Sign in with Facebook
ياسمين ثابت's Reviews > هكذا تكلم زرادشت
هكذا تكلم زرادشت
by
بسم الله الرحمن الرحيم
اول حاجة عاوزة اقولها اني حاسة اني حاموت من السعادة اني خلصت الكتاب ده....اول مرة اسعد اني خلصت من كتاب بالشكل ده والله فرحة اللي طلع من سجن
الجملة دي بتعبر تماما عن شعوري تجاه زرادشت
تاني حاجة انا كنت بدأت الاول بترجمة الحج علي مصباح وفوجئت ان اول 30 صفحة من الكتاب نوع من انواع الردح للمترجم اللي قبليه اللي هو فليكيس فارس وكم غريب من الغل والحقد الدفين في مقدمة الكتاب تجاه المترجم ده بالذات وبعدين لط المترجمين العرب كلهم في الشتيمة....استغربت جدا وبامانة تقززت من علي مصباح....لما بدأت الكتاب لقيت ترجمة مصباح سيئة جدا فاستغربت اوي.....وبعدين اصدقائي في الجودريدز ربنا يكرمهم نصحوني بترجمة فيلكس...فتحتها وقرات المقدمة وقرات اول جزء من الكتاب وعجبتني الترجمة جدا....وعجبني شخص المترجم واحترامه واسلوبه.....قلت يمكن عشان كدة الحج مصباح مفروس منه مش عارفة....بس بجد ما كنش في داعي للنفسنة دي الللي خليتني انفر من الكتاب واقرا نسخة فيليكس اللي شتم فيها
دلوقتي باحمد ربنا الف مرة عشان قرات نسخة فيليكس
تالت حاجة اللي بيحب الكتاب ده او بيحب الحج نيتشه او الحج زرادشت فياريت مايقراش الريفيو عشان مايزعلش من كلامي او يتضايق مني لاني حابهدل كل واحد فيهم دلوقتي بعد الفاصل ه
رابع حاجة احب انوه ان الكتاب ده اول كتاب اقراه في حياتي واحس انه لا يصلح للقراءة...امال يصلح لايه؟ معرفش بس المهم انه لا يصلح للقراءة
نبدأ الريفيو واعتذر عن لهجتي الساخرة عشان مرارتي بس:
انا قريت لفلاسفه وحكماء كتير وقليل ماشوفتش خيبة الحج زرادشت وردت على حد...ماتفتكرش يا قارئ الريفيو ان موقفي من الكتاب له علاقة بالحاد الكاتب او الحج زرادشت...ابسلوتلي....موضوع إلحاده ده اقل حاجة في الكتاب ده....واقل حاجة ممكن الواحد يبصلها في ظل العته المغولي اللي استمر على مدار 320 صفحة
اول حاجة زارادشت قال ان الاله مات وقابل قاتله وشوية حاجات فوق بعضها عديها ياعم دخلها من الودن دي وطلعها من الودن التانية.....المهم بقى انه في اجزاء كتيرة جدااااااا من الكتاب عمال يدعو لمحبة الجميع...الجميع بلا استناء ونظام حبوا بعض عشان تعيشوا طيب حلو اوي....وحتى بيتكلم في فصل على مجرم او قاتل وبيدعو الناس لفهمه وحبه وقال ان ممكن مايكونش جواه وحش وممكن يكون مش قاصد وبتاع...وقعد يشكر فيه ويشتم في اللي حكموا عليه بالموت طيب مااااااشي
بعد كدة تلاقي بقى الكلام التاني شتيمة في اي حد بيعبد ربنا او بيدعو للفضيلة او للصلاة او للعبادة باي شكل من الاشكال اكتر من مئة صفحة لعن وشتم فيهم ودعوة لابادتهم وكرههم ومقاطعتهم وطلع كل العبر اللي فيهم وبص يعني انسى بقى دول خلاص ميتين ميتين....ياحج زرادشت مش لسة قايل خلينا في الحب ونفهم الناس ونحاول مانحكمش عليهم ولا على اللي بيعملوه لاننا مانعرفش جواهم ايه؟ لا بس الحج زرادشت عارف اللي جوة المتدينين دول دونا عن الناس كلها وبيدعو لابادة الفئة دي بالذات.
المهم ان زرادشت قتل الاله وانكره وسخر منه واحتقر كل الانبياء والرسل و و و طبعا كلنا عارفين انه بيتكلم عن نسخة مشوة من الدين كانت موجودة في الغرب وقتها توقف عقله عندها وماحاولش يدور اصلا وكرس كل حياته للسخرية منها ورفضها عاش ومات مفروس. المهم انه لكرهه الشديد في الاديان والالهة واللي بيعبدوها..حول نفسه انه اصبح هو الاله وهو الرسول في ذات الوقت ايوالله...وحول فكره انه اصبح هو الدين ولعن كل من يسخر من فكره وكل من يكفر به وكل من لا يفهمه....في فصول كاملة معمولة عن السخرية من اي حد مش عاجبه كلامه...واصبح يحول هو الناس الى مؤمنين وكفرة....مؤمنين بفكره ودول ناس عاقلة وراسية وماشاء الله عليهم مثقفين ومخهم كبير...وطبعا اي حد بيقول على كلامه ايه الهطل الازلي ده اصبح كافر وستحل عليه لعنة شنب الحج زرادشت.... "وهل لي ان انال من الدهر شيئا لم يستقر في نفسي من قبل؟" نرجسية مفرطه
طبعا ازدراء غير طبيعي للنساء ودورهم في المجتمع باستثناء جملة اتجوز اللي بحبها....
