ŷ������

“ياويلك بصبرك
عالظالم وظلمه
في الدنيا وياويلك
من يوم الحساب”
― أحمد فؤاد نجم, أحمد فؤاد نجم: الأعمال الشعرية الكاملة

“قل أعوذو

مدّ بوزه

الجبان

إبن الجبانه

كَل غدانا

قام لقانا

شعب طيب

كل عشانا

1968”
― أحمد فؤاد نجم, أحمد فؤاد نجم: الأعمال الشعرية الكاملة

“ويجيي العيد
هلاله جديد
يلاقي الناس حزين وسعيد
حسب شوقه يجود ويزيد
ويحرم ناس على كيفه
يولع للسعيد شمعة
ويطفي للحزين شمعة
ويرمي البسمة والدمعه
حسب شوقه
وعلى كيفه
ونورك يا هلال العيد
يطير بينا
سفين عوّام
على الأحلام
يودينا&�����ܴ�;
― أحمد فؤاد نجم, أحمد فؤاد نجم: الأعمال الشعرية الكاملة

“يا اسكندريه
بحرك عجايب
يا ريت ينوبني م الحب نايب
تحدفني موجه
على صدر موجه
والبحر هوجه
والصيد مطايب
أغسل هدومي
وانشر همومي
على شمس طالعه
وانا فيها دايب”
― أحمد فؤاد نجم, أحمد فؤاد نجم: الأعمال الشعرية الكاملة

“أه يا وطن على الورق
الحلم فيك على الورق
والعلم فيك على الورق”
― أحمد فؤاد نجم, أحمد فؤاد نجم: الأعمال الشعرية الكاملة

“..وكل يوم في حْبِك تزيد الممنوعات .. وكل يوم بحبِك أكتر من اللي فات”
― أحمد فؤاد نجم, أحمد فؤاد نجم: الأعمال الشعرية الكاملة

“بكرة لما قمركو يطلع

والشمس تطلع

ونهاركو يطلع

حيقولوا كان في المكان دا ناس

فيهم طيابه

وفيهم حماس

وكانوا آخر الامر

ناس

وكان زمانهم سجون

وكانوا

مابين سجونه وأمريكانه

وبين ضباب الطريق حيارى

ماحد قادر يشوف مكانه

حتقولوا كانوا

وياما كانوا

وياما شربوا

وياما عانوا

وياما جالهم

وياما جيلهم دفع

وكان التمن أمانه

وياما ناس فى المسيره

مشيت

وناس ف نص المسيره خانوا

حتقولوا كانوا

أو ياما كانوا

لكن ح يبقى فى الأمر حاجه

إن اللى عربد

ما سابش حاجه

وساب كلابه

على كل حاجه

تهبش وتنهش

فى كل حاجه

ماقدرش يقتل فى اى حاجه

روح التفاؤل

بكل حاجه
_____________
القاهرة 1973”
― أحمد فؤاد نجم, أحمد فؤاد نجم: الأعمال الشعرية الكاملة

“إن قلت كلمة لم تخف
و إن خفت كلمة
لم تقول
كلام تقيل على الخفاف
و الفهم لصحاب العقول
مف��متينيش
شد اللحاف
و نام و سيب النوم يطول
و بوس إيديك
و كلها حاف
و الصبر برسيم العجول
تاكل شمال
تشيل كتاف
يعرض قفاك
و اصبر تنول
و لما تفرج بالكفاف
ت��يص
وتملا المخله فول
على رأي المثل”
― أحمد فؤاد نجم, أحمد فؤاد نجم: الأعمال الشعرية الكاملة

“الأوله آه
والتانيه آه
والتالته آه
***
الأوله آه
والغدر لَمَّن حكم
صبح الأمان بقشيش
والتانيه آه
والندل لما احتكم
يقدر ولا يعفيش
والتالته آه
والحر مهما انحكم
للندل ما يوطيش
الأوله غربتي
والتانيه بلوتي
والتالته كلمتي”
― أحمد فؤاد نجم, أحمد فؤاد نجم: الأعمال الشعرية الكاملة

