ŷ������

قوم اتطمن على حدودك ... حدودك النفسية ضد مصامى الطاقة و العواطف ... احذر الاختراق بيعيوك بمشاكلهم بتنسى ذاتك :(
النفس الحقيقية وا لنفس المزيفة .... لا تخفى نفسك الحقيقية تدرييجا بسبب التعليم و التربية و تخلق نفس مزيفة بديلا عنها ...للخروج من ذلك لابد من علاقة تظهر خلالها نفسك الحقيقية بلا ادعاء تتوارى فيها النفس المزيفة ... بشرط الا تكون علاقة استحواذ طرف على طرف و انما علاقة متوازنة ...القرآن قديما نصحنا بتزكية و اظهار كل ما هو جيد فى نفسنا و عدم اخفاؤه و دسه ...قد افلح من زكاها و خاب من دساها

ليه دايما بنحب اللى بيعذبنا بل و بنكرر الموقف مرارا و تكرارا ...اسمه التكرار القهرى ..بيكون ظنا مننا اننا نقدر نعيد السيناريو ف نصلحه او ننتقم بتبادل الادوار .....و الحل ؟ منكونش مع نفس الشخص او شخص زيه اللى بيأذينا نفسيا و يخلينا نجى على روحنا و نضرها

تكرارا ل فصل "التكرار القهرى" ليه فى ناس بتحب تكرر علاقات فاشلة ....ماليفيسنت و قصة ساحرة شريرة بقت شريرة بعدما كانت طيبة و ازاى كررت مأساتها مع بنت طيبة بتعيد قصة حياتها فيها هى "التكرار القهرى"رغبة بالخروج ب نتيجة مختلفة ..علاج السيكودراما بيحصل لما المريض بيعيد تمثيل اللى حصل له بس المرة دى يكون احد الادوار المغايرة و يشوف ممثل شخصيته و هو بيعانى بداله و يحاول يساعده للخروج من الازمة فحين انه بيساعد نفسه

المواقف الغير منتهية ..كام مرة حد زعق لك هزقك او شخط فيك او صدمك عاطفيا و مقدرتش ترد و مشى و خلص الموقف بس منتهاش ...فضل يتكرر الرد بتاعك جواك ف حلقة مفرغة منتظر الخروج ... الحل واحد من 5 الرجوع بالزمن طبعا مستحيل - الاستمرار ف الحلقة المفرغة - مقابلةا لشخص و انهاء الموقف بقول كل ما كنت تريد قوله - او لو مش موجود تخيل وجوده ف وجود المعالج و فضفض و زعق - او تسامح و تغفر - او تسامح و تغفر و تحسن

احيانا بتلاقى نفسك بتؤدى شعور دخيل عليك .... اللى ادامك مصمم انك متعصب و انك لازم تهدا ف تتعصب فعلا ..جماعة من الناس بتعيط و تنوح ف بوجودك وسطهم علىا لرغم من عدم علاقتك بالموضوع بتلاقى نفسك بتحزن ..فيلم مثير لسه مخلصه البطل كان كاريزما كلامه بطىء مثلا بتلاقى نفسك لا اراديا بتقلده ف الكلام ..كل دا اسمه شعور دخيل تقمص اسقاطى بيحصل من اللى ادامك عليك بقصد او بدون قصد ..راقب مشاعرك و اعرف مين منها الاصلى و الدخيل

العلاقات الخطرة ..و منها علاقة الحبل السرى حد انت معتمد عليه او هو معتمد عليك تماما.. بتقوله انت كل حاجة ف حياتى ..غالبا لما الكل حاجة دا بيختفى الدنيا بتنهد و بتعيى كل الامراض النفسية..و منها كمان علاقة العمى ..علاقتك بحد مش لذاته و انما لانه شبه حبيب او حبيبة قديمة بتتخيل نفسك بتكلم الحبيبة القديمة فيها الطرف اللى ادامك بيرد بس انت مش سامعه انت فقط سامع الردود المسجلة ف ذاكرتك للحبيبة القديمة..فوق و فتح عينك ومخك

غير عالمك الخارجى المحيط بك هناك عالم داخلى فيه نسخ من كل الشخصيات التى تعرفها هذه الشخصيات تظل على اخر ابديت عملته لها ف مثلا صديق جمعك به موقف مؤسف من 10 سنين و خذلك هتفضل صورته فى عالمك الداخلى انه خاين و ندل..فى منا من عالمه الداخلى كله ملايكة و اخضر ف اخضر و فى منا من عالمه كله شياطين و اوغاد و اوباش و وحوش...و فى اللى عالمه وسط...الحل هو علاقة غير مشروطة حب او صداقة علاقة تعيد رسم شخصيات عالمك الداخلى

مرة اخرى تكرارا للفصل بتاع العالم الخارجى و العالم الداخلى و اللى فيه كل الشخصيات متخزنة من اخر ابديت ليها..فلان عمل معاك موقف ندل من سنين ف ثبتّه فى عالمك الداخلى على انه ندل ..هو كدا بدون ابديت مع انه يجوز اتغير للاحسنو يجوز فيره شايل له اخر ابديت حلو بينما الشخص فى الحقيقة اتغير و بقا زى النيلة ..بص دايما حواليك على اللى تعرفهم و اعمل لهم ابديت حديث ف عالمك الداخلى..فتح عينيك الى ما هو ابعد من الرؤية فقط