موضوع القرد اللي جوانا وبتاع...طب يا حج زرادشت انا ذنب اهلي ايه تطلع قردك عليا في الكتاب؟؟
وبعدين يجي واحد يقولي دي رواية فلسفية....اولا دي مش رواية...دي مجرد مونولوجهات بين الحج زرادشت ونفسه....ثانيا انا قريت 321 صفحة اني الاقي ايتها فلسفة؟!
مفيش اي نوع من انواع الفلسفة ولا الحكمة في اي حرف من الكتب.....مجرد عجوز خرف فاكر نفسه عشان كبر بقى عارف كل حاجة في الدنيا....هو حتى قال بنفسه في الكتاب اللي مانقدرش نعرفه جوة ذهن الانسان نخترعه....ببساطة هو مش عارف حاجة فقعد يخترع....وياريته اخترع
مفيش ولا حرف مكتوب في الكتب ماحسيتش اني قريته قبل كدة....المضمون والافكار واحدة كلها ومأخوذة من كلام ناس قبله....كل ما في الامر ان نفس الافكار دي هو اعاد صياغتها بلغة تانية وطريقة تانية....في افكار هي هي وفي افكار فيها قلب للحقائق وتلاعب بالالفاظ غير طبيعي
كلام معروف ومكرر بس بشكل لفظي مختلف مثل ( ان من يقدر على ارهاق الناس بظلمه فعليه ان يتحمل هو الظلم ايضا,افعل لاخيك ماتحب لنفسك وهكذا) مثله كمثل الذي راي حروف لم يفهمها فاخترع لنفسه ابجدية باشكال مختلفة وقال بها نفس الكلام! زي وصفه للحب كمان في فصل الطفل والزواج مكرر اوي � كل ما يقوله محاكاة للحكمة وليس فيه من الحكمة من شئ نسخ وتقليد للحكمة ليس اكثر
لو انت عاوز تفهم يعني اي تلاعب باللفظ فالكتاب ده خير وسيلة لفهم الموضوع ده....قد ايه حد ممكن تكون لغته جميلة ممكن يأثر على فكر ناس....وتصبح كلمته نوع من انواع السرطان
فعلا اكتشفت ان السرطان مش عضوي بس في سرطان فكري بفكرة قذرة تكبر وتنمو ويطلعلها تبعات اقذر وتطلع في الاخر عقل مثل عقل زرادشت....اللي ادى بافكاره اللي تبناها واحد زي هتلر بموت الملايين....لانه مؤمن بالعنصرية وسيطرة الاقوى وسحق الضعيف
انا حتى لما قريت لهتلر لقيت ان عنده مخ شوية وفكر عن المخفي ده
بعد ان يمر نصف الكتاب ستجد كم كبير جدا من الحقد والغل والعنصرية والتفاهة مطرطشة في وشك....وتكتشف ان مكونات الحج زرادشت عبارة عن نقص زائد نرجسية زائد خرف زائد لغة حلوة طلعلك الكائن ده يجي يقولك انت متخلف وانا فاهم اكتر منك وتعالى اسمع مني الحكمة
ويجي حد تاني يقولي الرواية دي رمزية وماتاخديهاش حرفيا....حابصله بنفس النظرة اللي بنبصها لشخص وقف عند ورقة فيها تفة وقال عليها لوحة فيها فن مبدع!..مانا باكتب الريفيو ده بعد ماعرفت كدة حضرتك...مفيش اي رمزية في الكتاب ولا في اي فكر ولا في اي استفادة مجرد كتاب وسخت بيه فكري لمدة اربع ايام وحاعمل مابوسعي عشان انضف اللي لحق بعقلي منه في اسرع وقت
وقال ايه الانسان لابد من تجاوزه....لاجديدة دي...جبت التايهة حضرتك
والله هطلك هو اللي لابد من تجاوزه.....المفروض الكتاب ده يتسمى كيف استهبل عليا زرادشت...
يطلب من الناس انهم ما يحكموش على حد ويدي لنفسه الحق انه يعرف الانسان الراقي من المتخلف...طب ماهو اي حد متخلف حيفتكر نفسه راقي...حضرتك اعتبرت نفسك راقي على اي اساس؟
""لا اقيم وزنا لرجالكم الصالحين واتمنى لهم جنونا يوردهم الردى,"" لكن لا باس ان تقيم وزنا للمجرمين والمحتالين امثالك
طبعا فصل العفة بيشتم فيها في كل اللي بيهتم بالعفة وبيؤمن بيها....بعده بحبة صفحات فصل الشهوة بيشتم فيها برضه سبحان الله في اي حد شهوته مفيهاش عفة...طب قولي انت عايز ايه وانا اريحك. متناقض جدا في كلامه كل فصل عكس التاني وتحس انه مش عارف هو عايز ايه بامانة هو حتى مش فاهم هو بيقول ايه........وماحدش يقولي انتي مافهمتيش الحج زرادشت...فرضا انا مافهمتوش فده لغباوته ووشه العكر مش لعلة في عقلي والحمد لله
---------
السؤال من هو زرادشت؟ عجوز خرف يتحدث عن الماضي وكأنه فهم الحياة, كأعمى يتغزل في وصف الألوان!
