Sign in with Facebook
Pakinam Mahmoud's Reviews > Sapiens: A Brief History of Humankind
Sapiens: A Brief History of Humankind
by
by
العاقل:تاريخ مختصر للجنس البشري ..الكتاب الذي ترجم لأكثر من ٤٥ لغة منذ صدوره عام ٢٠١١ وبيع منه أكثر من مليون نسخة و هو من تأليف المؤرخ الإسرائيلي و الأستاذ الجامعي يوفال هراري..
يُقال عن الكتاب إنه سيغير نظرتك إلي العالم وينصح بيل غيتس بقراءته لكل من هو مهتم بمعرفة تاريخ جنسنا البشري ومستقبله...
الكتاب بيبدأ بالثورة الذهنية وبيتكلم كيف إستطاع الإنسان العاقل التخلص من كل الكائنات البشرية الأخري مثل الناتيدرال وغيرهم وكيف كان السبب في إنقراض الكثير من الحيوانات والكاتب وصف الإنسان علي إنه قاتل بيئي متمرس..
بياخدنا الكتاب بعد كدة للثورة الزراعية واختراع الكتابة وكيف تم توحيد البشرية من خلال المال والامبراطوريات والأديان ثم إلي الثورة العلمية وتطور الصناعة و أخيراً في أخر فصل بيتكلم عن ما هي طبيعة السعادة ومستقبل النوع البشري..
الكتاب يعتبر كتاب علمي وفلسفي شوية والصراحة يعني أنا بكره الكتب دي..بتزهقني جداً في قرايتها ومع ذلك مقتنعة إني لازم من وقت للتاني أقرأ كتب من هذه النوعية..
الجزء الأول في الكتاب كان من أمتع الأجزاء بالنسبة لي خصوصا وجهة نظره عن الثورة الزراعية وإنها كانت أكبر خديعة في التاريخ و أستدل علي ذلك بالعديد من المبررات اللي أقنعتني وجداً كمان..
لم تعجبني وجهة نظره في الأديان ولم أقتنع برأيه إن الديانات المتعددة الألهة فيها مميزات عن الديانات التوحيدية!! دة غير إنه مقتنع إن الديانات التوحيدية فيها بشكل أو بأخر تعدد الهة ودة في رأيي كلام فارغ ملوش أي أساس من الصحة..
تشبيهه للشيوعية بالديانة كلام غير منطقي ..و أيضاً كون 'معالي الباشا' إسرائيلي فهو تطرق لحروب مثل العراق وايران وحرب الخليج و مجابش سيرة المجازر والإنتهاكات اليومية التي تقوم بها بلده!!
الكتاب فيه تكرار شوية ولكن طبعاً هو فيه معلومات علمية كثيرة ..مكتوبة بطريقة ممتعة في بعض الأجزاء وبطريقة مملة في معظم الأجزاء..ترجمة الكتاب كانت ممتازة في رأيي و لكني أشعر إن الكتاب ده أخد حجم أكبر من حجمه بكتير وميستهالش كل هذه الضجة!
وأخيراً نتفق أو نختلف مع الكاتب ولكن تظل التساؤلات التي طرحها في نهاية الكتاب مهمة جداً إننا نفكر فيها..
بعد كل هذه الإختراعات والأشياء المدهشة التي يستطيع البشر أن يفعلوها هل إحنا فعلاً سعداء؟هل إحنا فعلاً راضيين؟ وأهم سؤال فيهم بقي هل إحنا فعلاً عارفين إحنا عاوزين إيه؟
عموماً أنا عن نفسي عارفة..مش عاوزة أقرأ كتب علمية تاني السنة دي..خلصت كدة:)
"السعادة تبدأ من الداخل ومفتاح السعادة هو أن تفهم من أنت أو ما أنت..."
يُقال عن الكتاب إنه سيغير نظرتك إلي العالم وينصح بيل غيتس بقراءته لكل من هو مهتم بمعرفة تاريخ جنسنا البشري ومستقبله...
الكتاب بيبدأ بالثورة الذهنية وبيتكلم كيف إستطاع الإنسان العاقل التخلص من كل الكائنات البشرية الأخري مثل الناتيدرال وغيرهم وكيف كان السبب في إنقراض الكثير من الحيوانات والكاتب وصف الإنسان علي إنه قاتل بيئي متمرس..
