ŷ������

الصراحة الكتاب ده حكايته معايا غريبة جدا انا بداته وسط امتحانات كنوع من الهروب من المذاكرة على اساس انه مصنف ادب رحلات فكفيل يفصل دماغى فى الوقت اللى بين المذاكرة ولكن لاقيت ان المعلومات اللى فيه شيقه جدا ومحتاجة اسيب له وقت اكون فعلا قادره استمتع بيه فقفلته
جيت افتحه تانى ولكن انا اللى سافرت فاخدت قرار جرئ بانى اقراه ابجد رغم وجوده معايا ورقى وتفاجأت انه منتهى المتعه الكترونى لان الصور اوضح واحيانا ملونه فلما رجعت بقيت امسك الورقى وافتح ابجد معاه 😂
النضج فى الحكى اهم سمه لهذا الكتاب نهى حكاءة ممتازه وطريقتها المميزه فى استدراجك لحكاوى جانبية رائعة والحكاوى الجانبية نفسها فى منتهى منتهى المتعة
انا انبسطت زى ما توقعت واكتر ❤️ولان الكتاب ده ليه نوادر معايا فانا هاعتبره جزئى المفضل من السلسلة لحين صدور اشعار اخر