ŷ������

“لي�� هناك كتابا أقرأه و لا أستفيد منه شيئا جديدا ، فحتى الكتاب التافه أستفيد من قراءته ، أني تعلمت شيئا جديدا هو ما هي التفاهة ؟ و كيف يكتب الكتاب التافهون ؟ و فيم يفكرون ؟��
~ عباس محمود العقاد

" نظرية المؤامرة لذيذة و تروق للجميع لأنها تعطيك على الفور انطباعاً بأنك أذكى من الآخرين و أنك تعرف خفايا الأمور ... ��
~ أحمد خالد توفيق

الكتاب اللي فات أكتر كتاب اتضايقت و أنا بقرأه و كنت محمل بطاقة و وجهة نظر سلبية حاولت قدر الإمكان إني أتجنبها و أنا بقرأ الكتاب دا و لكن الكتاب دا أتاني بالقاضية ! و لن أكتمها في نفسي هذه المرة .

أولا :
أيه علاقة الكلام دا بالأدب و الرواية ؟! كيف طاوعت نفس الكاتب و الناشر و كل من مر عليه الكتاب و قرأه كتابته انه رواية ؟ مجموعة معلومات عشوائية مجمعة لمحبي نظريات المؤامرة و من لا يبحثون في العلوم و الدين بشكل ساذج و سخيف مكتوبة بشكل تقريري ركيك لا علاقة له بالأدب و لا حتى بالمقال بأي صلة ! لو كان نشرها علي أساس أنها خواطره أو مقالات مجمعة أو أي شيء آخر لكنت قبلت بها علي مضض . ليه الأستخفاف بالعقول و كتابة إنها رواية ؟ و هي أبعد ما يكون عنها ؟! هل المادة و النشر و الرغبة بالربح السهل تفعل كل ذلك ؟!

ثانيا :
هل الكاتب يجهل و لا يعرف الDeep Wed ? ماعلاقتها بما اقترف إثم كتابته هنا ! و نسبه لها ؟

ثالثا :
أقحم الكاتب نفسه في مناقشات علمية لا قبل له بها و لا خبرة له بيها سوى قراءات بسيطة أستطاع أن ينقل منها المعلومات المستخدمة هنا و لم يورد مصادره و لا حتي من أين أقتبس تلك المعلومات ! هل هي مجرد تجميع لكلام متناثر هنا و هناك علي المنتديات العربية الرخيصة و كلام ويكيبيديا ؟! أم أنها مصادر موثقة علميا و مصادر ثقات أستطيع أن أعتمد أنا أيضا عليها و أنقل منها حين يرغب في البحث أي شخص آخر ؟

رابعا :
لو أن الكاتب صاحب وجهة نظر محترمة و شروحات و علم تضيق به صفحات الكتب , ليه ما يعملش فيديوهات علي اليوتيوب ينقل فيها الكلام دا و يعرض وجهة نظرة فى أمور علمية ذكرها في الكتاب هنا يصعب أن تشرحها للناس ! أم أن للكلمة المطبوعة سطوة علي الناس و مصدقة أكثر من الفيديو �� و خصوصا لو كتب عليها أنها رواية انظر للمكسب المادي أيضا - اللي هيسمح للناس أنها تناقش الكاتب و تحاججه و تبرهن خطأه في العديد من الأمور اللي هو معتقدها زي مثلا تعليق واحد من الناس هنا أن " صفحه 45 و46 ازاى فى مكه فى اول سنه فى الاسلام وكان فيه اذان والمعروف ان الاذان اتعرف وابتدا يتنادى بيه فى المدينه على حد علمى? " و إن " عبد الله بن أبى بن سلول كبير المنافقين كان من الخزرج اى من اهل المدينة مش من مكة خالص كما ذكرت الرواية " مابالك بقي بالأمور العلمية المعقدة المذكورة هنا !


الكتاب الآن شايفه مناسب لمراهق ف الإعدادي هيروح يناقش الكلام دا مع أصحابه ف الفسحة و بعد الدرس عشان يبهرهم بمعلوماته و لا يهم من توافق و من تخالف و ما موقف العقل منها و موقف العلم بالفعل منها !
الرجل شكك في كل مصادر العلم و مالم يستطع أن يجد له حل أحاله إلي نظرية المؤامرة و إلي تخبط العلم و العلماء و عدم دقتهم و أعتمادهم على خيالهم الموجهه .

اللي حملني علي أستكمال الكتاب أني بحاول أكون متقبل للرأي الآخر و أن ادع له الفرصة حتي النهاية حتي و لو كان اللي بيقوله هراء و لكن لو شخص آخر عاقل كان ترك الكتاب من أول صفحات , الكتابة فعل صعب جدا تماما كسهولتها و لكن نشوة الكتابة أو الشهرة تجعل ناس كتير تكتب و هي لا تعي هل هي بتضيف جديد و ما يستحق أم لا و هل الكتب دي تستحق أن توجد في رف واحد مجاورة للكتب المستحقة للقراءة أم لا .

