ŷ������

“الناس لاتبوح بأسرارها للأصدقاء وإنما للغرباء في القطارات أو المقاهي العابرة”
― بهاء طاهر

“لا مش انا اللي ابكي
ولا انا اللي احكي
ولا انا اللي اشكي
ولا حتى اللي اتفلق
انا اللي بضحك لغاية
ما بتخنق !!”
― وليد طاهر, حبة هوا...

“كل شئ كان عادي والمقابلة كانت عادية
عدى الوقت..
واكتشفت إن كل اللي فات هيبقى لحظات تاريخية!”
― وليد طاهر, حبة هوا...

“الليل هو الشاي
والنهار هو اللبن
حط ده على ده
وانت تدوق طعم الزمن”
― وليد طاهر, حبة هوا...

“في ناس دايما واحشاني معرفش مين هما”
― وليد طاهر, حبة هوا...

“بدون ما أعرف سبب واضح ...
عشان أزعل...
أنا زعلان !”
― مصطفى إبراهيم

“واللي إنكتب بالجاف مبيتمسحش خلاص
و الدُنيا مفيهاش حرف بينكتب برصاص !”
― مصطفى إبراهيم

“الجاي مِش أد اللي راح ؟
وللا إللي جاي أكتر ؟
الشاش على أد الجراح ؟
وللا الجِراح أكبر ؟”
― مصطفى إبراهيم

“يا ناس يا عبط يا عشمانين..
ف فرصه تانيه للقا..
بطلوا اوهام بقي..
وكفايه أحلام واسمعوا..
عيشوا بذمه و ودعوا..
كل حاجة بتعملوها..
وكل حد بتشوفوه..
وكل كلمه بتقولوها..
وكل لحن بتسمعوه..
عيشوا المشاهد... كل مشهد..
زي مايكون الأخير..
واشبعوا ساعة الوداع ��.
واحضنوا الحاجه بـضمير..
دا اللي فاضل مش كتير ��.
اللي فاضل..
مش كتير”
― مصطفى إبراهيم, ويسترن يونيون فرع الهرم: ديوان بالعامية المصرية

“الكوتشي اللي باش
م اللف ف شوارعك
يحرم عليه
يبوس ارض غيرك

والقلب القماش
اللي مكوي بعمايلك
لساه معبق
بريحة عبيرك

والواد اللي عاش
طول عمره يحايلك
ونفسه اسمه
ييجي في رسايلك

وتبعتيله تطمنيه
ان انتي عارفة
ان انتي ليه
وان انتي قايمة ونايمة بيه

وقت الشتا يتدفي بيكي
ووقت الخطر تتحامي فيه
وساعة اما بيقسي عليكي
وساعة اما بتدعي عليه
محدش فيكوا بيهنالوا بال

واول ما تصفي تفكي الريال
وتروحي تجيبيلوا كوتشي بدال
الكوتشي اللي باش”
― مصطفى إبراهيم

“مِين فينا عارفَك يارب ...
و مين فينا لأ ...
مين اللي فينا لو قال بَحِبَك .. قالها بحق ؟!!”
― مصطفى إبراهيم

“أنا جرح قديم...كان متغطي
إكمني مشتي ولابس كم
سبتني الدنيا بستين أم
وسبتلها ميت مله ودين”
― مصطفى إبراهيم

“والنتيجة كل مادا صورتى تتلخبط..
زيادة وأنسى أصل شكلى ايه وللا نفسى..
أشوفنى ليه حد زيى بعد فترة ازاى يصدق..
.. غير عينيه؟”
― مصطفى إبراهيم, ويسترن يونيون فرع الهرم: ديوان بالعامية المصرية

“ان كان ولابد تبيع نفسك بيع نفسك فرط..
لميت واحد قالك أحسنلك .. تتبعتر أحسن..
ما يلمك جيب واحد”
― مصطفى إبراهيم, ويسترن يونيون فرع الهرم: ديوان بالعامية المصرية

“بعد طرحك من الحساب
للعساكر والكلاب والارانب والفيران
والاجانب والغيلان والارايل والقرون
والمرايل والدقون
اللي فاضل يا افاضل
...هو دا تعداد وحصر
للعيال اللي جبتهم
في الحلال الست مصر”
― مصطفى إبراهيم

“أنا عايم على وش المية ..
وأنا سايب ايدى ورجليا ..
والموجة اللى تفوتنى بسيبها ..
وأتشعلق فى الموجة الجاية”
― مصطفى إبراهيم, ويسترن يونيون فرع الهرم: ديوان بالعامية المصرية

“يا أيُها العَبد الملول
ربَك طِلع مش زيِنا
و طِلع بيرضى مِننا
حتَّى بأنصاف الحِلول”
― مصطفى إبراهيم, ويسترن يونيون فرع الهرم: ديوان بالعامية المصرية