من هو نيتشه؟ واحد بيطبله
السؤال اللي بيدور جوايا
ازاي الناس حبت الكتاب ده؟ بجد مش عارفة ومهما قالوا مش حاقدر افهم ازاي لقوا حكمة في كلام راجل زي ده
اعتقد انه كتاب ممكن يتاخد منه كوتس مش اكتر لكلام احنا عارفينه قبل كدة لكن الكتاب نفسه سطحي جدا ومفيهوش اي فلسفة
السؤال االاهم ليه ممكن واحد يقرا الكتاب ده؟
عشان لو حد قالك انت غبي وسطحي وتافه...اديله الكتاب وقوله اقرا الكتاب ده واعرف يعني ايه كلمة غباء وسطحية وتفاهة....هو مش حيرجع يعتذرلك لانه مش حيخلص الكتاب وحينتحر قبل ما يكمله!
طب النجمة دي ليه؟ النجمة دي عشان كلام المترجم المحترم فيليكس وهوامشه اللي كانت بتلحق القارئ قبل ما يتف على اللي بيقراه وتفهمه هو ليه بيقول كدة وايه الظروف اللي ادت الى تشكيل فكره بالطريقة دي
مرة اخيرة اعتذر وبشده لكل حد عجبه الكتاب او متبنى فكر اي واحد من الاتنين....واكرر انا لا اقصد اي اهانة لاحد بس انا مش قاعدة مستحملة اربع ايام في سجن الكتاب ده عشان اطلع في الاخر واكتب ريفيو عادي يعني...لازم اطلع كل اللي جوايا
عينة من العته المغولي:
والسلام عليكم ورحمة الله وبركاته
by
بسم الله الرحمن الرحيم
اول حاجة عاوزة اقولها اني حاسة اني حاموت من السعادة اني خلصت الكتاب ده....اول مرة اسعد اني خلصت من كتاب بالشكل ده والله فرحة اللي طلع من سجن
الجملة دي بتعبر تماما عن شعوري تجاه زرادشت
تاني حاجة انا كنت بدأت الاول بترجمة الحج علي مصباح وفوجئت ان اول 30 صفحة من الكتاب نوع من انواع الردح للمترجم اللي قبليه اللي هو فليكيس فارس وكم غريب من الغل والحقد الدفين في مقدمة الكتاب تجاه المترجم ده بالذات وبعدين لط المترجمين العرب كلهم في الشتيمة....استغربت جدا وبامانة تقززت من علي مصباح....لما بدأت الكتاب لقيت ترجمة مصباح سيئة جدا فاستغربت اوي.....وبعدين اصدقائي في الجودريدز ربنا يكرمهم نصحوني بترجمة فيلكس...فتحتها وقرات المقدمة وقرات اول جزء من الكتاب وعجبتني الترجمة جدا....وعجبني شخص المترجم واحترامه واسلوبه.....قلت يمكن عشان كدة الحج مصباح مفروس منه مش عارفة....بس بجد ما كنش في داعي للنفسنة دي الللي خليتني انفر من الكتاب واقرا نسخة فيليكس اللي شتم فيها
دلوقتي باحمد ربنا الف مرة عشان قرات نسخة فيليكس
تالت حاجة اللي بيحب الكتاب ده او بيحب الحج نيتشه او الحج زرادشت فياريت مايقراش الريفيو عشان مايزعلش من كلامي او يتضايق مني لاني حابهدل كل واحد فيهم دلوقتي بعد الفاصل ه
رابع حاجة احب انوه ان الكتاب ده اول كتاب اقراه في حياتي واحس انه لا يصلح للقراءة...امال يصلح لايه؟ معرفش بس المهم انه لا يصلح للقراءة
نبدأ الريفيو واعتذر عن لهجتي الساخرة عشان مرارتي بس:
انا قريت لفلاسفه وحكماء كتير وقليل ماشوفتش خيبة الحج زرادشت وردت على حد...ماتفتكرش يا قارئ الريفيو ان موقفي من الكتاب له علاقة بالحاد الكاتب او الحج زرادشت...ابسلوتلي....موضوع إلحاده ده اقل حاجة في الكتاب ده....واقل حاجة ممكن الواحد يبصلها في ظل العته المغولي اللي استمر على مدار 320 صفحة
اول حاجة زارادشت قال ان الاله مات وقابل قاتله وشوية حاجات فوق بعضها عديها ياعم دخلها من الودن دي وطلعها من الودن التانية.....المهم بقى انه في اجزاء كتيرة جدااااااا من الكتاب عمال يدعو لمحبة الجميع...الجميع بلا استناء ونظام حبوا بعض عشان تعيشوا طيب حلو اوي....وحتى بيتكلم في فصل على مجرم او قاتل وبيدعو الناس لفهمه وحبه وقال ان ممكن مايكونش جواه وحش وممكن يكون مش قاصد وبتاع...وقعد يشكر فيه ويشتم في اللي حكموا عليه بالموت طيب مااااااشي
بعد كدة تلاقي بقى الكلام التاني شتيمة في اي حد بيعبد ربنا او بيدعو للفضيلة او للصلاة او للعبادة باي شكل من الاشكال اكتر من مئة صفحة لعن وشتم فيهم ودعوة لابادتهم وكرههم ومقاطعتهم وطلع كل العبر اللي فيهم وبص يعني انسى بقى دول خلاص ميتين ميتين....ياحج زرادشت مش لسة قايل خلينا في الحب ونفهم الناس ونحاول مانحكمش عليهم ولا على اللي بيعملوه لاننا مانعرفش جواهم ايه؟ لا بس الحج زرادشت عارف اللي جوة المتدينين دول دونا عن الناس كلها وبيدعو لابادة الفئة دي بالذات.
