صدر حديثا - كتب ومجلات عربية discussion
مجلة عالم المعرفة الكويتية
من اى بائع جرائد و بتنزل يافى وسط الشهر يافى اخر الشهر
الاشتراك تبع الاهرام وده اسهل واضمن عشان توصلك كل شهر
متشكره اوي، كنت حابه اعرف طب وانا اشترك ازاي تبع الأهرام ؟ آيه عنوانهم؟
هل توفر الأهرام المجلات بنظام اشتراك؟أرجو التفصيل
الاشتراك في الاهرام بيكون ربع ونص وسنوي بالنسبة لمكانها فأنا بشترك فى المقر الرئيسي اللى هو في محطة الاسعاف .. بس اظن ان في اماكن تانية تبع الاشتراكات
طيب معلش أنا كمان كنت عايز اعرف معلومات اكتر عن الموضوع دههو هل ممكن ألاقي أعداد من القديمة أو مش قديمة قوي يعني بس أعداد سابقة من السلسلة في مقر الأهرام اللي في الأسعاف؟؟
وكمان ممكن اعرف اشتراكها كام .. يعني مثلاً الاشتراك اللي حضرتك عامله ربع أو نصف أو سنوي كان بكام ؟؟
شكرا
Mina wrote: "طيب معلش أنا كمان كنت عايز اعرف معلومات اكتر عن الموضوع دههو هل ممكن ألاقي أعداد من القديمة أو مش قديمة قوي يعني بس أعداد سابقة من السلسلة في مقر الأهرام اللي في الأسعاف؟؟
وكمان ممكن اعرف اشتراك..."
اسمحولي اساعد باللي اعرفه
بخصوص انك تلاقي اعداد قديمة من المجلة في الاهرام ممكن طبعاً بس مش قديمة كتير لكن لو محتاج اعداد قديمة حتى ولو كان العدد الاول في معرض القاهرة والاسكندرية الدولي للكتاب ممكن تلاقي اعداد قديمة بالاضافة لأن المجلس الوطني للثقافة والفنون "اللي بيصدر المجلة من كام سنة اصدر اسطوانة مدمجة كان سعرها 50 ج بتضم الاعداد من 1 حتى 267 وكمان هتلاقيها على النت للتحميل مجاناً نسخة ممتازة جداااً وحجم صغير جداً
بصراحة اللي حولها لملفات بي دي اف شخص عبقري جودة ممتازة وحجم صغير جداً وباقي الاعداد بعد 267 فيه متطوعين صوروها بي دي اف صحيح مش بنفس جودة الاسطوانة اللي اصدرها المجلس لكنها ستغنيك عن عناء البحث في الاهرام او انتظار المعرض
الاعداد القديمة تلاقيها في معرض الكتاب(الايام الاولى عشان نسخها بتخلص بسرغة جدا) او ممكن في سور الازبكية.. ده لو عايزها ورقي طبعا.. في طبعا البي دي اف منتشر ع الانترنت بالنسبة لاشتراكي فهو سنوي والاشتراك عامة بيعتمد على سعر المجلة. يعنى هى دلوقتى حسب مافتكر بسبعة جنيه يبقى انت هتدفع حسب المدة اللى عايزها بالظبط ومفيش مصاريف زيادة عليك كمان (المجلة بتوصلنى لحد البيت على فكرة ببلاش)
وحسب كلامهم ان لو في زيادة حصلت في سعرها في الفترة اللى انت دافع اشتراكها فالزيادة دى هم هيتحملوها مش انت
طيب معلش ألاقيها فين في المعرض الأعداد القديمة
شكراً جداً لكم على التوضيحأنا فعلاً عندي النسخ البي دي اف على الكمبيوتر بس فيه اعداد منهم كنت محتاجها ورقية فعلشان كده حبيت اسأل
والمعرض خلاص قرب .. ابقى ادور عليهم هناك
Mhmd wrote: "طيب معلش ألاقيها فين في المعرض الأعداد القديمة"الأعداد القديمة والجديدة تلاقيها في اي توزيع تابع لمؤسسة الاهرام "وقت المعرض ممكن تلاقيها في جناح الكويت ومؤسسة الاهرام"
ملحوظة في فترة المعرض اعداد المجلة بتكون اكتر في جناح الاهرام وسعرها اقل علشان تكاليف الشحن الجوي بالنسبة لجناح الكويت بترفع السعر وتقلل الاعداد
وممكن طبعا تلاقي الاعداد القديمة في سور الازبكية في القاهرة او في شارع النبي دانيال في اسكندرية
Mina wrote: "شكراً جداً لكم على التوضيحأنا فعلاً عندي النسخ البي دي اف على الكمبيوتر بس فيه اعداد منهم كنت محتاجها ورقية فعلشان كده حبيت اسأل
والمعرض خلاص قرب .. ابقى ادور عليهم هناك"
لاشكر على واجب مينا
تحت امرك
في سور للكتب عند محطة مترو السيدة زينب هناك هتلاقوا برضو
Eng wrote: "في سور للكتب عند محطة مترو السيدة زينب هناك هتلاقوا برضو"في الباب اللي بيطلع على مستشفى أبو الريش ولا الباب التاني
أصل انا هناك على طول وماأخدتش بالي من الكتب ديه
على فكرة ياجماعة الا عداد الجديدة من عالم المعرفة بتاعت السنادى بتنزل بى دى اف على المنتدى ده (مكتبة الاسكندرية ) بس لازم تشترك فيه و تضيف رد علشان لينك الكتاب يظهر لك
شباب بدي اعرف عدد نوفمبر 2014عنوانه ايه ؟ و شكرا
Med wrote: "شباب بدي اعرف عدد نوفمبر 2014عنوانه ايه ؟ و شكرا"
عنوانه ياصديقى مشروع الديمقراطية للكاتب للكاتب ديفيد غريبر
عنوان شهر ديسمبر "هل يحتاج العلم الي لغة عالمية ؟ اللغه الانجليزية ومستقبل البحث العلمي.
