ŷ������

انبهرت في بداية الكتاب باسلوبه السهل الممتنع، القوى في الالفاظ والسهل في القراءة .. مع مرور الوقت بدأت أحس بالتكرار في الكلام والافكار والاسلوب .. زهقت وكنت عايزه أخلص الكتاب ف اسرع وقت عشان ماساتي تنتهى ..
مشكلتى الكبرى معاه ان كتب الكتاب ده بهدف المشاركة الوجدانية مع البوئساء لعله يقدر يخفف عنهم، المصيبة إن الكتاب ده يجيب اكتئاب وقلق وصرع وعته مغولى من كمية الحزن والموت للى فيه ..
مجموعة من القصص اللى بتنتهى كلها بموت كل الناس اللى فيها عشان زعلانين على بعض -_-

منها قصص من تأليفه وقصص مترجمة وقصص "موضوعة" ومعرفش موضوعة ازاى يعنى 0_0
بس كلها تشترك في انها ممحونة .. وإنها اجترار للأحزان بل وخلق للحزن للى معندوش حاجة يزعل عليها -_-
نفسيتي تعبت من الكتاب مش عشان اتأثرت بموت الناس دي وحزن أحبابهم عليهم، لأن ده أوفر .. هو في الزمن بتاع الكاتب - التلاتينات - كان الناس مواراهاش حاجة غير إنها تحب بجنون فلما حبيب يفارق حبيبه يموت واحد فيهم من الحزن فيقوم التانى يتجنن ويموت في الآخر عشان يحصله !! ذنبى ايه اقرا أكتر من قصة بنفس النمط ده

مفيش حد يستاهل تموت حزنا عشانه، لأن الحياة مبتقفش عند حد، ولو قررنا نوقف حياتنا لموت حد بنحبه هنبقى بنجنى على نفسنا ومش بنفيد حد بتصرفنا ده ..

كده انا هلقى نظرة على كتاب النظرات .. لو طلع في نفس مستوى ده يبقى مش هكمله وهارحم مرارتى -_-

النجمتين للأسلوب والالفاظ مش أكتر

إضافة .. مقال الحجاب مستفز جدا، مش عارفة اعذره لأن ده كان الفكر السائد في ايامه، ولا الومه لأن أمثاله اللى جابونا لورا ف الموضوع ده، وهل السيناريو الوحيد لتحرر المرأة واختلاطها بالرجال هو إن المرأة هتنحرف والبيوت هتتخرب ؟! في نقاط ف المقال متفقه معاه فيها، لكنه مازال مستفز وبيتعامل مع المرأة ككائن أدنى ملوش نفس عدد الخلايا المخية عشان يفكر بيها صح -_-