ŷ������

مش عارفه ابدء الحكايه منين
حكايه الكاتبه ومعرفتى بها ولامقابلتى معها
هبدء بالجزء الاول إلى قرئته من فترة كبيرة ومكنتش عارفه لم قريته مين نهى عودة
لانى من الناس إلى بتقرء للقراءة.نفسها وبعدين تعرف الكاتب مين
اول مره اشوف نهى عودة فى المعرض كنت محرجه قوى
اسلم مسلمش لقيت نفسى باخد منها حضن اخوى جميل

ولا الصداقه إلى بينا على الفيس إلى بتشرفنى بجد
لانى فخورة بيها وبصفحتها وبعقليتها ومبادئها

الكتاب الثالث لنهى موضوعنا
إلى مش عارفه بجد السلسله دى أصنفها كتاريخيه
اجتماعي��
رومانسي��
سيرة ذاتيه لحياة زوجين واولادهم الكتاب هيخليك تنغمس جواه حرفيا
وهتبقا سعيد بالميكس الجميل إلى فيها وهتلاقى نفسك بتقول جئت من اين لا اعلم بس انا جيت 😂
انا بحب التاريخ وكتب التاريخ وقرئت فيه كتير بس زمان قبل ما العقل ينشغل بالكثير
وبحب الناس إلى بتكتب فيه خاصه لما بيتحرو الصدق
فى كتابة الاحداث بس التاريخ مع نهى له شكل اخر
اشبه بورش الحكى
كانك قاعد معها فى صالون بيتهم وبتحكى لك
او بتاخد ايدك وتقولك تعالى نركب البساط ونلف حول العالم
تاريخ مبسط سلس يدخل لعقل كل الفئات العمريه
كتاب خلانى اتصل بصديقتى إلى عايشه فى باريس واقولها يااه ايه الزحمه إلى عند برج ايفل
كل دول ناس وزوار وماله البرج عامل كده وايه الروائح دى 😂😂 تقولى معقول انتى جيتى

لا مجتش يا رمضان انا بقرء كتاب رحلات
كان لى امنيات كثيرة وانا صغيرة ويمكن لم احقق منهم ولا امنيه للاسف
بس ربنا عوضنى باولادى بقيت اشوف تحقيقها فى اولادى
ورشة الرسم إلى كان نفسى اعملها بنوتى بفضل الله حققت دا
كل ولد من ولادى الخمسه اخذ جزء من موهبتى وحققها لنفسه زى مايكون الجينات توزعت
وسبحان الله لم اجبر واحد فيهم على حاجه ودول اعظم الامنيات انهم حولى
نفسى اطلع الحج
العمرة
ازوج البنات والولد
نفسى قوى يكون عندى دار رعايا اجمع فيها بنات كتير واحتويهم واطبطب عليهم

كان نفسى ابقا ظابط شرطه بس ظابط حنين
ادافع عن المظلومين واحقق فى الجرائم صح
ودا حققته فى خلال عملى فى درو الرعايا إلى تركتها لاسباب قهريه
من يومين لقيت رساله على الخاص من بنت من بنات الدار
البنت وصلت لمكانه عاليه جدا ولقتها بتذكرنى بنفسها

فاكرة تعبك معى انا وصلت لده بفضل الله ثم بفضلك
الرساله حرفيا غيرت نفسيتى قوى
البنت دى خاصة كانت اكثرهم مشاغبه وبلطجه بحد قول المشرفات
الرساله دى إلى شجعتنى اكثر إنى اكتب
لان كان حد قالى تعبت وعلمتى ناس ومعملتيش فلوس وياريتهم هيشكروكى تعب على الفاضى

الى نهى استمرى فى الكتابة هتغيرى وتعلمى ناس كتير
لاتكلى ولاتملى
حبيبت اهدائك لشهداء غزة قوى
بكيت لما شفته ربنا ينصرهم من عنده