Sign in with Facebook
BookHunter M ُH َM َD's Reviews > المانيفستو
المانيفستو
by
بناء على نصيحة قرأتها فى الجريدة و كانت نصيحة من مهندس زميل أثق فى رأيه جدا قال فيها ان من لم يقرأ المانيفستو لم يقرأ شعرا بعد و بالفعل قرأتها و أتوجه بخالص الشكر لصاحب النصيحة المهندس نجيب ساويرس :)
الديوان أغلبه موجود بصوت مصطفى إبراهيم نفسه على ساوند كلاود
حاجه عظيمة بجد
كله حلو بس ده من قصيدة تفرانيل
by
بناء على نصيحة قرأتها فى الجريدة و كانت نصيحة من مهندس زميل أثق فى رأيه جدا قال فيها ان من لم يقرأ المانيفستو لم يقرأ شعرا بعد و بالفعل قرأتها و أتوجه بخالص الشكر لصاحب النصيحة المهندس نجيب ساويرس :)
الديوان أغلبه موجود بصوت مصطفى إبراهيم نفسه على ساوند كلاود
حاجه عظيمة بجد
كله حلو بس ده من قصيدة تفرانيل
انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكون
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساا
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتا
ف كل خريف
Sign into ŷ to see if any of your friends have read
المانيفستو.
Sign In »
Reading Progress
Started Reading
December 18, 2014
–
Finished Reading
February 24, 2015
– Shelved
Comments Showing 1-9 of 9 (9 new)
date
newest »
newest »
message 1:
by
zahra
(new)
-
rated it 3 stars
Dec 20, 2017 01:54AM
حملت الكتاب من شهر تقريبا بس القراءة راحت للعام القادم ان شالله
reply
|
flag
zahra wrote: "حملت الكتاب من شهر تقريبا بس القراءة راحت للعام القادم ان شالله"لو عندك وقت اسمعيه على ساوند كلاود هيعيشك في أجواء ثورة 25 يناير و كمان هيسهل اللهجة العامية المصرية
حسمعه ان شالله شكرا^^
حمد الله على السلامة ..مش عارفة بصراحة أنا كنت بعمل ايه على جود ريدز قبل مااستمتع ريفيوهاتك انت ونيرة ..
اختيار عظيم لأجمل قصايد المانيفستو وان كان مصطفى ماكتبش حاجة وحشة :)
Fatma wrote: "حمد الله على السلامة ..مش عارفة بصراحة أنا كنت بعمل ايه على جود ريدز قبل مااستمتع ريفيوهاتك انت ونيرة ..
اختيار عظيم لأجمل قصايد المانيفستو وان كان مصطفى ماكتبش حاجة وحشة :)"
ربنا يخليكي و يفرح قلبك 💚
و أشارك الرأي بخصوص نيرة و ريفيوهاتها الجميلة
مصطفى شعره جميل و بيفكرنا بالثورة و حماسه و أملنا فيها و بحب قوي أسمعها بصوته
Rahma.Mrk wrote: "جميلة قصيدة"جميل يا رحمه إنها تعجبك رغم إنها بالعامية المصرية 💚
