ŷ������

“ليه نقعد فى مصر ؟

علشان هنا فيه حياة, فيه مجتمع مفنجل, فيه ديليفرى الساعة 4 الصبح , قهاوى على مدار الساعة , موبايلك فيه نمر بالعبيط لناس تفضفض معاهم وتحس انك انسان فيه حد مهتم بيك , العالم الغربى عالم وحيد بالنسبة لينا , كئيب حتى على ناسه اللى اتربوا فيه , عالم بينام بدرى وبيقفل زرار الياقة وخنيق , احنا عندنا مجتمع صوته عالى , وعشرى ودا مهم للنفسية فعلا .”
― عمرو سلامة, شاب كشك في رحلة البحث عن الجادون

“في حاجات لازم علشان نعرف درجة قوتها بنكسرها ... وحاجات في إيدينا علشان نعرف إننا عايزينها بنخسرها .”
― مصطفى إبراهيم

“و أنا شايف إن نصايح الناس خصوصاً المقربين ليك مش على طول مفيدة, لإن الناس بتنصحك عشان بتحبك, بيحاولوا يخلوك تتجنب الفشل, و الآلام المترتبة على هذا الفشل, و مش عارفين إن ده في معظم الوقت بيوديك للفشل بعينه بأسرع طريق... الخط المستقيم!”
― عمرو سلامة, شاب كشك في رحلة البحث عن الجادون

“وبلاش نعمل من الأراء مسلمات ، مش لمجرد إن الأغلبية ماشية ورا الرأي ده إنه قانون ، الأغلبية في وقت من الأوقات كانت موافقة إن الأرض مسطحة والأغلبية الألمانية كانت مقتنعة إن هتلر هو منقذ البشرية ، وأغبية المصريين أهلاوية!”
― عمرو سلامة, شاب كشك في رحلة البحث عن الجادون