“شيد قصورك

شيد قصورك ع المزارع من كدنا و عمل ايدينا ..
و الخمارات جنب المصانع و السجن مطرح الجنينة ..
و اطلق كلابك في الشوارع و اقفل زنازينك علينا ..
و قل نومنا في المضاجع .. آدي احنا نمنا ما اشتهينا ..
و اتقل علينا بالمواجع .. احنا اتوجعنا و اكتفينا ..
و عرفنا مين سبب جراحنا و عرفنا روحنا و التقينا ..
عمال و فلاحين و طلبة .. دقت ساعتنا و ابتدينا ..
نسلك طريق مالوهش راجع ..و النصر قرب من عنينا..
النصر اقرب من ايدينا ..”
― أحمد فؤاد نجم, أحمد فؤاد نجم: الأعمال الشعرية الكاملة

“الحق عجوز و قديم و يغر
لكن ما مايموتش و له طلاب
و التار قنطار
فوق كتف الحر
و الصبر ف وقت البلوة عذاب
و العزم صديق ف الوقت المر
و لا غير العزم
تلاقي صحاب
و الأرض براح
و ان داسها الذل
تضيق بالناس
و الخضرة تموت
و يعربد فيها البوم أجناس

و لا تبقى حياة
و لا يبقى نظام
و لا خطوة تسير بالناس
قدام
و لا تعرف بكرة
حيجي بأيه
و لا تفهم معنى لأي كلام”
― أحمد فؤاد نجم, أحمد فؤاد نجم: الأعمال الشعرية الكاملة

“أصل احنا شعب طيب
والطيبة فينا بلوه
تاخدنا من قُريب
وتجيبنا كلمة حلوة”
― أحمد فؤاد نجم, أحمد فؤاد نجم: الأعمال الشعرية الكاملة

“ملعون ياداء البكم
ملعون يا طول البال
بعد الوطن مااندهس
وصار ترابه حلال
للغاصب الأجنبي
والجبنا والأندال .”
― أحمد فؤاد نجم, أحمد فؤاد نجم: الأعمال الشعرية الكاملة

“مر الكلام زى الحسام
يقطع مكان ما يمر
أما المديح سهل ومريح
يخدع.. لكن بيضر
والكلمة دين من غير ايدين
بس الوفا عالحر.”
― أحمد فؤاد نجم, أحمد فؤاد نجم: الأعمال الشعرية الكاملة

“لكن يا مصر حييجي اليوم ويطير النوم
وكل ظالم أو مظلوم حيكون له حساب.”
― أحمد فؤاد نجم, أحمد فؤاد نجم: الأعمال الشعرية الكاملة

“الحكاية إن البلد مش ملك ناسها
والخلايق في البلد مش مالكة راسها
والبلد يا ولاد بلدنا مش عليلة
البلد علتها جاية من خرسها”
― أحمد فؤاد نجم, أحمد فؤاد نجم: الأعمال الشعرية الكاملة

“مصر يا مه يا سفينه
مهما كان البحر عاتي
فلاحينك ملاحينك
يزعقوا للريح يواتي
اللي ع الدفه صنايعي
واللي ع المجداف زناتي
واللي فوق الصاري كاشف
كل ماضي وكل آتي
عقدتين والتالته تابته
تركبي الموجه العفيه
توصلي برالسلامة”
― أحمد فؤاد نجم, أحمد فؤاد نجم: الأعمال الشعرية الكاملة

“يا شغالين ومحرومين
يا مسلسلين رجلين وراس
خلاص خلاص
ما لكوش خلاص
غير بالبنادق والرصاص
دا منطق العصر السعيد
عصر الزنوج والأمريكان
الكلمه للنار والحديد
والعدل أخرس أو جبان
صرخة جيفار يا عبيد
في أي موطن أو مكان
ما فيش بديل
ما فيش مناص
يا تجهزوا جيش الخلاص
يا تقولوا ع العالم خلاص”
― أحمد فؤاد نجم, أحمد فؤاد نجم: الأعمال الشعرية الكاملة