بياخدنا الكتاب بعد كدة للثورة الزراعية واختراع الكتابة وكيف تم توحيد البشرية من خلال المال والامبراطوريات والأديان ثم إلي الثورة العلمية وتطور الصناعة و أخيراً في أخر فصل بيتكلم عن ما هي طبيعة السعادة ومستقبل النوع البشري..
الكتاب يعتبر كتاب علمي وفلسفي شوية والصراحة يعني أنا بكره الكتب دي..بتزهقني جداً في قرايتها ومع ذلك مقتنعة إني لازم من وقت للتاني أقرأ كتب من هذه النوعية..
الجزء الأول في الكتاب كان من أمتع الأجزاء بالنسبة لي خصوصا وجهة نظره عن الثورة الزراعية وإنها كانت أكبر خديعة في التاريخ و أستدل علي ذلك بالعديد من المبررات اللي أقنعتني وجداً كمان..
لم تعجبني وجهة نظره في الأديان ولم أقتنع برأيه إن الديانات المتعددة الألهة فيها مميزات عن الديانات التوحيدية!! دة غير إنه مقتنع إن الديانات التوحيدية فيها بشكل أو بأخر تعدد الهة ودة في رأيي كلام فارغ ملوش أي أساس من الصحة..
تشبيهه للشيوعية بالديانة كلام غير منطقي ..و أيضاً كون 'معالي الباشا' إسرائيلي فهو تطرق لحروب مثل العراق وايران وحرب الخليج و مجابش سيرة المجازر والإنتهاكات اليومية التي تقوم بها بلده!!
الكتاب فيه تكرار شوية ولكن طبعاً هو فيه معلومات علمية كثيرة ..مكتوبة بطريقة ممتعة في بعض الأجزاء وبطريقة مملة في معظم الأجزاء..ترجمة الكتاب كانت ممتازة في رأيي و لكني أشعر إن الكتاب ده أخد حجم أكبر من حجمه بكتير وميستهالش كل هذه الضجة!
وأخيراً نتفق أو نختلف مع الكاتب ولكن تظل التساؤلات التي طرحها في نهاية الكتاب مهمة جداً إننا نفكر فيها..
بعد كل هذه الإختراعات والأشياء المدهشة التي يستطيع البشر أن يفعلوها هل إحنا فعلاً سعداء؟هل إحنا فعلاً راضيين؟ وأهم سؤال فيهم بقي هل إحنا فعلاً عارفين إحنا عاوزين إيه؟
عموماً أنا عن نفسي عارفة..مش عاوزة أقرأ كتب علمية تاني السنة دي..خلصت كدة:)
"السعادة تبدأ من الداخل ومفتاح السعادة هو أن تفهم من أنت أو ما أنت..."
Sign into ŷ to see if any of your friends have read
Sapiens.
Sign In »
Reading Progress
April 6, 2019
– Shelved
April 6, 2019
– Shelved as:
to-read
March 10, 2021
–
Started Reading
March 10, 2021
–
13.67%
"بمضي الوقت أصبح الواقع المتخيل أكثر نفوذاً من أي وقت مضي.. إذ يعتمد بقاء أنهار وأشجار وأسود علي رحمة كيانات متخيلة مثل الولايات المتحدة وجوجل..."
page
70
March 11, 2021
–
23.44%
"فبمجرد أن يعتاد الناس علي رفاهية معينة فإنهم يعتبرونها أمراً مضموناً ،ثم يعتمدون عليها إلي أن يصلوا إلي مرحلة لا يمكنهم العيش بدونها..."
page
120
March 11, 2021
–
27.34%
"تعتبر الثورة الزراعية من الأحداث المثيرة للجدل في التاريخ ويدعي البعض إنها تعتبر نقطة التحول التي قطع فيها العقلاء علاقتهم الحميمة مع الطبيعة وابتدأوا اللهاث باتجاه الطمع والأغتراب.."
page
140
March 11, 2021
–
29.3%
"تخبرنا النزعة الاستهلاكية أنه لكي نكون سعداء يجب أن نستهلك أكبر عدد ممكن من المنتجات والخدمات ويشكل كل إعلان تليفزيوني أسطورة صغيرة إن إستهلاك هذه المنتجات سيجعل الحياة أفضل..."