المهم ان زرادشت قتل الاله وانكره وسخر منه واحتقر كل الانبياء والرسل و و و طبعا كلنا عارفين انه بيتكلم عن نسخة مشوة من الدين كانت موجودة في الغرب وقتها توقف عقله عندها وماحاولش يدور اصلا وكرس كل حياته للسخرية منها ورفضها عاش ومات مفروس. المهم انه لكرهه الشديد في الاديان والالهة واللي بيعبدوها..حول نفسه انه اصبح هو الاله وهو الرسول في ذات الوقت ايوالله...وحول فكره انه اصبح هو الدين ولعن كل من يسخر من فكره وكل من يكفر به وكل من لا يفهمه....في فصول كاملة معمولة عن السخرية من اي حد مش عاجبه كلامه...واصبح يحول هو الناس الى مؤمنين وكفرة....مؤمنين بفكره ودول ناس عاقلة وراسية وماشاء الله عليهم مثقفين ومخهم كبير...وطبعا اي حد بيقول على كلامه ايه الهطل الازلي ده اصبح كافر وستحل عليه لعنة شنب الحج زرادشت.... "وهل لي ان انال من الدهر شيئا لم يستقر في نفسي من قبل؟" نرجسية مفرطه
طبعا ازدراء غير طبيعي للنساء ودورهم في المجتمع باستثناء جملة اتجوز اللي بحبها....
موضوع القرد اللي جوانا وبتاع...طب يا حج زرادشت انا ذنب اهلي ايه تطلع قردك عليا في الكتاب؟؟
وبعدين يجي واحد يقولي دي رواية فلسفية....اولا دي مش رواية...دي مجرد مونولوجهات بين الحج زرادشت ونفسه....ثانيا انا قريت 321 صفحة اني الاقي ايتها فلسفة؟!
مفيش اي نوع من انواع الفلسفة ولا الحكمة في اي حرف من الكتب.....مجرد عجوز خرف فاكر نفسه عشان كبر بقى عارف كل حاجة في الدنيا....هو حتى قال بنفسه في الكتاب اللي مانقدرش نعرفه جوة ذهن الانسان نخترعه....ببساطة هو مش عارف حاجة فقعد يخترع....وياريته اخترع
مفيش ولا حرف مكتوب في الكتب ماحسيتش اني قريته قبل كدة....المضمون والافكار واحدة كلها ومأخوذة من كلام ناس قبله....كل ما في الامر ان نفس الافكار دي هو اعاد صياغتها بلغة تانية وطريقة تانية....في افكار هي هي وفي افكار فيها قلب للحقائق وتلاعب بالالفاظ غير طبيعي
كلام معروف ومكرر بس بشكل لفظي مختلف مثل ( ان من يقدر على ارهاق الناس بظلمه فعليه ان يتحمل هو الظلم ايضا,افعل لاخيك ماتحب لنفسك وهكذا) مثله كمثل الذي راي حروف لم يفهمها فاخترع لنفسه ابجدية باشكال مختلفة وقال بها نفس الكلام! زي وصفه للحب كمان في فصل الطفل والزواج مكرر اوي � كل ما يقوله محاكاة للحكمة وليس فيه من الحكمة من شئ نسخ وتقليد للحكمة ليس اكثر
لو انت عاوز تفهم يعني اي تلاعب باللفظ فالكتاب ده خير وسيلة لفهم الموضوع ده....قد ايه حد ممكن تكون لغته جميلة ممكن يأثر على فكر ناس....وتصبح كلمته نوع من انواع السرطان
فعلا اكتشفت ان السرطان مش عضوي بس في سرطان فكري بفكرة قذرة تكبر وتنمو ويطلعلها تبعات اقذر وتطلع في الاخر عقل مثل عقل زرادشت....اللي ادى بافكاره اللي تبناها واحد زي هتلر بموت الملايين....لانه مؤمن بالعنصرية وسيطرة الاقوى وسحق الضعيف
انا حتى لما قريت لهتلر لقيت ان عنده مخ شوية وفكر عن المخفي ده
بعد ان يمر نصف الكتاب ستجد كم كبير جدا من الحقد والغل والعنصرية والتفاهة مطرطشة في وشك....وتكتشف ان مكونات الحج زرادشت عبارة عن نقص زائد نرجسية زائد خرف زائد لغة حلوة طلعلك الكائن ده يجي يقولك انت متخلف وانا فاهم اكتر منك وتعالى اسمع مني الحكمة
ويجي حد تاني يقولي الرواية دي رمزية وماتاخديهاش حرفيا....حابصله بنفس النظرة اللي بنبصها لشخص وقف عند ورقة فيها تفة وقال عليها لوحة فيها فن مبدع!..مانا باكتب الريفيو ده بعد ماعرفت كدة حضرتك...مفيش اي رمزية في الكتاب ولا في اي فكر ولا في اي استفادة مجرد كتاب وسخت بيه فكري لمدة اربع ايام وحاعمل مابوسعي عشان انضف اللي لحق بعقلي منه في اسرع وقت
وقال ايه الانسان لابد من تجاوزه....لاجديدة دي...جبت التايهة حضرتك
والله هطلك هو اللي لابد من تجاوزه.....المفروض الكتاب ده يتسمى كيف استهبل عليا زرادشت...