الكتاب سيء جدا و لن أنصح به أحد و لم أستمتع به مطلقا و أي أن علي الكاتب أن يغير من المنطقة اللي بيكتبها فيها دي أو يشوف ناس بتعرف تكتب فيها بشكل محترم زي دان براون و يتعلم منه ازاي يوظف مالديه من معلومات بشكل أدبي مقبول إذا أراد أن يستمر في الكتابة و نشر نظريات المؤامرة

الغلاف منتهى السوء و الدمامة ! أراد أن يكون ممثل لكلامه في الكتاب فكان كالمسخ المقزز المنفر تماما كمحتوي الكتاب , لا أدري كيف أنه يوجد ناس معجبين بهذا الهراء و يرونه إبداع !

و بالتأكيد أنا غاضب بع ما انهيت الكتاب فوقتي أولي بها ما يستحق أن يقرأ من كتابات الكبار كنجيب محفوظ و غيره يجب أن تراعي أنك تقضي وقت من حياتك لا بأس به في قراءة كتاب غير صغير و يكون سيء بالتأكيد سيكون رد فعلك غاضب و ساخط علي من كتب هذا الكلام و لكن بالتأكيد و على رأي العقاد أنا استفدت من ذلك بشكل أو بآخر فأسمحوا لي أن أفرغ غضبي هنا


و ده رأيي عن عوالم الكتاب كتب كرد فعل أولي بعد قراءة كل عالم دون تعديل :

العالم الأول : كتابة عن عالم الدعارة يعرفها كل من شاهد فيلم Taken لا إبداع فيها مجرد نقل الكلام بأسلوب ركيك لا علاقة له بالأدب و لا بالرواية

العالم الثاني : الشيطان يعظ ! مخلي الشيطان شخصيا ( مكيوي ) يتحدث عن اساليب الإعلام في السيطرة النفسية ع المشاهدين و شوية كلام كتير عن ١١ سبتمبر و بن لادن و غيرها تمام تمام كمل اهري كمان !

و بعدين قالك حقوق النشر للفن ماتزيدش عن ٣ شهور علي لسان أحد الشخصيات عشان مايبقاش احتكار ! اهو الرواية شخصيا نزلت ع النت بعد اقل من شهرين من صدورها ! حسن بإيه بقا ؟ و حس بإن حقوق نشره مااتهدرتش ؟

العالم الثالث : جايب علماء و فلاسفه عشان يقول افكارهم بشكل سطحي مبسط للأطفال و في الآخر طبعا عمل تطويع لنصوص القرآن لشرح خلق الكون ، ايه اللي يخليني أقبل فكرة زي دي من نجيب محفوظ في ( أمام العرش ) و يخليني هنا كده انظرلها النظرة الطفوليه دي ؟ بالتأكيد الأسلوب أو التناول و الشكل الدرامي الموظفه فيه ، يمكن الحجة اللي جابها مقبولة نوعا ما و لكن التوظيف بتاعها في سياق الرواية جعلها غير مستساغة بالنسبة لي ، يمكن لو كان عملها في شكل مقالات لكنت استسغتها اكتر و عرفت اتناقش بشكل علمي فيها لكن هنا في شكلها الروائي الأمر صعب .

العالم الرابع :
يتناول عالم بابلو اسكوبار ف الوقت دا يكون شخص مجازف و خصوصا مع الانتشار للمسلسل اللي بيحكي سيرته ( Narcos ) و الإقبال عليه و غيرها من الأعمال المتناوله الشخصية دي فده كله يعتبر من غير الحكمة تناولها ف حاجه درامية في الوقت الحالي عشان الناس ع طول هتقارنها بما تراه ، بالطبع اضافة هنا مؤامرة كالعادة حتي تتفرد قليلا ، انا ما شوفتش المسلسل حتى الآن عشان أقارن بس القصة مكتوبه بشكل غير منطقي - يمكن الحته اللي عجبتني فيها حته المشروب - التأثر بأحمد خالد توفيق واضح جدا في اسلوب الكتابه ، الرؤية السينمائيه للأحداث جعلتها ساذجه بعض الشئ ، الحوار مبتذل مقنع للأطفال يصعب أن يكون مقنع لأحد آخر ، و بعدين اجتماع عالم الجريمة دا فكرني بأفلام فؤاد المهندس مستر إكس