page
150
March 12, 2021
–
31.25%
"حين نهرب من أسوار سجننا ونركض نحو الحرية فإننا في الواقع نجري باتجاه ساحة أوسع لسجن أكبر.."
page
160
March 13, 2021
–
33.2%
"النحل لا يحتاج إلي محامين لانه لا يوجد خطر يتمثل في محاولة مخالفة دستور الخلية بمنع النحلات من حقهن في الحياة والحرية والسعي نحو السعادة.."
page
170
March 13, 2021
–
39.06%
"نظام التذكر في الدماغ فعال بشكل مذهل،باستثناء حين تحاول تذكر أين وضعت مفتاح سيارتك.."
page
200
March 14, 2021
–
42.97%
"مقولة إن الرجال أقوي من النساء صحيحة فيما يتعلق بأنواع معينة فقط من القوة..فالنساء بشكل عام أكثر مقاومة للجوع والمرض والإرهاق من الرجال وهناك أيضاً العديد من النساء اللواتي يمكنهن الركض أسرع ورفع أوزان أثقل من العديد من الرجال..."
page
220
March 14, 2021
–
52.73%
"يحلم الناس لسنوات بالعثور علي الحب لكنهم نادراً ما يشعرون بالرضا حين يجدونه.."
page
270
March 15, 2021
–
58.59%
"يجري الناس وراء السلطة والثروة ومهماً كانت إنجازاتهم فهم غير راضين أبداً..فأولئك الذين يعيشون في فقر يحلمون بالثورة وأولئك الذين لديهم مليون يريدون مليونين وحتي الأغنياء والمشاهير نادراً ما يكونون راضين.."
page
300
March 16, 2021
–
78.13%
"توقف اعتبار الحيوانات علي إنها كائنات حية يمكن أن تشعر بالألم والمعاناة وأصبحت تعامل بدلاً من ذلك علي أنها آلات..و لا تهتم الصناعة بالأحتياجات الأجتماعية والنفسية لها باستثناء حين يكون لذلك الأهتمام تأثير مباشر علي الإنتاج."
page
400
March 16, 2021
–
82.03%
"تري النزعة الاستهلاكية أن إستهلاك مزيد من المنتجات والخدمات أمر إيجابي وتنظر إلي التقشف علي أنه مرض يحتاج لعلاج.."
page
420
March 16, 2021
–
85.94%
"تعد السمنة إنتصاراً مزدوجاً للنزعة الإستهلاكية فبدلاً من أكل القليل يأكل الناس كثيراً ثم يشترون منتجات الحمية الغذائية ليساهموا علي نحو مضاعف في النمو الإقتصادي.."
page
440
March 16, 2021
–
89.84%
"أصبح كوكبنا الذي كان في ما مضي أخضر وأزرق في طريقه ليكون مركز تسوق من الخرسانة والبلاستيك.."
page
460
March 16, 2021
–
93.75%
"السعادة تبدأ من الداخل.فلا المال ولا المكانة الأجتماعية ولا الجراحة التجميلية ولا البيوت الجميلة ولا المناصب النافذة،لا شئ من ذلك يجلب لك السعادة.."
