ŷ������

نادرا ما بقرأ رويات لكتاب جداد و بصراحة كل مره بعمل كده بوعد نفسي انها مش هتتكرر!
الرواية واخده 5 نجوم من كل الناس تقريبا بس أنا حقيقي مش عارفه ليه؟
هي مش وحشه بس يعني عادية جدا لدرجة رهيبة!! أحداث متسلسله ممكن تكون عدت عليك 100 مرة في حياتك سواء حصلتلك أو سمعت عنها ، إلى جانب شوية مبالغة يعني و بس خلاص على كده! يعني بصراحة حتى مفيش محاولة واحدة لرسم أي صورة بلاغية في الكتابة أو حتى استفاضه في شرح مشهد/ شعور/ حالة بطريقة بلاغيه تجذبك و تدخلك في الحالة و تبهرك باللغة العربية كما هو الحال في الكثير من الروايات العربية المتقنه.
الرواية عبارة عن أحداث كده بالحكي يعني صحيت من النوم. حضرت الفطار. نزلت الشغل. أحداث في الشغل. عديت ع الولد في المدرسة. روحنا. إلخ !
و فيها أكتر حاجة سيئة ممكن حد يعملها و هو اقحام أي معتقد ديني في النص! دي أكتر حاجة بتقفل يا جماعة و الله العظيم و فعلا ملهاش أي لازمة في أي رواية!

اترددت جدا أدوس نجمة و لا اتنين بس هو استقريت على اتنين لأني كملتها للاخر لأنها مش بشعه يعني ، انما بصراحة مش أكتر من نجمتين لأنها حقيقي عادية جدا