“ما دامت مصر ولاده
وفيها الطلق والعاده
حتفضل شمسها طالعه
برغم القلعه
الزنازين&�����ܴ�;
― أحمد فؤاد نجم, أحمد فؤاد نجم: الأعمال الشعرية الكاملة

“كل عين تعشق حليوة وإنتِ حلوة ف كل عين
يا حبيبتي قلبي عاشق واســــمحي لي بكلمتين
كلمتين يا مصر يمكن هما آخر كلمتين
حد ضامن
يمشي آمن
أو مآمن يمشي فين ؟”
― أحمد فؤاد نجم, أحمد فؤاد نجم: الأعمال الشعرية الكاملة

“حتقول لي الفقرا ومشاكلهم
دي مسائل عايزة التفانين .
وأنا رأيي نحلها رباني
ونموت كل الجعانين .”
― أحمد فؤاد نجم, أحمد فؤاد نجم: الأعمال الشعرية الكاملة

“ممنوع من السفر
ممنوع من الغنا
ممنوع من الكلام
ممنوع من الاشتياق
ممنوع من الاستياء
ممنوع من الابتسام
وكل يوم في حبك تزيد الممنوعات
وكل يوم بحبك اكتر من اللى فات”
― أحمد فؤاد نجم, أحمد فؤاد نجم: الأعمال الشعرية الكاملة

“وكل عاشق وله بهية
وكل شاعر وله أغاني
وأنا اللي عشق الصبايا كاري
أعشق وأغني ما أقدرش اداري”
― أحمد فؤاد نجم, أحمد فؤاد نجم: الأعمال الشعرية الكاملة

“وإن كان أمل العشاق القرب
أنا أملي في حبك هو الحب”
― أحمد فؤاد نجم, أحمد فؤاد نجم: الأعمال الشعرية الكاملة

“الشعب هو الباقي الحي
هو إللي كان
هو إللي جى
طوفان شديد ،لكن رشيد
يقدر يعيد صنع الحياة”
― أحمد فؤاد نجم, أحمد فؤاد نجم: الأعمال الشعرية الكاملة

“فلاحينك هما هما .. فلاحين رمسيس وخوفو .”
― أحمد فؤاد نجم, أحمد فؤاد نجم: الأعمال الشعرية الكاملة

&�����ܴ�;مات
بس فات للأمل
فوق الطريق علامات
لو سا عليها العمل
طول الطريق بثبات
تهدي الغريب سكته
وتقرب المسافات”
― أحمد فؤاد نجم, أحمد فؤاد نجم: الأعمال الشعرية الكاملة

“سكات .. سكات .. سكات
لكن لسكاتنا معنى .. أنطق من الكلام”
― أحمد فؤاد نجم, أحمد فؤاد نجم: الأعمال الشعرية الكاملة

“بلدي يالقمة عيش يا حلال
ع الأكالة .. وع الأكال
ياأم النيل سايل مواويل
كل مغني وله موال
وأنا أرغولي لما يمول
سوا فى الأخر
سوا فى الأول
مش حيغني إلا لمصر
يا ركوبة ركاب النصر
سرقوكي سكان القصر
والظابط عبد المأمور ..”
― أحمد فؤاد نجم, أحمد فؤاد نجم: الأعمال الشعرية الكاملة

“غرامي في الحروب يسبق كلامي
وأملي فى الشعوب يخلق غُنايا
وعشقي للكلام غالب سكوتي
وكرهي للسكات جالب شقايا”
― أحمد فؤاد نجم, أحمد فؤاد نجم: الأعمال الشعرية الكاملة