page
480
March 20, 2021
–
Finished Reading
Comments Showing 1-45 of 45 (45 new)
date
newest »
newest »
message 1:
by
Jannah
(new)
-
added it
Mar 20, 2021 09:38AM
هههههههههههه معالي الباشا ضحكتيني وانا لسه طالعة من جلسة دراسة كئيبة
reply
|
flag
المراجعة الأجمد للكتاب على الإطلاق يا حبي 😂♥️ أنا كنت هشتريه ولما عرفت إن معالي الباشا إسرائيلي قولت هقراه pdf لو قريته😌
@jannahأصله فقعني الصراحة:) و الكتاب والله كان اكيد أصعب من جلستك الدراسية😅الجلسة اخرها ساعتين ..أنا قعدت أقراه في أسبوع باين وعدوا عليا كإنهم سنتين:))
@alaaده جابلي شلل والله العظيم..كان مالي انا ومال تاريخ جنسنا البشري..انا غلبااااان😂
أوعي تشتريه طبعاً..كفاية عليه الكتروني و يعني ممكن تقريه علي ٣ سنين كدة عشان متزهقيش🤪
Pakinam wrote: "@jannahأصله فقعني الصراحة:) و الكتاب والله كان اكيد أصعب من جلستك الدراسية😅الجلسة اخرها ساعتين ..أنا قعدت أقراه في أسبوع باين وعدوا عليا كإنهم سنتين:))"
لأ الكميا اصعب من تاريخ الجنس البشري والجنس الفضائي كمان ال3 ساعات الي درستها كانت زي قرن على قلبي:(
ازيدك من الشعر بيت معالي الباشا صهيوني ملحد شاذ
بص يا علي عشان أكون صريحة..أنا حسيت إن هو كل اللي إنت قلته دة أثناء القراءة وتوقعت فعلاً إن هو كدة بس محاولتش أدور و أتأكد من إحساسي..عشان لما بجي أحكم علي أي كتاب مبيهمنيش أبداً إيمان الكاتب من عدمه ولا ميوله الجنسية..ولكن نظرته للأديان وكلامه عنها
it was totally non sense..
و تجاهله لإنتهاكات بلده دي لوحدها تخليه يفقد عندي مصداقية في كلامه..
وأعتقد إن كان في جزء عن الميول الجنسية و وجهة نظره عنها كانت برضو غير مقبولة بالنسبة لي..
الصراحة مش عارفة الكتاب دة إتشهر أوي كدة علي ايه!! وده غير إن إسلوبه الصراحة كان ممل جداً و معجبنيش...
فصلت ريفيو من ريفيوهاتك المضحكة وف نفس الوقت جمعتي اغلب نقاط الكتاب ووضحتبها دايما بحاول محكمش ع الشخص من ديانته ولا جنسيته ولا الكلام ده خالص واحترمتك اوي ان انتي عملتي كده ومحاولتيش تقرأى عن الكاتب قبل قراءة الكتاب
مكنتش اعرف انه إسرائيلي الا لما جاب سيرة مبارك كذا مره و شكيت انه نازي لما اتكلم عن تعدد أصول الأعراق البشريه و إنه محتمل متكونش من أصل واحد و بعدين كلام تآني عن حيفا انها اقدم مستوطن في العالم خلاني دورت وراه فعرفت انه إسرائيلي و عرفت حاجات تانيه منقدروش نقولها 😂بس في النهايه انا يهمني المكتوب اكتر و الكتاب طبعا مهم لأنه قدر يوصل لشريحه لا تفضل الكتب العلمية و قرب ليهم حاجات كتير
لو مقرأتش الكتاب بتاع ه ج ويلز بتاع موجز تاريخ كل شيء تقريبا. حطيه في الليست و هيعجبك
@shahdوالله انا دايماً بعمل كدة عشان نحكم بموضوعية علي الكتاب بس الكاتب هنا كان عنده أراء كتير مستفزة الحقيقة..يعني مش من نوعية الكتب اللي بحبها اوي وإسلوب الكاتب معجبنيش..
thank u shahd😍
@makramلا ما احنا قولناها فوق أهو😂
أتفق معاك إنه كتاب مهم في بعض أجزائه وفي أجزاء تانية مقدمش جديد يعني وأجزاء تالتة كان مستفز:))
وموجز تاريخ كل شئ علي القائمة فعلاً بس راحة بقي شوية من الكتب دي ..بتتعبني نفسياً😅
ده كده ميعتبرش كتاب علمى طالما هو بيقول وجهة نظره في حاجة وطالما كتاب فلسفة يبقى أي حد يجي على باله يقول حاجة حيكتبها .... لكن الأحسن يبقى كتب تاريخية او علمية باحتة أحسن ....
يعني هو الكتاب في معلومات علمية كتير الصراحة وفي اجزاء منها مكتوبة بطريقة ممتعة كمان..بس هو له وجهة نظر اه في حاجات كتير وبختلف معاه في كذا نقطة..يعني الصراحة الكتاب واخد اكبر من حجمه في رأيي..
