ŷ������

أول قراءة للكاتب ومستحيل تكون الأخيرة إن شاء الله!
إيه الجمال ده؟ شقاوة وتفاصيل، سرد وكوميديا ورعب وخيال وربط أحداث وإبداع، انا تخيلت لما رواية زي دي بكل تفاصيلها تتحول فيلم!! 🥹
قصة حب غير متوقعة مع ولد مش زي باقي البشر، فلما الدنيا والعرف يقف قصاد جوازهم يفكر ازاي يبقوا عيلة هو وحبيبته وأولادهم لو مش في الدنيا يبقى بعد الموت 💀
فيبدأ يكرس حياته وطاقته ومجهوده وعلمه عشان يلاقي طريقة يتجمع بيها، يأسس بيت يلم عيلته بعد الموت! ��
فندخل بقى لفكرة الفندق وساعة البرزخ اللي بترجع الحياة للموتى تاني، يختار الناس والمكان وينشر إشاعات عشان يجهز كل حاجة لاستقبال حبيبة قلبه! الحب يعمل اكتر من كده بردو😅
تدخل (ميلا) في تفاصيل القصة حلو، نزاع بين الخير والشر، وأعتقد النهاية دي معناها إن هيكون في جزء تاني إن شاء الله؟! أتمنى.
بغض النظر عن الزمان والمكان بس فكرة الرواية ككل بتدور حولين فطرة سليمة، الرغبة في الاجتماع بالاحبة فيما بعد الموت والخلود معاهم في نعيم أبدي، ساعة وفندق، واحنا مسلمين وعايشين بنؤمن بده وبنصبر نفسنا ع الفراق بده، فالحمدلله على الإسلام، يارب ننعم في البرزخ وفي الجنة🧡