ŷ������

▪️صالون غريب
▪️يحيى صفوت
▪️دار كيان
▪️ ٢٤٠ صفحة
▪️رعب / غموض /خيال
▪️تقييمي / ⭐️⭐️⭐️
▪️فصحى سرداً وعامية حواراً

▪️كتير بنسمع عن أساطير وحكايات من زمن بعيد ، بنقول عليها خرافه وبنخليها تحت بند الحكاوي والتسالي ، ايه رأيك لو الخرافات دي اتجسدت قدامك وبقت واقع بتعيش فيه يوم بعد يوم ومش عارف تهرب منه ، كنت هتصدقها ولا برضو هتقول خيال ؟

▪️فتحي مهندس شاطر بيحب شغله وبيتقنه وبيتفاني فيه لدرجه ممكن يروح وييجي شارع ٧ مرات عشان يتأكد ان الكابلات و خطوط الاتصال مظبوطه وكله تمام ، رغم تحذير مرسي السواق ليه ان خطر يروح وييجي ٧ مرات بس مسمعش كلامه !

▪️كل الحكاية بتبدأ اما بيلاقي صالون حلاقة اسمه صالون غريب وعشان هو مستعجل وكان لازم يحلق عشان يلحق خطوبته لحب حياته زينه بيضطر يدخل رغم انطباعه الغريب عن الصالون اللي مفهوش مرايه !

▪️وتتوالي الحكايات من غريب الحلاق وكلها أغرب من بعض ، والسر في التفاصيل ! مين يقدر يرجعله حياته تاني ! ومين السبب انها اتشقلبت كده !

▪️في نهاية غريبة وغير متوقعة خلتني مصدومة وبقول مين فين ايه اللي حصل ! رغم إحساسي ان في حاجات تانيه ممكن تحصل قدام وان لسه الحكاية مخلصتش !

▪️ رواية هتخطفك وهتخلصها في جلسه واحده من كتر سرعة الأحداث ، ومش هتخليك تحس بأي ملل ...

ودا اول عمل أقرأه للكاتب وأكيد مش الأخير ...