ŷ������

طبعا هتناول الرواية من كزا شق ..
الشق الاول والأهم طبعا بكل المقيايس ودا لأننا مجتمع "متدين بطبعه!!" هو:- النظرة الأخلاقية للرواية..
طبعا هناك كمية رهيبة من الأبتزال والأسفاف في تناوله لحياة الشخصيات ..
انا مبقولش ان الرواية لازم تبقي جافة ومفهاش أي حيوية أو روح..
بس بردو الكاتب مفروض يضع في الاعتبار أن ناس كتير هتقبل علي قرائة الرواية عشان اسمها "أنا عشقت"
دون ان يعلموا انها تحمل الكثير من البزاءة ودا هيسببلهم صدمة ..
ممكن كمان القارئ يكون بيقرا لأول مرة للكاتب دا والابتزال يجعله ميقراش ليه تاني...
وكمان أظن ان الأبتزال بالطريقة المفجعة دي حرام ...
الرواية 438 صفحة ..رواية مش مملة ..قصتها جميلة ..
مكنش فيها حاجة لو البزاءة دي اتشالت خالص من الموضوع
لأنها أصلا مش مؤثرة تأثير واضح في مجريات الأحداث...كان يكفي بس للتنويه بقصة حياة كل بطل من الابطال دون الخوض في التفصيل المبتزلة دي..
كزا مرة أقرر اني اسيب الرواية ومكملهاش بسبب كم الاسفاف اللا متناهي
بس حاجة واحدة بس بتخليني متعلقة بأستكمالها وهي مصير ورد ..
يعني لو هقيم الرواية علي الجانب الأخلاقي هديها "صفر" وهبقي نصفاها كمان
----------------------------------------------------------------------------------------------------
أما من ناحية أبطال الرواية "ورد" البطلة الغائبة الحاضرة طول الرواية أكثر ماجذبني علي الأطلاق ..
روحها ديما موجودة في كل حرف في كل كلمة في كل صفحة..
المرأة اللي عندها القدرة علي الحب وفي نفس الوقت محافظة علي نفسها ..
بتحب بدون ان تنتظر مقابل ..روحها بتتجمد أول ما حسن بيغيب عنها!!!
و "علي" بطل الرواية..البرائة كلها اللي في الدنيا اتحطت فيه!!
عمل دا كله عشان واحدة نصف ميتة ..حبها ..عارف ان بحثه عن حبيبها هيرجعها للحياة وفي نفس الوقت هيضيعها من أيديه..
هو بردو بيحب بدون مايطلب أي حاجة في المقابل..
.."سمية" دي شخصية حقيرة جدا ولم أتعاطف معاها أبدا...اتنازلت عن كل حاجة و؟أغلي حاجة بسبب متعةذّائفة..وبدون أي ثمن!!
اشار الكاتب لوالدها والمشكلة اللي مسببها ليها ودا يحسب للكاتب طبعا بس بردو مفيش مبرر لقزرتها..
علي الجانب الأخر "ذكري البرعي" شخصية أنا اتعاطفت معاها جدا ومع ظروفها..نهايتها احزنتني جدا...
هي أتعزبت كتير والمصير دا قاسي فعلا ..
بس دا بردو لا يبرر الطريقة البزيئة للكاتب في عرض قصة حياتهم..كان في طريقة احسن وأأدب...
شخصية "أكرم البدري" احقر ما في الرواية
----------------------------------------------------------------------------------------------------
أما نيجي بقي لمضمون الرواية والجزء الاهم وهو "الداخلية أفجر ما في الدنيا منذ قديم الأزل"
هي اللي تسببت في قتل العامل الشريف والد حسن ..
هي اللي قتلت المجند من التعزيب عشان يعترف علي جريمة مرتكبهاش ..واول مااكتشفت القاتل الحقيقي محسوش بالذنب ..
بل علي العاكس قالو عنو غبي ويستاهل!!!
هي اللي خدعت سكان قلعة الكبش وحطمت منازلهم وشردتهم..
هي اللي حبست عبد المعطي ظلم في قضية سرقة التمثال ..
هي اللي حولت حسن الشاب البرئ النقي المعيد في كلية الهندسة الي مسجون ظلم وبعدين قاتل!!!
هي اللي بتستقوي علي المساجين الضعفا وتتحول لسجادة تحت رجل اسياد البلد الفاسدين..
هم سبب كل المصايب اللي بتعاني منها البلد ..
----------------------------------------------------------------------------------------------------
الكاتب لم يوفق في النهاية ...
ما هي نهاية أستاذ سمية في الجامعة!!
نهاية سمية!!
نهاية أكرم البدري!!
نهاية الجرائم اللي بالجملة اللي أرتكبها حسن ..
هل بعد دا كله يعيش هنيئ مع ورد !!!
ورد أنسانة بريئة جداا !!!
بعد كل اللي عمله "علي" ..بعد كل الحب دا..بعد البرائة دي..ميستحقش نهاية منصفة !!!
فين النهاية !!
نهاية معلقة ..ومش دي النهاية اللي كانت اتوقعها بعد قراية 438 صفحة فيهم من البزاءة ما يكفي لدخول الكاتب والقارئ الجحيم!!!
هل كان غرض الرواية البزاءة والبزاءة فقط !!