ŷ������

حلوة جدًا :) ، أنصح بها .. :)
..
بدايةً كده :
- فارس عجبتني شخصيّته كـ شاب طموح وعنده هدف ، و مابيستسلمش للأمر الواقع ، "قُل لن يُصيبنا إلّا ما كتب الله لنا" كان بيراعيها في حياته :)
- فارِس ومُهرة حسيت الصّراع اللي كان حواليهم زيّ وليد ورغَد في رواية 'أنت لي' .. :)
- عجبتني جدًا شخصيّة كلًا من بلال وعبير وإن الإنسان المُلتزِم مش متشدِد ولا ظالِم لزوجته ، بالعكس عارِف واجباته قبل حقوقه ، لإنٍّ بيراعي ربّه في كُلّ حاجة بيعملها.
- التزامهم بالضّوابط الشّرعية في الخطوبة وكتب الكِتاب كانت لفتة جميلة جدًا :)
- اللّحية مش إرهاب :) ، ودي نُقطة مُهمّة جدًا وخصوصًا في عصرِنا اللي بيعتبر أيّ مُسلِم مُلتحي مُتشدِّد وإرهابي ويتعملّه ملفّ في أمن الدولة وفي الغالِب بتوصل للإعتقال.
- لفت نظري برضه التّجاوزات الكتير اللي في سجون مصر وطرق التعذيب اللي مُمكِن تخلّي إنسان برئ يعترف بحاجات معملهاش أصلًا !
- أشارت برضه للانحطاط الأخلاقي اللي موجود في بعض مُجتمعاتنا ، وإنّ من عوامل الفساد في مُجتمعنا السّعي وراء السُلطة والمال على حِساب الآخرين وحتّى لو كانوا أقرب النّاس ليك ، مُتمثّلة في شخصيّة 'دُنيا - باسِم'.
..
مع إنّي مابحبشّ استخدام العاميّة في كتابة الرّوايات والقِصص ، بسّ الأحداث شدّتني أكمّلها مع إنّها طويلة نسبيًّا '500 صفحة تقريبًا'.
:)