شكرا لكلما ينزل شهر يناير
ارجو ان تعلق بعنوانه
و بارك الله فيك
Med wrote: "شكرا لكلما ينزل شهر يناير
ارجو ان تعلق بعنوانه
و بارك الله فيك"
عنوان شهر يناير هو انتقام الجغرافيا لروبرت كابلان
لقيت موقع اشتراكات الأهرام ممكن اللي يحب يشترك منه في عالم المعرفة من هنا وفي خدمة الدفع بالفيزا كمان
عنوان عدد مارس أمة من العباقرة كيف تفرض العلوم الهندية هيمنتها على العالم
Yasser wrote: "ما هو عدد شهر إبريل يا قوم"عدد شهر إبريل 2015 مـ من مجلة عالم المعرفة"423" بعنوان
المستقبل
(ستة محركات للتغيير العالمي)
الجزء الأول
تأليف آل جور
ومع العدد هدية مجموعة شعرية بعنوان (كأنه هو) نسخة مجانية من سلسلة توافذ المعرفة العدد الثامن
Yasser wrote: "جميل ألف شكر :)"عفواً أستاذ ياسر
:)
Med wrote: "و عدد مايو ؟؟"غالبــــــــــاً لم يصدر بعد
لكن أتوقع أن يكون الجزء الثاني من كتاب المستقبل لآل جور"بقية التفاصيل في التعليقات بالأعلى
Med wrote: "السلام عليكمعدد يونيو عنوانه ايه؟
و شكرا"
عنوان الكتاب الجديد فكرة حقوق الإنسان
السلام عليكمعدد يوليوز عنوانه ايه؟
و شكرا لكم
عدد يوليو الدراسات الثقافية مقدمة نقدية
تاليف سايمون ديورنغ
ترجمة ممدوح عمران
السلام عليكمو عدد شهر غشت عنوانه ايه؟
و شكرا لكم
اخر عدد صدر من عالم المعرفة بعنوان (القسطنطينية المدينة التى اشتهاها العالم )- تاليف فيليب مانسيل
محمد wrote: "اخر عدد صدر من عالم المعرفة بعنوان (القسطنطينية المدينة التى اشتهاها العالم )- تاليف فيليب مانسيل"الجزء الثانى من كتاب القسطنطينية
الجزء الاول لكتاب (القسطنطينية المدينة التى اشتهاها العالم )....فى اى شهر تم اصداره .. وهل هناك امكانيه عموما للحصول على الاصدرات السابقة؟؟؟؟
عمل استعراض للكتبالسلام عليكم ورحمة الله
أيها الأحبة الكرام
إذا كنت لديك كم كبير من الكتب التي قرأتها ويمكنك عمل استعراض لها
وخاصة الكتب القيمة ، التي تنادي بالحرية والعدالة والمساواة وحقوق الإنسان والكتب الإسلامية ذات الطرح الوسطي لكبار المثقفين
إليك فكرة قناتنا
...
عبر هذا الرابط
نريد منك العمل معنا بعمل إستعراض للكتب
إستعراض طوله مثلاً 10- 20 دقيقه تسجيل
مما يثري مواد القناة ويزيد المادة التي بها ويستفيد الكثير فنحن متابعينا ملايين
نرجوا مساعدتكم وجزاكم الله خير وهذا عمل من أجل خدمة البشرية
ويمكنك العمل وتحديد سعر تطلبه فقط اقرأ فكرة قناتنا وأرسل رسالة عبر وسائل التواصل
صدر عدد سبتمبر من عالم المعرفة بعنوان الطفولة فى التاريخ العالمى للمؤرخ بيتر ستيرنز
Amr wrote: "الجزء الاول لكتاب (القسطنطينية المدينة التى اشتهاها العالم )....فى اى شهر تم اصداره .. وهل هناك امكانيه عموما للحصول على الاصدرات السابقة؟؟؟؟"ياصديقى الجزء الاول صدر فى يوليو و الجزء الثانى صدر فى اغسطس
شكرا لك اخي محمدو عدد اكتوبر عنوانه ايه؟
و بارك الله فيك
Mod
و عدد اكتوبر عنوانه ايه؟
و بارك الله فيك"
عدد أكتوبر عنوانه :
عبر منظار اللغة: لم يبدو العالم مختلفا بلغات أخرى ؟
تأليف جاي دويتشر
وهي بتنزل يوم آيه في الشهر؟
وشكرا