ŷ������

wow..what a novel!
الخزي..الاحساس بالعار..أصعب إحساس ممكن أي حد يحس بيه..
الرواية بتتكلم عن دكتور جامعي أقام علاقة جنسية مع طالبة عنده ومع ذلك هو رافض يعترف إنه غلطان او إنه حتي لازم يتغير بل بالعكس هو بيبرر أفعاله علي إنها غريزة إنسانية طبيعية..

"إن قضيتي ترتكز علي حق الشهوة،علي الرب الذي يجعل حتي أصغر طائر يرتعش..!
لست مضطرا إلي أن أصبح إنساناً أفضل..لست مستعداً للاصلاح اريد أن أبقي كما أنا..!"

الرواية في أحداثها بتتكلم عن العنصرية في جنوب أفريقيا بطريقة غير مباشرة وكمان بتسلط الضوء علي أنواع مختلفة من الخزي..إحساسك بالعار مش لازم يكون نتيجة غلطتك إنت، ممكن تكون ضحية شخص آخر ومع ذلك تحس بالعار.. زي الست اللي بتتعرض للاغتصاب مثلاً..

أعتقد إن كويتزي عاوز يقولنا إن كلنا ممكن في فترة من حياتنا نحس بالخزي لأسباب كتير، سواء كنا غلطانين أو لأ..بس المهم إننا مش لازم نستسلم ولا ندفن راسنا في الرملة..
"إن ما لا يقتل..يقوّي.."
رواية مش كبيرة في عدد صفحاتها ..تقيلة في محتواها ..مؤلمة وممتعة جداً في قرائتها..

القراءة التانية لكويتزي بعد ' في إنتظار البرابرة' و يبدو كدة إن سنة الكورونا بالنسبة لي حتكون سنة إكتشاف الكُتاب المتميزين جداً اللي كويتزي أكيد واحد منهم...
corona is not that bad after all;)

"كم هو مُذلّ ولكن لعلها تكون نقطة بداية جيدة لعل هذا ما ينبغي علي أن أتعلم بقبوله.. أن أبدأ من الصفر..بدون أي شئ..بلا خيارات ولا ملكية ولا حقوق ولا كرامة..!"