عن بعضها و تقريباً الأقسام بتوعها لا يتداخلوا مع بعض.