يطلب من الناس انهم ما يحكموش على حد ويدي لنفسه الحق انه يعرف الانسان الراقي من المتخلف...طب ماهو اي حد متخلف حيفتكر نفسه راقي...حضرتك اعتبرت نفسك راقي على اي اساس؟
""لا اقيم وزنا لرجالكم الصالحين واتمنى لهم جنونا يوردهم الردى,"" لكن لا باس ان تقيم وزنا للمجرمين والمحتالين امثالك
طبعا فصل العفة بيشتم فيها في كل اللي بيهتم بالعفة وبيؤمن بيها....بعده بحبة صفحات فصل الشهوة بيشتم فيها برضه سبحان الله في اي حد شهوته مفيهاش عفة...طب قولي انت عايز ايه وانا اريحك. متناقض جدا في كلامه كل فصل عكس التاني وتحس انه مش عارف هو عايز ايه بامانة هو حتى مش فاهم هو بيقول ايه........وماحدش يقولي انتي مافهمتيش الحج زرادشت...فرضا انا مافهمتوش فده لغباوته ووشه العكر مش لعلة في عقلي والحمد لله
---------
السؤال من هو زرادشت؟ عجوز خرف يتحدث عن الماضي وكأنه فهم الحياة, كأعمى يتغزل في وصف الألوان!
من هو نيتشه؟ واحد بيطبله
السؤال اللي بيدور جوايا
ازاي الناس حبت الكتاب ده؟ بجد مش عارفة ومهما قالوا مش حاقدر افهم ازاي لقوا حكمة في كلام راجل زي ده
اعتقد انه كتاب ممكن يتاخد منه كوتس مش اكتر لكلام احنا عارفينه قبل كدة لكن الكتاب نفسه سطحي جدا ومفيهوش اي فلسفة
السؤال االاهم ليه ممكن واحد يقرا الكتاب ده؟
عشان لو حد قالك انت غبي وسطحي وتافه...اديله الكتاب وقوله اقرا الكتاب ده واعرف يعني ايه كلمة غباء وسطحية وتفاهة....هو مش حيرجع يعتذرلك لانه مش حيخلص الكتاب وحينتحر قبل ما يكمله!
طب النجمة دي ليه؟ النجمة دي عشان كلام المترجم المحترم فيليكس وهوامشه اللي كانت بتلحق القارئ قبل ما يتف على اللي بيقراه وتفهمه هو ليه بيقول كدة وايه الظروف اللي ادت الى تشكيل فكره بالطريقة دي
مرة اخيرة اعتذر وبشده لكل حد عجبه الكتاب او متبنى فكر اي واحد من الاتنين....واكرر انا لا اقصد اي اهانة لاحد بس انا مش قاعدة مستحملة اربع ايام في سجن الكتاب ده عشان اطلع في الاخر واكتب ريفيو عادي يعني...لازم اطلع كل اللي جوايا
عينة من العته المغولي:
والسلام عليكم ورحمة الله وبركاته
Sign into ŷ to see if any of your friends have read
هكذا تكلم زرادشت.
Sign In »
Reading Progress
August 15, 2014
–
15.29%
"اول تلاتين صفحة ردح من المؤلف علي مصباح
للمؤلفين اللي قبليه ولكل المترجمين :D
باينه مرار طافح
شكلي داخلة على الكتاب الاخضر"
page
50
للمؤلفين اللي قبليه ولكل المترجمين :D
باينه مرار طافح
شكلي داخلة على الكتاب الاخضر"
August 15, 2014
–
15.29%
"اول تلاتين صفحة ردح من المترجم علي مصباح
للمترجمين اللي قبليه ولكل المترجمين :D
باينه مرار طافح
شكلي داخلة على الكتاب الاخضر"
page
50
للمترجمين اللي قبليه ولكل المترجمين :D
باينه مرار طافح
شكلي داخلة على الكتاب الاخضر"
August 16, 2014
–
Started Reading
August 16, 2014
– Shelved
August 20, 2014
–
Finished Reading
Comments Showing 1-50 of 73 (73 new)
انا مقرأتش الكتابلكن يا ياسمين ضحكتنى جدا فى الريفيو
ده انتى لو شوفتى
نيتشه ولا حد من ريحته هتديه بالجزمة :)))
Mahrous wrote: "غضبك الشديد من الكتاب خلاني عايز أقراه :)"
انا مش غضبانة خالص بالعكس انا غضبانة من الوقت اللي ضاع
لكن الكتاب نفسه موتني من الضحك :)
واشفق عليك حقا انك حتقراه وباحمد ربنا اني خلصته
Amr wrote: "انا مقرأتش الكتابلكن يا ياسمين ضحكتنى جدا فى الريفيو
ده انتى لو شوفتى
نيتشه ولا حد من ريحته هتديه بالجزمة :)))"
هههههههه اه والله يا عمرو ده مش ممكن ابدا بجد انا مش عارفة ازاي ربنا ادالي الصبر اخلصه
ههههههه نيتشه "تهزب" يارجالة .يعطيك الصحة يا ياسمين ..مع انع انحب الحاج نيتشه لكن كلامك ضحكني .
