ŷ������

كالعادة بعد كل رواية أخلصها لنجيب محفوظ أفقد القدرة على الكتابة وأي حاجة اكتبها احسها طفولية جدا "اهو".
بعد رواية الحرافيش علينا أن نسلم بعبقرية نجيب محفوظ، كم الفشخرة اللي بعيشها لإني بقرا لأديب واخد نوبل من غير ما ادور على ترجمة لرواياته.
انا كنت عايش في عالم من الظلمة والإبتذال باللي كنت بقراه قبل محفوظ.
الحرافيش ملحمية، أكتر من ألف عام في 600 صفحة، لكن اللي دخل دماغي وكيفني إنه كتبها بعد أولاد حارتنا ب10 سنين تقريبا وكإنه بيحط على كل الناس، انتم فاكرين نفسكم فهمتوا أولاد حارتنا وعايزين تقتلوني؟ طيب امسكوا الحرافيش! محدش فهم حاجة :D
الراجل ده كان عظيم وفشيخ بدرجة مش طبيعية ومع كل رواية بقراهاله بتزيد عظمته في نظري.
لكن طبعا كمان 20 سنة هرجع اقرا رواياته تاني واتحسر على الأيام دي "دلوقتي" اللي مكنتش مديله فيها حقه.