“حبلت الأيام سنين
ولدت الأيام دهور
دامت الأيام لمين
وحدوا المولى الغفور
صلّي ع الّي في القيامة يشفعك
واصحى يالّي نمت من الّي بيوجعك
واكشف الّي بيؤلمك وبيمنعك
قول يا جارة
قول يا جار
مهما طال الليل وجار
كل جرم وله مدار
والكواكب دوّارين
وحدوه يا مؤمنين
صحي نومك ياسطى فكري يالّي ناسي
هلّْ يومك ياسطى مرسي يالّي راسي
يا حبايب مصر يا أهلي يا ناسي
الّي يعشق بالسهر حتماً يقاسي
اصحى يا نايم كفاية
وحد الإنسان معايا
طالت الليل الرحايا
والحدادي قلقانين
وحدوه يا مؤمنين
*
يالّي صاحيين في البيوت
يالّي كاشفين المكان
يالّي سامعين السكوت
يالّي واعيين للزمان
استعدوا للقيام
واقبلوا مني الكلام
مصر نايمة من سنين
وحدوه يا مؤمنين

أحمد فؤاد نجم - المسحراتي”
― أحمد فؤاد نجم, أحمد فؤاد نجم: الأعمال الشعرية الكاملة

“بشوف الصقر فارد في الفضا باعه
وأتباع��
نشرهم ع الشجر ضاعوا
طيور تانيين
صغار مساكين
جواعى لكين
دوام صاحيين
ومش قادرين لأطماعه
عشان نابه ومخلابه
ومنقار��
باشوف الكل أحبابه
وسمّار��
ودنيا تخاف من القوة
وجوّ الدنيا مش هوَّ
واشوف بليل
غريب في الدوح!
بيرقص
رقصة المدبوح
بهفّة ريش
سقط عشه
حيشكي لمين
وفين حيروح
وادي له سنين
على دا الحال
يقاسي الحلو والبطال
يا صياد الطيور يا خال
يا صياد الطيور حافظ على الخرطوش
دا ميت عصفور كمان زيّي
ما يستاهلوش
هناك الصقر
لو تضرب على وكره
تلاقي اللحم متكوّم
ولا بياكلوش
يا صياد الطيور فكَّر
وشوف لك صيد
يكون أكبر.

(شال الهوى) - القاهرة - 1963”
― أحمد فؤاد نجم, أحمد فؤاد نجم: الأعمال الشعرية الكاملة

“فرحانين .. فرحانين .. فرحانين
كل ثورة وإحنا دايما فرحانين
اللي ماتوا فى المعارك.. فرحانين
واللي حضر واللي شارك.. فرحانين
واللي ساكنين الخنادق.. فرحانين
والماسكين على المبادئ.. فرحانين
واللي شايلين شوق لفكرة.. فرحانين
واللي حاملين هَمّ بكرة.. فرحانين
اللي كلمتهم أمانة.. فرحانين
واللي معدتهم جعانة.. فرحانين
إحنا ملح الأرض وتراب العجين
كل صناع الورود والمبدعين فرحانين
عد موج البحر ونجوم الليالي
عد رمل الأرض واكتر من السنين
قولوا قولوا .. فرحانين
كل ثورة وإحنا دايما فرحانين
قولوا قولوا .. فرحانين”
― أحمد فؤاد نجم, أحمد فؤاد نجم: الأعمال الشعرية الكاملة

“آه م الهوى ومنهم
قلب انكوى ولا تاب
والتاني حنّ وداب
وبعد صبر سنين
طلع الهوى كداب
لا جاب ولا ودّا
عدّى الهوى
عدّى&�����ܴ�;
― أحمد فؤاد نجم, أحمد فؤاد نجم: الأعمال الشعرية الكاملة

“جرح النفس له وجعين ...يبكي القلب قبل العين .”
― أحمد فؤاد نجم, أحمد فؤاد نجم: الأعمال الشعرية الكاملة