الحمد الله ع السلامة .
انت عارفة ان سلفادور دالي لما قرأ الكتاب هذا قال :
" هناك اختلاف وحيد بينى و بين المجنون..أنى لست مجنون."
Tariq wrote: "ههههههه نيتشه "تهزب" يارجالة .يعطيك الصحة يا ياسمين ..مع انع انحب الحاج نيتشه لكن كلامك ضحكني .
الحمد الله ع السلامة .
انت عارفة ان سلفادور دالي لما قرأ الكتاب هذا قال :
" هناك اختلاف وحيد بين..."
ههههههه الله يخليك ليا طارق تعليقك سكر
فعلا جملة سلفادور في مكانها
بقالي شوية حلوين باضحك عالريفيو :D ليه عالفيسبوك معجبين كتير مطلعين عيني :)))
Ibrahim wrote: ":D نيتشه لو كان موجود كان عمل بلاغ للنائب العام ضد صاحبة الريفيو :D"حياتي حتبقى رهن للقضاء الشامخ بتاعنا
يا بلاك داي :D
Yousra wrote: "بقالي شوية حلوين باضحك عالريفيو :D ليه عالفيسبوك معجبين كتير مطلعين عيني :)))"
الله يفرح قلبك وتضحكي دايما يا حبيبتي
الحمد لله اني مش متابعة الفيس والا كان زماني اتشليت :D
في كتاب لكاتب أردني ساخر اسمو "هكذا تكلم هردبشت" اسم أفضل لهذا الزرادشت :Dريفيو رائع وعسل كالعادة يا ياسمين :)
الكتاب هأقرأه للتعرف علي فكره بغض النظر أتفق معاه أو اختلفكتب الفلسفة كلها تقرأ بالأسلوب ده
وأكتب أنا أتفق معه ايه أو أختلف مع إيه في الريفيو
و ليه
لكن مش معني إني مش متفق معاه إن الكتاب لا يصلح للقراءة
Ishraq wrote: "في كتاب لكاتب أردني ساخر اسمو "هكذا تكلم هردبشت" اسم أفضل لهذا الزرادشت :Dريفيو رائع وعسل كالعادة يا ياسمين :)"
هههههه جامدة دي
تسلميلي يا عسل والله
Amir wrote: "الكتاب هأقرأه للتعرف علي فكره بغض النظر أتفق معاه أو اختلفكتب الفلسفة كلها تقرأ بالأسلوب ده
وأكتب أنا أتفق معه ايه أو أختلف مع إيه في الريفيو
و ليه
لكن مش معني إني مش متفق معاه إن الكتاب لا..."
صدقني انا عارفة ده كويس يا امير
وعارفة يعني ايه كتاب فلسفي وقرات كتب فلسفية كتير جدا وفي منها كتير ما اتفقش معاه بس عجبتني
وعارفة يعني ايه اقرا حتى لو مش باتفق مع اللي مكتوب
بس ده اولا مش كتاب
ثانيا مش فلسفي
وثالثا هو فعلا لا يصلح للقراءة
مش اي تخلف عقلي نقول عليه فلسفة ومش اي هبل يتكتب نقول عليه فكر
لازم يكون عندنا عقل شوية في القراية وننتقي
صدقني لو قريت حتفهم قصدي يا امير
موضوع فلسفي و لا ده موضوع منتهي فهو مش آراءنا اللي هتحدده لو رواية أو كتاب أدبي كنت مش هاقرأه و أوفر وقتي
و مش هأتفاجئ إن أفكاره سيئة
Amir wrote: "موضوع فلسفي و لا ده موضوع منتهي فهو مش آراءنا اللي هتحدده لو رواية أو كتاب أدبي كنت مش هاقرأه و أوفر وقتي
و مش هأتفاجئ إن أفكاره سيئة"
وليه اراءنا اللي ماتحددوش مش فاهمة قصدك يا امير؟! هو مين اصلا اللي يحدد غير القارئ!
ومش قارئ عادي قارئ قرا الفلسفة وعارف يعني ايه فلسفة
ده مفروض يتصنف على انه كتاب ساخر
ومش فاهمة الناس ليه مصنفاه على انه كتاب فلسفي لانه فعلا مفيهوش فلسفة
انا قراته وعارفة انا باقول ايه
ومش حامشي ورا اي حد انا اللي بقرا وانا اللي باحدد رايي في اللي باقراه مش بناءا على راي حد
وبعدين انت متعصب ليه يا راجل ده حتة كتاب زبالة ايه مزعلك في كدة؟
الحكاية مش في ان افكاره سيئة على فكرة
الحكاية انه مفيهوش فكر اصلا :D
والله انت لو قريته حتموت من الضحك
ياسمين wrote: "Amir wrote: "موضوع فلسفي و لا ده موضوع منتهي فهو مش آراءنا اللي هتحدده لو رواية أو كتاب أدبي كنت مش هاقرأه و أوفر وقتي
و مش هأتفاجئ إن أفكاره سيئة"
وليه اراءنا اللي ماتحددوش مش فاهمة قصدك يا..."
