ŷ������

لله _عز وجل_ سننا ثابتة فى تغيير الأمم وتبديل أحوالها : سواء كان هذا التبديل من الضعف الى القوة وأو كان من القوة الى الضعف , فبحسب الطريق اللى تسلكه كل أمة تكون خاتمتها وحينما نقرأ التاريخ ونقلب صفحاته نشاهد سنن الله فى التغيير والتبديل ؛ فالتاريخ يكرر نفسه بصورة عجيبة .. حتى والله لكأنك وانت تقرأ أحداثا حدثت منذ ألف عام _ تشعر وكأنها الأحداث نفسها التى تتم هذا الزمن مع اختلاف الاسماء والتفاصيل ...

تلتين الحكم الاسلامى يتمثل فى الاندلس , 800 سنة فى غفلة عنها ومانعرفش عنها حاجة ..!!

" فاقصص القصص لعلهم يتفكرون " صدق الله العظيم

تاريخ طويل أوى من كل حاجة يعنى الاندلس دى حصل فيها كل حاجة , بداية من موسى ابن النصير الشيخ اللى كان عنده _ 75 سنة_ وطارق ابن زياد ذكاءهم وثباتهم فى الحروب , القرار الصعب بفتح الاندلس بدل من التوجه لوسط وجنوب افريقيا .. بعد الاندلس عن مركز الخلافة , المدد المذهل اللى جيه من العراق والشام وشمال افريقيا بمجرد معرفة الناس ان فيه جهاد فى الاندلس .. ربنا انعم عليهم وفتحوا الاندلس مدن بالحروب ومدن من غير حروب ..

توالى الحكام الصالحين اللى زادوا من قوة الحكم الاسلامى فى الاندلس , واللى طبعا كان بيتخلله حكام فاسدين وفترات من التشتت والخيانات والقبلية , بالاضافة الى أسوأ شىء وهو التعاون مع الدولة المسيحية لمصالح شخصية .. كل دا كان بيهدد بزوال الدولة , المعجزات الاهية والحكام الصالحين اللى كانوا بينقذوا الموقف ويزيدوا قوة الدولة كمان 100 سنة .. الدولة كانت بتقوى وتضعف على حسب الحكام والأمراء واتباعهم للشريعة الاسلامية وعدم التشبهه بالغريب ...

لفت انتباهى ضياع بعض التفاصيل بسبب ضعف الدولة وغيلب التدوين , واللى ادى فرصة للتحريف والافتراء المسيحى .. لاظهار الاسلام بشكل سىء ...وكمان الانقلابات اللى كانت بتحصل على الحكام الصالحين فى صالح الفاسدين واضح ان الموضوع مش جديد علينا ...

عموما التاريخ بيعيد نفسه بشكل ممل جدا , أسباب سقوط أى دولة معروفة ومحفوظة .. وطريقة اعداء الاسلام واحدة على مر الزمان , بس نعمل ايه فى ادراكنا وعدم استيعابنا لحقائق الأمور ...!!

" اللهم يا محول الحول والأحوال , حول حالنا الى أحسن حال "