ŷ������

لغة الرواية على قدر كبير من اليسر و السهولة
مش الرواية اللي بعد قرائتها هتستفيد بحصيلة لغوية كبيرة
-----
اعتقادي الأول من العنوان
إنه هقرأ عن تداخل الأديان في المجتمع بشكل عميق
هعرف أكتر عن اليهودية كديانة ممارساتها و طقوسها
و هعرف أكتر عن مجتمعاتهم و طوائفهم
و جزء عن الحرب الإسرائيلية على الجنوب اللبناني
و مقاومة البشر و إزاي عاشوا الفترة دي و تاريخها
ده متحقق بشكل سطحي
-----
النص التاني من الرواية كنت فقدت اهتمامي بشكل كبير
الموضوع تحول لإن كل شخصية بتتحول للإسلام
و اللي مش بيتحول للإسلام بيموت
و تحول لرد السهام عن الشبهات السطحية
الشبهات المتكررة اللي كل المسلمين عارفينها بمبرراتها
من و هم أطفال
ثقافة رد السهام أصلا بتقنعني انه في ضعف ما محتاجين نعالجه
في حين انه لو بس طبقنا روح الإسلام و تعاليمه
و كنا وجهه بالعمل
و كنا مسلمين فعلا و قولا
مش هنبقى محتاجين نعمل كل ده
-----
السهولة اللي شخصيات كتيرة تحولت للإسلام بيها!!!
الدين مسألة كبيرة
بتاخد من الإنسان بحث و تدقيق و اقتناع و روح تُفتح للإيمان
و الواحد مش بيؤمن علشان بيقتنع
إن الإرهابيين دول بيشوهوا وجه الإسلام و خلاص
أو انه يلاقي رد على الشبهات الصغرى
بيؤمن علشان بيلاقي إجابة عن تساؤلاته
أنا مين و بعمل ايه ف الدنيا و ايه هو الغرض من وجودي
ليه لازم أفعل الخير و ليه لازم ابتعد عن الشرور
يفهم فلسفة المجتمع اللي تعاليم الدين بتبنيه
يقدر يستوعب ان الكون كله بيعمل في تناغم و إننا جزء من التناغم ده
أو خكذا يهيأ لي يعني
-----
الرواية موجهه لفئة بعينها هي المسلمين
بتغذي نقاط معادة و مكررة
ما فرضتش عليهم أي تحدي جديد لا فكريا و لا عمليا
و لا وجهتهم لحاجة جديدة يبنوا بيها المجتمعات
و ما اعتقدش إنها فتحت باب جديد للتفكير
أو حتى كان فيها إثراء تاريخي