ŷ������

المستوى معجبنيش بنسبة 50%
فجأة حسيت إن مسار البرنامج إتغير من رد على الملاحدة لرد على أهل الكلام من المعتزلة والأشاعرة
للأسف تفصيلات كتيره إحنا فى غنى عنها وخصوصاً الجزء الخاص بالأدلة العقلية النقلية
الكتاب فى حد ذاته إبداع لكن وجوده فى المستوى بتفصيلاته الكتير حسيت إنه مش من أهداف البرنامج بل كان ممكن المعلومة توصل بأيسر من كده
دخول فى تفاصيل ومباحث أصولية وللأسف كتير من المشاركين معندهمش علم بيها
أعتقد إن صناعة المحاور محتاج لإعادة تقسيم واختصار بعض المقررات والأفضل كمان أنه يتم تدريس بعض المواد الشرعية الهامة بدل الدخول فى التفصيلات الكلامية ومن أهم هذه العلوم العقيدة والمصطلح والأصول
دا بالإضافة إلى دراسة علم المنطق عشان الدارس يقدر يفهم الطريقة اللى الكتاب بيكتبوا بيها المناهج واللى هى طبعاً طريقة أدبية متوسطة الصعوبة
المحير فى الموضوع إن كتير من المقررات ممكن تتكتب بطريقة أسهل من كده
والمدهش أن كتير من الشباب اللى عنده شبهات لما بتناقشة بطريقة صناعة المحاور( بيتنح ) ودى طبعاً كلمة مصرية يعنى مش بيبقى فاهم اللى أنت بتقوله وبتحتاج تترجم وتشرح كتير عشان يفهم ودا خلاني للحظة أشك فى جدوى كتابة المقررات بهذه الطريقة
عموماً أنا فى آخر المستوى أحب أقول إنى إشتقت لكلام أهل السنة والجماعة