أتفق معك في أغلب الجزئيات، مراجعة منصفة. بالتأكيد لا نهدف لقراءة كتاب نتفق معه كل الإتفاق، أُفضل الكتب التي تستفز ذهني بطرح مغاير لأفكاري المسبقة.أما طبعا عدم ذكره لسيرة بلده في سياق الحروب والمجازر وأيضا ذكر أسلوب ديانته في معرض الحديث عن كُره أو عزل الآخر، فحدث ولا حرج.
@mohamedليه بس😅 الكتاب فيه أجزاء كويسة..ممكن يعجبك في الأخر:))
@mohammedهو بالنسبة لي كان مستفز في أجزاء كتير..وعجبني والله في أجزاء تانية..
بس طبعاً زي ما انت بتقول مش لازم نتفق معاه في كل حاجة..
بس عموماً الكتب دي بتجيبلي شلل😅مش بحبها..كنت عاملة ذي التلميذ اللي داخل حصة و بيحاول يفهم وبينام من المدرس في النص😂
Pakinam wrote: "@mohammedهو بالنسبة لي كان مستفز في أجزاء كتير..وعجبني والله في أجزاء تانية..
بس طبعاً زي ما انت بتقول مش لازم نتفق معاه في كل حاجة..
بس عموماً الكتب دي بتجيبلي شلل😅مش بحبها..كنت عاملة ذي التلميذ ..."
بالتأكيد مدمن الأدب يمل ويستثقل الكتب غير الأدبية، الواحد من وقت للثاني يجي على نفسه ويقاوم شوية عشان يقرأ شيء خارج نطاق الخيال والأدب.
thanks a lot habibti❤️🌹
Dear Pakinam, great read. This one takes about past. you must follow it with “Home Dues� which talks about the future and �21 Lessons for the 21st Century� talks about the present� Enjoy
thank u sami..i took a quick look about the books u mentioned..it is for the same writer and to be completely honest i have a big problem with him..i didnt like his point of views in lots of the subjects in this book..the way he writes sometimes was a bit boring and repetitive..
i might give him another try but definitely not this year:))
thankx a lot anyway🌹
انا مشكلتي مع الكتاب و اللي مانعني ان انا اشتريه ان الكاتب اسرائيلي
تصدق انا مكنتش اعرف جنسيته قبل القراءة..ممكن لو كنت عرفت مكنتش قريته فعلاً😅 عموماً هو كتاب في أجزاء مهمة و لكن الكاتب عنده أراء ووجهات نظر مستفزة قفلتني منه ومن الكتاب كله..
شكراً نورا..بالضبط كدة ..خلي سقف توقعاتك عادي..جايز يعجبك في الاخر برضو:)أسفة علي التأخير في الرد..لسة حالاً شايفة التعليق🌹
أعتقد أهمية النوعية دي من الكتب مش بس المعلومات ولكن فرصة كويسة تعرفي ازاي الطرف الآخر بيعبر عن نفسه وفلسفته وبالذات لما يكون الآخر ده اسرائيلي غير مؤمن بالأديان وكمان مثلي الجنس
مع احترامي ليك يخويا بس ايه علاقة فلسفته وافكاره بميوله الجنسية انا اسف علي التدخل بس السؤال داه ويرد اوي يعني ايه مش مؤمن بالاديان ومثلي ؟ اغلب العلماء والمفكرين مش مؤمنين بالاديان لاسباب كتير منها العلم والمنطق انت عندك علوم كتير بتنفي الأديان ف مش فاهم ليه الناس بتربط العلم بالدين ؟ واسف جدا علي التدخل فجاة بس الموضوع استفزني
اضافة ان الكتاب فيه حاجات مثبتة علميا زي انواع الاجناس البشرية زي النادرتال والهومو هابيلوس واركتوس وكمان حاجات مؤكدة في علم الانثربولوجي زي سلوك الانسان البدائي في سعيه للخلود وغيره يعني مش فاهم ايه منطقك هل هتغير في العلم عشان هو مثلي ؟
@ davidبص يا دافيد الصراحة ديانته أو ميوله الجنسية شئ مش مهم بالنسبة لي ولا مهتمة أعرفه ولا عمري بحكم علي أي كتاب أو كاتب عشان الحاجات دي..أنا بحكم عليه كعمل أدبي وكتاب علمي ايا كانت الخلفية اللي جاي منها الكاتب..