العالم الخامس :
رجع تاني لحته نشأة الكون تمام و مخلي واحد يعدل علي ستيفين هوكينج و مخليه مش عارف الفرق مابين النظرية و الفرض ، تمام تمام
و اتمني انه لما بينطق العلماء يكون بالفعل دا كلامهم مش موزع الأدوار حسب ما تقضيه الحاجه و حسب رؤيته للعالم و الكاستنج الخاص برؤيته الإبداعية !
مقدرا جدا انه عنده تصور عن بدأ الخلق و تكون الحياة الكونية و البيولوجيه بس ما اعتقدش ان الكلام دا يصلح انه ينشر علي اساس انه رواية أي ( عمل أدبي ) ! كان بامكانه انه ينشرها علي هيئة مقالات أفضل بكثير ، كما أنها ستكون مرهقة و بلا قيمة لغير المتخصص حتي مع الوصف البسيط المستخدم حيث انه يشرح عمليات معقدة كان يكفي فيديو من دقيقتين حتي تضح الدنيا و تكون الأمور أسهل و لكن الوصف الكتابي في تلك الأمور غير مفيد لمعلومات و مشاهدات سابقة لي سهلت عليا فهم المكتوب و لكن تخيل من هو غير التخصص و لا يفقه شئ عن الموضوع اعتقد أن الموضوع هيكون بالنسبة له كارثي ، كما انه فقد مصدقيته عندي عندما لم يورد أي مراجع علمية استند عليها من هذا الكلام فكيف أصدقه ؟ أم انها رواية و هذا تؤيل لما قرأ من قبل و تلك نظرته و رؤيته هو ككاتب لتلك العمليه ؟
انا احب العمل الأدبي يكون فيه معلومات علمية زي مثلا كتابات احمد خالد توفيق / دان براون و مستوي متقدم كإمبرتو إيكو ، لكن ميكونش العمل فيه تفاصيل علمية معقدة بالشكل دا يقدم علي اساس انه عمل أدبي ، كمان ايه علاقة العلماء و الفلاسفة و رجال الدين و نظريات خلق الكون بعنوان الرواية ؟ أرض السافلين ؟ ليه اضاف فصل بمثل ذلك للرواية دي ؟ هل يكمل انه صاحب معرفة واسعه و شاملة و يبهر القارئ بمعلومات غائبة عنه و لا يعرفها ؟ الصراحة مش لاقي مبرر لوجود الفصول العلمية دي في الرواية

العالم السادس :

التاريخ الإقتصادي بيشرحه كأن تيتا بتحكي حكاية الأقزام السبعة , انت بتكتب فنتازيا لك هذا , لكن في قواعد يجب إحترامها , أن أسست عالم يبقى في سياق بتكتب من خلاله لكن هنا خرج عن المنهجية و العملية المفترضه اللي هو واهمنا أنه متبعها في الرواية و شرحه كأنه حكاية للأطفال بلا تواريخ الدنيا هايصة ع بعضها و جايب عم دهب و جرينديزر يشرحوا الدنيا ! مع ظهور خاص لمايكل جاكسون ، مش هتكلم كفاية كده , الكلام دا خطير جدا أنت بتشوه كده التفكير عن اللي ممكن يقرأ الحاجات دي مكان يحترم عقلية القارئ و هيقدمله المعلومة بشكل جيد و صحيح

العالم السابع :

هما مين اللي اكتشفوا ؟ و مين اللي قالوا ؟ و ايه الطريقة اللي بيرسموا بيها كائن كامل من مجرد أحفوريات قليلة منه بالتأكيد طريقة معقدة و لها أصل علمي مش خيال رسام ؟! يمكن الكلام يبان أنه مقنع بس ازاي انت وصلت لكده و هو غير تخصصك في حين مئات الفرق من العلماء و الأدمغة العلمية لا هم لهم سوى السعي في ذلك لا زالوا في مرحلة الشك و عدم اليقين و التجريب ؟! فين المصادر العلمية اللي اعتمدت عليها في الحاجات دي ؟ دا حق لينا أننا نشوف مصادر الكلام دا عشان اعرف مدي مصداقيتها و مصداقية ابحاثها ، الكلام قد يكون مقنع قد يكون منطقي بس بالتأكيد يحتاج عشرات القراءات و الأبحاث و طالما الموضوع بسيط و سهل و استطاع اكتشاف شخص عادي من مجرد بحث بسيط ليه ما بيدرسهوش للناس كده ؟! كما شككت انت في طريقة قياس عمر الأشياء بالعناصر المشعة يحق لي ان اشكك في أي معلومة توردها هنا لنفس الأسباب
أرض النور :
بدأها في الأول بتسفيه للديانات القديمة الوثنيه المعتقدة عند أقوام هذا أقصي ما اهتدوا له دون رسل أو أنبياء و وجهة نظره و وصفه للفراعنة أنهم قوم سمر واضعين مناشف ع رؤسهم !