“عارفه إن أنا يوميا بكبر ؟
وبعجز اكمني مابنساش
أنا فاكر أيام بالميللي
أنا فاكر أيام بالتفصيل”
― مصطفى إبراهيم

“أنا مش فاكر ..
آخر مرة بكيت كات امتى ..
أنا مش فاكر .. آخر دمعة عليها القيمة ..
أنا مبقتش بصدق ولا مشهد فى الدنيا ..
أنا مبقتش بدمع .. غير وأنا جوة السـيما”
― مصطفى إبراهيم, ويسترن يونيون فرع الهرم: ديوان بالعامية المصرية

“بلالين عايشين نِفسها
تلقى حد يصدَّق و يقدرها
مُتأكِده مِن إنه عاوِزها
مِن غير ما يجرَب يخسرها”
― مصطفى إبراهيم, ويسترن يونيون فرع الهرم: ديوان بالعامية المصرية

“عشان فيكى منى فى طبع الجنان ..
عشان فيا منك فى طبع الحنان ..
عشان احنا نسخة ..
عشان احنا مُسخة ..
عشان فيه تشابه بشكل ابن وسخة ..
عشان فى ف دروبنا علامات كزالك ..
وعشان فيه ف دروبنا علامات كذلك ..
برغم ان مفهاش ولا درب سالك ..
وعشان احنا أصلًا سوا من زمان ..
بحبك ..
لذلك ..
وأكتر ..
كمان ..
عشان مش ضرورى ..
يكون فيه عشان”
― مصطفى إبراهيم, ويسترن يونيون فرع الهرم: ديوان بالعامية المصرية

“الحق أقول لكم:

لا حق لحى إن ضاعت

فى الأرض حقوق الأموات

لاحق لميت إن يهتك

عرض الكلمات

وإذا كان عذاب الموتى

أصبح سلعة

أو أحجبه أو أيقونه

أو إعلانا أو نيشانا

فعلى العصر اللعنة،

والطوفان قريب”
― نجيب سرور, بروتوكولات حكماء ريش

“أنا مش عارف

أنا باحب إيه فيكي

دفاكي ..

دفا قلبك .. ولاّ حضن إيديكي

ولاّ السفر المستحيل

ما بين بحور وشطوط ومداين جناين عنيكي

مش عارف”
― مجدي نجيب

“إسندي حلمك على إيدي
أرسمْ لِكْ فرْحي في وريدي
نتنسِّم كحمام الغيَّه
حبِّةْ حريّه
إسندي
إبعدي خوفك عن خوفي
طيّري حزنك ح تشوفي
الدنيا مش عاشقه غبيّه
حبّةْ حريّه
إبعدي
نمشي مسيره .. ومسيره ..
واحنا مالناش ولا سيره
غير كلمه نفرفشها وهيّا ..
بايته في الحزن أسيره
يا أميرة الضحكه والرقّه
يا أجمل من كل الألوان
يا أميره جِنّيني
ولاغيني
نفرح ونموت ملاغيّه
حبّةْ حريّه
إوعدي&�����ܴ�;
― مجدي نجيب

“ربطوا قلبه ف صواميل الخوف
ماعرفشِى يفلفص
من يومها شغال
فى وظيفة شروطها
إنّه يكون أخرس”
― مجدي نجيب, وش يشبه حزننا

“باحبك ف لون الضي
ف بكره المبتسِم والجاي
ف نظره خايفه وخايفه علي
ونا .. أنا .. ع الوعد متصاحب”
― مجدي نجيب

“يا قلبي يا مجنون .. جنون الشتا المهموم

إتمرجح على أدّك

شويّه في بحرك

حاول في مرّه تعوم”
― مجدي نجيب

“ع التخته
كتبوا التواريخ
ع التخته
مسحوا التواريخ
الدنيا تاريخ
والقلب تاريخ
والسنه كراريس مليانه تاريخ”
― مجدي نجيب

“وشوش .. تقابل وشوش
بيحكُوا ويّا بعض
وأي ابتسامه .. فوق حنك مغشوش
مش ممكن تعيش.”
― مجدي نجيب

“حكاية كل يوم
في الصبح .. نشرب قهوتنا
في الضهر .. نحلم فين بيتنا
في الليل .. نكرّر قصتنا
مَاهي قهوتنا .. بنشربها فْ بيتنا
زيّ صحابنا
زيّ القعده .. حوالين حواديتنا
زي الحزن اللي بيسرق منّا
أفراح غنوتنا
في الليل نكرر قصتنا
ما هو لا زم نكرر
ونكركر
ونموت .. م الضحك”
― مجدي نجيب