بس مش حنكر انه كونه اسرائيلي فكنت مهتمة اعرف دماغه في حاجات معينة وعموما هو مخيبش ظني😅
@omartotally agree ya omar..
ديانته و ميوله الجنسية حاجات متخصناش أساساً و انا في المراجعة قلت رأيي في الكتاب من غير ما اعرف اي حاجة عن الرجل ولا عاوزة اعرف:)
وزي ما انت قلت هو كتاب علمي وفي فعلاً اجزاء مفيدة ومهمة...
@omar @pakinam
انا متفق معاك جدا
اللي بقوله مش قصدي بيه قبول ورفض الكتاب بناءً على ميول كاتبه
لكن أقصد أن مع أهمية المعلومة العلمية - واللي موجودة في كتب كتير - كمان مهم الفلسفة اللي بيقدمها الكاتب ورا المعلومة وده بيتفهم من خلال فهم توجهاته - لا من أجل نقدها أو تقييمها - ولكن لأجل المعرفة فقط
وبالمناسبة هو قدم بنفسه توجهاته دي في كتبه بس واضح أن الترجمة العربية مجبتهاش
اخيرا انا قريت الكتاب ده وكتابه التاني homo deus والاتنين عجبوني وناوي اقرا كتابه التالت
وهتابع اي كتاب هينزل ليه
انا بس حبيت اضيف مش اكتر اما انتوا ناس محترمة مقدرش اعدل عليكوا طبعا
@omar@david
الترجمة العربية موضحتش توجهاته فعلاً ..
شكراً ديفيد علي توضيح وجهة نظرك..
and thank u guys
علي النقاش المتحضر...:)
أصل الواحد بقي يشوف ناس غريبة وردود قمة في الإستفزاز لما تقول حاجة مش علي مزاجهم:)
Pakinam Omar
أنا سعيد جدا بالنقاش ده
شكرا ليكم
الصراحه اول مره اقرأ تعليق كبير بشكل كامل زي التعليق بتاع حضرتك، انا حسيت اني قرأت الكتاب من تعليقك فقط!اري ان تعليق لخص الكتاب بشكل كبير،
الكتاب كان في خطتي للقراءة الفتره القادمه، لكن اعتقد بعد تعليق حضرتك و ان الكاتب طلع يهودي فااعتقد هلغي فكره انه يكون في خطتي
شكرا جزيلا لحضرتك على التعليق الرائع ده 🌹🌹
شكراً ليك يا محمد...و أتمني تكون المراجعة مفيدة بس كلامي يعبر عني برضو ومازال الكتاب ممكن يعجبك إنت:)
اتكيفت من شمولية معلوماته في التلت كتب. راجل بتاع تاريخ لكن المعلومات العلمية دقيقة بشكل كبير و مبسطة تبسيط جميل جدا، و التبسيط مهمة صعبة جدا الا لو حد فاهم اللي بيقوله.كنت متربصاله اوي و انا بقرا اشوف المعلومات المتعلقة بتخصصي عاملة ازاي و انبهرتA very well researched work
بصرف النظر عن الأطروحات
طبعاً الكتاب مليان معلومات..اختلافي معاه كان في بعض وجهات نظره ..لكن هو أكيد كتاب مهم..
هو ايه الانجليزي..مش فاهمة😅الكتاب قرأته مترجم يا عمرو:)
انطلاقا من علمي بكونه اسرائيلي وذكره لحروب "الشرق الأوسط" بدون ذكره لبلاده، من رأي حضرتك اقرأه ولا لا ؟؟
الكتاب في أجزاء مهمة بالتأكيد و أجزاء ممتعة أيضا..ممكن تجرب معاه وتاخد منه اللي عاجبك فقط..
من احلي واجمل ما قرأت في حياتي
بجد والله؟ أنا منبهرتش أوي الصراحة:)
معرفش..انا قرأتها بالانجليزي من ٤ سنين ...يمكن علشان كده عجبتني جدا...لا يا باكي...إنسانية جدا وعميقة وفلسفية وتاريخية ...لا من أجمل ما قرأت فعلا...لا يعيبها إلا أن الكاتب اسرائيلي...
