ŷ������

“لا مش انا اللي ابكي
ولا انا اللي احكي
ولا انا اللي اشكي
ولا حتى اللي اتفلق
انا اللي بضحك لغاية
ما بتخنق !!”
― وليد طاهر, حبة هوا...

“في ناس دايما واحشاني معرفش مين هما”
― وليد طاهر, حبة هوا...

“هو احنا مش من امبارح
بنقول نفسنا نبقى بكره؟
ادينا بقينا بكره وبعد بكره
ولسه احنا برضه..امبارح”
― وليد طاهر, حبة هوا...

“جوايا حد زعلان
من اني.... زعلان
من حد جوايا”
― وليد طاهر, حبة هوا...

“الليل هو الشاي
والنهار هو اللبن
حط ده على ده
وانت تدوق طعم الزمن”
― وليد طاهر, حبة هوا...

“كل شئ كان عادي والمقابلة كانت عادية
عدى الوقت..
واكتشفت إن كل اللي فات هيبقى لحظات تاريخية!”
― وليد طاهر, حبة هوا...

“بالحبر الإسود
إزاي أقدر
أرسم
وردة روز !!”
― وليد طاهر, حبة هوا...

“لو لم أكُن كده لوددت أن أكون مِش كده”
― وليد طاهر, حبة هوا...

“جريت أستخبي من قدري لقيت المخبأ ,,, هو قدري”
― وليد طاهر, حبة هوا...

“ليه العجلاتي قاعد كده
وعنده كل العجل ده
انا لو منه
كل يوم اهرب ومارجعش”
― وليد طاهر, حبة هوا...

“ما تبقاش حمار .. و تحوش الأفكار .. و خليك قنبلة دايماً .. ما تبطلش إنفجار”
― وليد طاهر, حبة هوا...

&�����ܴ�;غرقانين
وايه يعني نفضل غرقانين
حتى فرصه نعيض مع السمك..هاديين
بلا مشاكل
بلا خناقات
بلا بواخة بني ادمين”
― وليد طاهر, حبة هوا...

“العيون بيوت والبيوت أسرار ....!”
― وليد طاهر, حبة هوا...

“قال الحرامي النبيه
لأخيه ..
خير من أن تلعن الظلام
إسرق فيه !!”
― وليد طاهر, حبة هوا...

“قرقضت ضوافرى .. متوتر .. متعفرط ...الحياة عمالة تتركب .. تتعقد ...وانا كنت فاكرها هتبقى ابسط !!”
― وليد طاهر, حبة هوا...

“و النبي ياشتا
وحياة ولادك
البرد و الشبورة و الضباب
بلاش المرة دي لما تيجي
تيجي و تجيب لي
اكتئاب ..!”
― وليد طاهر, حبة هوا...

“حبه هوا
طيروا الورق كله
يلا مش مهم
هو ايه اللي كان في الورق
أحلي م الهوا”
― وليد طاهر, حبة هوا...

“ماشي ع البحر صافي
مدلدل كتافي
المية ساقعه والرمل دافي
أي..
دخل ف رجلي سؤال
آدي اخرة اللي يمشي حافي”
― وليد طاهر, حبة هوا...

“امبارح و أنا مروح .. ما دخلتش في شارعنا ..
و دخلت في شارع تاني .. تهت .. بس شفت ..
شجر تاني .. باب تاني .. كلب تاني ..
بكره و أنا مروح .. مش هروح .. و هأسيب نفسي
أتوه تاني !”
― وليد طاهر, حبة هوا...

“نعيش زي الفلاسفةتعساء
ونحاول نفهم الفولة؟ولا خلينا كده
بل��اء
سعداء بالدنيا المجهولة؟”
― وليد طاهر, حبة هوا...

“إيه قيمة أبقي حصان جميل بس مربوط
أو نسر عظيم محنط محطوط
لا يا عم خلينى زى ما أنا
قرد مجهول بس مبسوط”
― وليد طاهر, حبة هوا...

“لك حبي
وفقري و بهدلتي و أقساطي
وانحطاطي وإحباطي من مرتبي
اللي مش كافي و ذلي
ودلدله كتافي
...وعيني المكسوره أدام ولادي
من قصر الأيادي
وفؤادي&�����ܴ�;
― وليد طاهر, حبة هوا...

“طول مالنهار فارغ الليل هيِملاه”
― وليد طاهر, حبة هوا...

“ياملاك .. انت عندك جناحين
وانا عندي ايدين
انت بتعرف تطير
اما انا
هاعرف منين !”
― وليد طاهر, حبة هوا...

“ملك, سلطان, رئيس, مدير, ناظر .. مش فارقة كتير أهي كلها أسامي وكلهم مناظر”
― وليد طاهر, حبة هوا...

“مسكت خيط الزمن إتلخبطت معرفتش ده إمبارح واللا المستخبي واللا ده .... دلوقتِ !”
― وليد طاهر, حبة هوا...

“مسيري اصحي ف يوم وأقتل التلاجة والبوتوجاز والسخان
والشفاط والمكوة واللمبة والحيطان و..والغسالة و..التليفون والتليفزيون والشاحن.. والسلم والستارة والمراية والكنبة و.. الساعة.. وأهرب أنا والبلكونة!”
― وليد طاهر, حبة هوا...

“أوضة ساكتة
فيها مجنون ساكت
عمال يحاول من سنة
إنه يفضل متزن
فى الوضع الثابت !!”
― وليد طاهر, حبة هوا...

“و زي ما نمنا زي ما صحينا جرادل طحينة واقعة علي جرادل طحينة
كلنا واقعين من بعض .... علي بعضينا !”
― وليد طاهر, حبة هوا...

“آديني اهو
وآدي قلبي و روحي وإيدي ومناخيري
وعيني
يلا بقي
يلا حبيني”
― وليد طاهر, حبة هوا...