ŷ������

"كرامة الفرد من كرامة الوطن" - الرئيس حسني مبارك

ما أشبه اليوم بالأمس.. الحكومات العربية لم تتكبد حتى عناء تغيير طُرق تعاملها أو حتى (كأضعف الإيمان) محاولة تجنب تكرار السيناريوهات نفسها بنفس حذافيرها بنفس خسائرها بنفس روحها القاسية, فقط غيروا اسم الفاعل من حاكم مستبد, لحاكم آخر مستبد و مُدعي للثورة (و هو برضو سيناريو مكرر).. مفيش أي كريتيفيتي في إضطهاد الشعوب حتى..

الإنتخابات المزورة و عدم وجود مرشحين و "مش هترشح بس أنا بقيت رئيس عشان خاطر عيونكم" و إغتصاب السُلطة و توريثنا كشعب (ولا كإننا تِركة أبوهم) من عسكر لعسكر..
و عنف الشرطة و تعديات أمن الدولة, و المعتقلين السياسيين و المختفين قصريًا, التحرش و السحل و هتك العرض و تعديلات دستورية فاسدة, و تشويه التاريخ و إدعاء الثورية..
تصفية الأحزاب, فشخ حرية الرأي (والتفكير) و دلوقتي كمان المحاكمات العسكرية للمدنيين بسبب كتب منعوا نشرها أو بسبب ولا أي حاجة ليها معنى, أصل هما مش محتاجيين يبرروا..

الكتاب فيه بعض التكرار, و التكرار مضايقنيش خالص لأن كل حاجة وسخة في البلد مُكررة اصلا, فكون د. علاء اضاف مقالات فيها بعض التكرار مقللش بالنسبة لي من الكتاب على الإطلاق..
كمان بسبب إن المقالات كانت مكتوبة وقت الأحداث نفسها, ساعدتني أعرف حاجات مكونتش عارفاها, من واحد أنا عارفة إنه مش "مطبلاتي" (لإختيار اللفظ الارق يعني) زي نسبة كتيرة من الناس اللي بنشوفها دلوقتي, افتكرت حاجات كنت مش فاكراها و عرفت حاجات مكونتش عارفاها..
معجبنيش إن د. علاء كان بيshame الرقاصات و كإن الفن بقى عيب, و إستخدام لفظ "شواذ".. بجد يعني؟ "شواذ"!
كمان كان غريب شوية عليا إني أقرأ عن بعض "الأرانب" اللي بعدين ظهر معدنهم الحقيقي زي مصطفى البكري مثلًا اللي مكانش عندي فكرة إنه في وقت ما كان محترم. ._.


علاء الأسواني برأيي محلل سياسي محترم جدًا و آرائه نابعة عن ثقافة و فهم واضح, و بحب تنسيق الكتاب إنه رغم كونه مقالات و لكن بتشوف تسلسل الأحداث بشكل ممتاز.