Å·±¦ÓéÀÖ

“Tumhare bina zindagi"

Main tumhare sath hamesha hoon, bas ye baat samajh lo
Meri mohabbat sacchi hai, is ko apna yaqeen maan lo

Tumhare bina zindagi, bas ek khaali kitaab hai
Meri har saans tumhare naam, is ko apna khwab maan lo

Ye jo shak ke saaye hain, inhein tum door kar do
Meri wafa ko samjho, meri jaan, is ko apna haq maan lo

Main jo toota hoon, ye tumhare gham mein hai
Meri mohabbat ki shiddat, is ko apni aas maan lo

Tum se bicharna, ye mera naseeb nahi ho sakta
Meri jaan, mere dil ki baat sun lo, mujhe apna naseeb maan lo

Jo dard tumhare dil mein hai, wo mere dil mein hai
Meri mohabbat ki gawahi, is ko apna sukoon maan lo

Main tumhara tha, tumhara hoon, aur tumhara rahoonga
Meri jaan, is haqeeqat ko apne dil mein amanat maan lo

Ab jo dil mein basa hai, wahi rahega hamesha
Mere ishq ki shiddat, is ko apni jaan ka hissa maan lo

Shaista, meri pyari Shaista, bas itni si guzarish hai
Meri jaan, mujhe apna samajh lo, aur kabhi chhod ke mat jao”
― Janid Kashmiri

“Dua"

Yeh jo rahein tumne li hain
Hum duago hain yeh sab hamwaar hon

Khawab jo tumne sanware the dil mein
Woh haqeeqat ki soorat namoodar hon

Har qadam par mile tumko kamiyabi
Zindagi mein khushi ke hazaron bahar hon

Har museebat se tumko bachaye Khuda
Saya-e-Rehmat tum pe hamesha barqarar hon

Aaney walay dino mein ho roshan safar
Tumhare liye khushi ke ambaar hon

Yeh jo ilm ka khazana tumne paya hai
Iski roshni tumhare gird hisaar ho

Tum jahan bhi jao, roshni ho har qadam
Andheron se tumhara koi wasita na ho

Mohabbat ki khushboo tumhare sang chale
Har dil mein tumhare liye pyar ho

Gham ke saaye kabhi tum par na aayein
Tumhari zindagi hamesha khushgawar ho

Humari duaein hain, har pal tumhare saath
Tumhari har dua bhi qubool o aashkaar ho”
― Janid Kashmiri

“Sab Khafa haiâ€�

Zindagi ke mod pe aisa aa poncha hun
Mohabbat bhi naraaz, dost bhi khafa hai
Ghar ke log bhi mujh se door ho gaye hai
Aur khwabon ki duniya bhi veeran pari hai

Dil ki har dhadkan mein dard ka shor hai
Har saans mein bechaini ka dor hai
Taleem ki rahein bhi ajnabi ho gayi
Har rasta jaise andheron mein gum hai

Mohabbat ke chiragh bujhne ko hai
Doston ki baatein ab bojh ban gayi hai
Ghar ka sukoon bhi kahin kho sa gaya
Zindagi ki ronaqein jaise chhup si gayi hai

Ansuon ki qatar, ghamon ki bahar hai
Har khwab adhura, har khwahish beqarar hai
Mohabbat ka rang, ab dhundhla sa para hai
Aur dil ki har umeed, bujh si gayi hai

Zindagi ke is safar mein tanha sa hun
Jahan koi bhi saathi nahin mera
Mohabbat ho, dosti ho, ya taleem ka rasta
Sab kuch ab bikra, sab kuch hai veeran

Phir bhi yeh dil kehta hai, umeed rakhoon
Andheron ke baad roshni zaroor aaye gi
Khwab phir se sajain ge, dil phir se chamke ga
Zindagi ke is safar mein ek naya sooraj ubhrey ga”
― Janid Kashmiri

“MEIN PIS CHUKA HUN

Duniya ki iss reet se,
Rishton ki iss preet se,
Mooh se, man meet se,
Mein pis chuka hun.

Jhuti muskurahat mein,
Dil ki her chaahat mein,
Dard ki is parwaahat mein,
Mein pis chuka hun.

Mitti se bane wajood mein,
Sapnon ke thake usool mein,
Aansu ki har boond mein,
Mein pis chuka hun.

Guzar gayi jo rahein thi,
Khwabon ki jo baahein thi,
Khoye hue fasane ki raahein thi,
Mein pis chuka hun.

Duniya ke rangon se door hoon,
Apne hi rang mein choor hoon,
Bas khamoshi mein purzor hoon,
Mein pis chuka hun.

Khatam hui umeedon ki baat,
Rishton ka har pyaala saath,
Dil ke har zakhm ki baat,
Mein pis chuka hun.

Mujhe yun hi rehne do ab,
Apni tanhaayi mein jeene do ab,
Is fasane se rukhsat lene do ab,
Kyunki, mein pis chuka hun.”
― Janid Kashmiri

“MAR MAR KE JE RAHA HUN

Je je ke mar raha hun,
Mar mar ke je raha hun,
Dil ka haal ye hai, bas
Jise zehar pi raha hun.

Khud se hi bair hai ab,
Duniya se kya gila hai,
Jashn-e-gham manata
Aansu mein pi raha hun.

Uljhnein meri saheli,
Aansu mere saathi hai,
Pal pal bikhar ke janid,
Apni zindagi ji raha hun.”
― Janid Kashmiri

“GUZAR TA NAHI YE SHAAM-E-GHAM

Guzar ta nahi ye shaam-e-gham
Zindagi ke dukhon ka hai peham sitam

Qadam qadam par thakan ka pehra
Himaton ke chiragh bhi ho gaye madhham

Musaafir hoon raahon ka jin ko khabar
Manzilon ka saraab hai, dil ka maatam

Khawab jo bune the, reza reza huye
Haath khaali rahe, na raha koi dum

Sawaal ye hai, aye falak-e-jafa
Kitna aur sehna hai, bata ye sanam

Guzar jaye ye shaam-e-gham kisi tarah
Warna raah mein bikhar jayein hum”
― Janid Kashmiri