ŷ������

لمُحبّي الروايات التّاريخية:
رواية جميلة .. ورائعة .. وبسيطة .. بتفكّرني بروايات الدّراسة " وآه إسلاماه , طموح جارية " بصراحة هي رواية حَقيقة بأنّها تُدَرّس .. " كَم معلومات .. والتّاريخ فيها دقيق ومن غير تزييف .. (y)
رواية :
لمّت فترة " نهاية العصر المملوكي وإيه إللي أدّى لسقوطها " بشكل بديع .. ومن غير إسهاب أو حَشو يُؤدّي إلى ملل .. أو تلخيص يؤدي إلى خلل ..
أسلوب سعيد العريان : بسيط جدًااا فيها ... وسلس ... وفيه وَداعة .. "
ولكن إللي معجبنيش .. كان بيكّرر فقرات .. في كذا موضع , كمان كثرة الأسماء في الرّواية .. لازم يكون معاك زي قلم أو هاي ليتر .. حُط علامة ع الاسم عشان تعرف هو مين .. وإيه وظيفته .. عشان متّهش .. (y)
أنا مش عارفة ليه يا جدعان .. الروايات دي مبتخدش حقّها ,, ع عكس روايات تانية والله ما فيها أي إفادة .. " للأسف هي النّاس النظيفة كده ملهاش نصيب " ..
أعجبتني مُقدمة " طه حسين " للرواية .. بصراحة .. كيّفتني .. (y) وعلى غير العادة .. حاجة لطه حسين تكيّفني .. " مبحبّش أسلوبه, تحس إن أسلوبه فيه رخامة :D
ولكن أنا محتاجة حد يكون قارئ في التاريخ كويّس جدًاا .. محتاجة أستفسر عن حاجات كتير .. ليه كميّة الدم دي والقتل , في تاريخنا .. " ولا هي سياسة " طاب إيه المُبرر ..!!.. الخيانة , والظُّلم .. !! اضّطهاد الشّعب .. ولا ده شيء
أساسي لأي حاكم .. !! ولا مينفعش تبقى حاكم لو معملتش كده ..!!
محتاجة .. كتاب تاريخي ثقة ودقيق , بيحكي عن الفترة دي بالتّفصيل وياريت بالتّحليل و الشّرح والتّوضيح ..
#رواية_تاريخية , جديرة بالقراءة