موضوع انه مش كتاب فلسفي
عشان أوضح وجهة نظري دي :
حاجة شبه إني أقول علي شاعر معين مثلا انه مش شاعر عشان أفكاره ضد مبادئنا
فكرة انه مش شاعر هتفضل وجهة نظري انا عنه جوه ذهني
لكن ده مش هيغيره هو أو هيغير تصنيفه في كتب التاريخ و الأدب
و بجد أنا مش متعصب أو حاجة .. بالعكس النقط اللي اعترضتي عليها أنا لو مكانك هأعترض عليها برضه
و مش بدافع عن نيتشه أو كتابه اطلاقا
دي آخر حاجة تخطر علي بالي من خلال ممعلوماتي القليلة عنه
انا اعتراضي علي نقطة اننا ما نقرأهوش بس
ده رأيي
Amir wrote: "ياسمين wrote: "Amir wrote: "موضوع فلسفي و لا ده موضوع منتهي فهو مش آراءنا اللي هتحدده لو رواية أو كتاب أدبي كنت مش هاقرأه و أوفر وقتي
و مش هأتفاجئ إن أفكاره سيئة"
وليه اراءنا اللي ماتحددوش م..."
لا ابدا انا مش باعترض على الكتاب عشان هو ضد مبادئ
بالعكس انا ذكرت ده في الريفيو واضح انك محتاج تقرا الريفيو تاني
انا اعترضت على الكتاب لانه مش كتاب ده اولا
ثانيا مفيهوش اي فكر
ثالثا الكلام اللي مكتوب يضحك
وبعدين طلعلي جملة ماتقرهوش في الريفيو؟!
انا كاتبة اني لما قريته حسيت انه لا يصلح للقراية ده رايي انا اكيد مش حامسك واحد واحد من ايده واقوله لو شوفتك بتقرا الكتاب حاموتك :D
ياسمين wrote: "Amir wrote: "ياسمين wrote: "Amir wrote: "موضوع فلسفي و لا ده موضوع منتهي فهو مش آراءنا اللي هتحدده لو رواية أو كتاب أدبي كنت مش هاقرأه و أوفر وقتي
و مش هأتفاجئ إن أفكاره سيئة"
وليه اراءنا ال..."
عادي يعني في الكومنت اللي قبله كتبتها باسلوبك لا يصلح للقراءة
و كتبت إن أفكاره سيئة
و آسف إني اعتبر ردك مثال علي التلاعب بالالفاظ :D
ههههه لا لا خالص واللهحتى لو قلت في الريفيو بتاعي صراحة ماحدش يقراه تفتكر حانفذ الموضوع ده ازاي
حاعمل على الكتاب عمل مثلا يصيب اي حد يقراه :D
بالعكس ده انا كاتبة في اخر الريفيو ان قراءته فيها فايدة وهي عقاب شخص انت متضايق منه ممكن تنصحه يقراه :D
:D :Dسعيد بالنقاش معاكي :)))
Amir wrote: "بالمناسبة قرأتي فلاسفة في حسائي
كان ساخر جدا :D"
هذا كتـاب لا يناسب ذوى ضغط الدم المرتفع ، ولا مرضى المرارة ، ولا الذين لا يعنيهم فهم الحياى بل الحياة نفسها !
هو مكتوب كدة وانا منهم للاسف ه
بس شكله كتاب لذيذ فعلا انا نزلته وحابدأ فيه قريب
تسلملي على الترشيح يا امير :3
بتعرفي شو.... اكتر شي انبسطت عليه بالريفيو انو هديتو لواحد من أشد المعجبين فيه "وبمطرقتو" الفلسفية.....^_^أذكر أنه وجه اهانة لكل من قرأ له، فهو حينما نقل عن النصوص الانجيلية، نقلها بشكلٍ محرف ليثبت أن كلامه صحيح....
لقدكذب بكل بسااااطة.... ليثبت انه محق.... اما شو فيلسوف.... وبالشامي العين تطرقو.... ^_^
ريفيو ممميز تشكري عليه
M.Samer.Helo wrote: "بتعرفي شو.... اكتر شي انبسطت عليه بالريفيو انو هديتو لواحد من أشد المعجبين فيه "وبمطرقتو" الفلسفية.....^_^أذكر أنه وجه اهانة لكل من قرأ له، فهو حينما نقل عن النصوص الانجيلية، نقلها بشكلٍ محرف لي..."
فعلا عندك حق سامر
تسلملي على تعليقك الحلو :)
تسلم خفة دمك ياسمين :) وأضحك الله سنك يا حلوه لكن بالطبع فلسفة نيتشه أكبر من مجرد كتاب واحد (؛
قلت لكِ مسبقاً أني قرأتها بترجمة فيلكس لكن بعض أصحابي نصحوني بترجمة مصباح والملاحظة التي ذكرتها هي حقاً ما كانت تثنيني عن قراءته فأي كتاب يبدي المترجم يذم في من ترجمه قبله هو كفيل بأعطاء صورة سلبية تنفر القارئ
Farah wrote: "ريفيو رائع جدًا :)"الله يخليكي ليا حبيبتي
Fatema wrote: "تسلم خفة دمك ياسمين :) وأضحك الله سنك يا حلوه لكن بالطبع فلسفة نيتشه أكبر من مجرد كتاب واحد (؛
قلت لكِ مسبقاً أني قرأتها بترجمة فيلكس لكن بعض أصحابي نصحوني بترجمة مصباح والملاحظة التي ذكرتها هي حق..."
ايوة فعلا ياحبيبتي ده نفرني وكمان قريت ترجمته وحسيت انها كمان سيئة مش بس الكلام اللي قاله
فرق شاسع بينها وبين ترجمة فيلكس
تسلميلي على تعليقك العسل :-*
مسكين نيتشه! لو قرا الريفيو ده كان احترم نفسه ومكتبشي الكتاب ده أصلا!