قصة فيلم مكتب التسوية ..حينما يقرر شخص ان يخرج عن سيناريو حياته المرسوم سلفا..مش مهم مرسوم بواسطة مين ولا مين اللى بيحاول يرجعك تانى ل سكة سيناريو حياتك ب الترهيب او الترغيب المهم ان فعلا فى كدا فى سيناريو و فى ناس بتحاول تخليك ماشى عليه.. السيناريو الغرض منه ملء فراغ التلهيل و التصفيق لينا...نفسنا نتشاف يتصقف لنا يقولو دا ناجح حتى لو ممل... اللى ممكن يغير قدرك هو الدعاء و اللى ممكن يغير سيناريو حياتك حب غير مشروط

يولد الطفل و هو بحاجة للاهتمام و الشوفان ان يكون الجميع مدرك بوجود و مهتم ...بابا بص عليا و انا قوى ايوه يا حبيبى انت قوى ماما بصى عليا و انا بفستان ايوه يا حبيبتى حلوة .. الطفل اللى مبيشبعش الحتة دى ممكن لما يكبر يعمل ما هو اكبر و اخطر فقط لجذب الانتباه او قد ييأس من جذب الانتباه فيتحول لمواطن منطوى خفى مبهم..و هذا كان سبب نجاح حملة كوكاكولا بتاعت الاسماء ع الكانز

الادمان مش شرط مخدر او مادة كيمياوية او جنس او عادة ما او حتى شخص ما .... الادمان بسبب حد من صغره ملقاش اللى يملى عليه حياته ف ملاها ب مادة الادمان دى ايا كانت ايه ...علاج الادمان ؟ علاقة يلاقى فيها المدمن الطرف التانى دا اغلب الوقت طرف ميوبخهوش يتقبله زى ما هو و يساعده الانتقال للاحسن ...طرف ف علاقة غير مشروطة عمال يكرر الجملة دى فى كل فصول الكتاب ...شخص تنشغل بيه عن مادة الادمان

ما نوع شخصيتك ..جانى ..ضحية ..منقذ ؟ احيانا لو ضحية للاسف بتحب تكمل كدا بتحب تسبغ صفة الجانى على اى حد قدامك بل و حتى بتحول المنقذ بعد شوية ل جانى يسىء معاملتك ..البنت اللى خطيبها المنقذ ينقذها من جحيم اسرتها و بعد شوية ترجع لهم عشان هو اللى بيضربها ... احيانا تكون الام فكرة نفسها المنقذ بينما هى الضحية ...باختصار حاول تعيش ولا اواحد من دول..اى علاقة تيجى عليك كانسان بطلها..ايوه بطلها و اعمل زيى :)

اياك و العلاقات الجزئية ...انك تشوف امك "مطبخ" و ابوك "خزنة فلوس" و حبيبتك "جسم" و صاحبك الانتيم "خزنة اسرار" لكل واحد من دول اجوانب اخرى اعرفها بموضوعية..ان تنمو بعد سن ال 6 اشهر بعلاقات جزئ��ة دا يعنى انك لا تنمو نفسيا..حاول تحب فى امك حاجات غير الاكل وبسو تحب فى مراتك حاجات بجانب الجسم و بس...حتى علاقتك بدينك متشفهوش جنة بس او نار بس لا هو جنة و نار فكر و كن موضوعى ذو علاقات كاملة و ليست جزئية

اقوى سلاح بنستخدمه ضد نفسنا و احيانا اللى قصادنا بيجيد استخدامه ضدنا هو ..شعورنا بالذنب..بسبب الضمير او الانا العليا... اغلط مش عيب كل البشر بتغلط .. بس العيب انك تستمر فى الندم على الغلط دا و عقد محاكمة دائمة لنفسك على الغلط دا و توقف حياتك و متخليهاش تكمل ...الله عز و جل و رسوله ف الايات و ف الاحاديث كرروا انك ممكن تغلط و تندم و تتوب و تبتدى من الاول فمتحرمش نفسك من حق الغلط و التوبة و لاا تستمر فى جلد الذات

الحد الادنى من الاحضان لضمان الصحة الجسدية والنفسية من 4-12 حضن فى اليوم محفز ل هرمون الراحة والاسترخاء ..بديل للرحم... فيتامنيات نفسية ..الشذوذ الجنسى او المخدرات او العمل فى الدعارة هى ببساطة تعبير عن واحد ملقاش حضن فى المكان الصح فبيدور عليه ف المكان الغلط

مفيش حاجة اسمها ثقة بالنفس الا ف قصص السوبر هيرو و افلام جيمس بوند..اسمها العلمى المظبوط استحاق النفس..يعنى نفسى تستحق الحاجة دى او لا جديرة بها او لا... لازم تفضل فاكر انك بشر مش اله ..و ان اعترافك بالخطأ صواب و ان اعترافك بالهزيمة نجاح وان قبولك الضعف فى حد ذاته قوة... خليك دايما متفائل وعندك امل و طول الوقت ثق بانك تستاهل "تستحق" فلو نجحت قول انا نجحت لانى ذاكرت ..استاهل اتعرف لانى تعبت ..استاهل اغتنى لانى اشتغلت