عارف wrote: "مسكين نيتشه! لو قرا الريفيو ده كان احترم نفسه ومكتبشي الكتاب ده أصلا!"لااااااااا كويس انه كتبه
عشان لما اخلف ان شاء الله حامسك الولا واقوله لو ماشربتش اللبن وماسمعتش الكلام حتبقى زي عمو نتيشه :D
ههههههده عقاب بشع يليق بالأساطير! بس فعلا شخصية مسكينة تثير الرثاء والشفقة.. تخيلي قزم بيناطح السحاب.. المشكلة إن نيتشه كان مريض جسديا ومعتل، ومع هذا كان بينادي بنظرية الإنسان السوبرمان.. يعني ده من ضمن التناقضات اللي في شخصيته وكتاباته.. اقري فلاسفة في حسائي.. حتلاقي حبة حلوين عنه.. ودمتى مبدعة
عارف wrote: "ههههههده عقاب بشع يليق بالأساطير! بس فعلا شخصية مسكينة تثير الرثاء والشفقة.. تخيلي قزم بيناطح السحاب.. المشكلة إن نيتشه كان مريض جسديا ومعتل، ومع هذا كان بينادي بنظرية الإنسان السوبرمان...."
الصديق امير لسة مقترح نفس الكتاب ليا
واضح انه كتاب حلو :)
تسلم
هي رواية قصيرة لأحمد خالد بتتكلم عن الفلسفة بشكل روائي مختزل.. ممكن تخلصيها في قعدة واحدة..لو عاوزة تجربة أوسع في الفلسفة بشكل روائي برضه يبقي عالم صوفي.. لكن لو كتب أكاديمية فطبعا من أبرز النوعية دي قصة الفلسفة لوول ديورانت
عارف wrote: "هي رواية قصيرة لأحمد خالد بتتكلم عن الفلسفة بشكل روائي مختزل.. ممكن تخلصيها في قعدة واحدة..لو عاوزة تجربة أوسع في الفلسفة بشكل روائي برضه يبقي عالم صوفي.. لكن لو كتب أكاديمية فطبعا من أبرز النوعية..."انا قريت عالم صوفي وباعتبرها من افضل الكتب اللي قراتها في حياتي :)
هاقرأ الريفيو ان شاء الله بعد ما اشحن اللاب x'D قبل أن ينقطع التيار الكهربائى :)
ه يارب ماتشتمنيش بعد ماتقريه
انا عاوز اعرف الريفيو أخدت منك كأم من الوقت مكنة قراءة و مكنة كتابة ياياسمين
الله يخليك ليا بجداخد مني حوالي نصف ساعة وانا باكتبه
بس انا كنت باسجل ملاحظات وانا باقرا عشان ما انساش
تسلملي على تشجيعك ليا :3
أولا أنا باحييكى على الرفيو الرائع أنا صحيح لم أنتهى منه .. لكن بالغرم من ذلكـ المضمون والرسالة وصلت
ثانيا أنا راجعت معظم الريفيوهات إنى ألاقى حد يتكلم عن سوء منطق نيتشه أو عن إلحاده أو عن السوبر مان اللى مبطلش كلام عنه أبدا
للعلم أنا قرأت بس الجزء الأول منه وكنت محتار بصراحة إزاى كتاب زي دا فى ناس خبطاه الـ خمس نجوم والـ 3 نجوم وهو ما يستحقش غير شبشب زنوبة :D
ثانيا أنا راجعت معظم الريفيوهات إنى ألاقى حد يتكلم عن سوء منطق نيتشه أو عن إلحاده أو عن السوبر مان اللى مبطلش كلام عنه أبدا
للعلم أنا قرأت بس الجزء الأول منه وكنت محتار بصراحة إزاى كتاب زي دا فى ناس خبطاه الـ خمس نجوم والـ 3 نجوم وهو ما يستحقش غير شبشب زنوبة :D
Hazem wrote: "أولا أنا باحييكى على الرفيو الرائع أنا صحيح لم أنتهى منه .. لكن بالغرم من ذلكـ المضمون والرسالة وصلت ثانيا أنا راجعت معظم الريفيوهات إنى ألاقى حد يتكلم عن سوء منطق نيتشه أو عن إلحاده أو عن السوبر ..."
ه ايون بالضبط شبشب زنوبة
تسلملي يا حازم كلك ذوق
ياسمين wrote: "Hazem wrote: "أولا أنا باحييكى على الرفيو الرائع أنا صحيح لم أنتهى منه .. لكن بالغرم من ذلكـ المضمون والرسالة وصلت
ثانيا أنا راجعت معظم الريفيوهات إنى ألاقى حد يتكلم عن سوء منطق نيتشه أو عن إلحاده..."
دى أقل حاجه يمكن يرتجع عن اللى ف دماغه :D
ثانيا أنا راجعت معظم الريفيوهات إنى ألاقى حد يتكلم عن سوء منطق نيتشه أو عن إلحاده..."
دى أقل حاجه يمكن يرتجع عن اللى ف دماغه :D
تم تأجيل قراءة هذا الكتاب للعام المقبل عشان المرارة شكرا انقذتيني :)
ههه اه والله انا مرارتي عانت منهتسلميلي حبيبتي اية
:)